ວັນທີ 22 ທັນວານີ້ກົມສືມ່ວນຊົນ, ກະຊວງຖະແຫຼ່ງຂ່າວແລະສື່ສານຫວຽດນາມຮ່ວມກັບສະຖາບັນສື່ມວນຊົນ,
ກະ ຊວງຖະດແຫຼ່ງຂ່າວ, ວັດທະນະ ທຳ ແລະ ທ່ອງທ່ຽວ, ໄດ້ເປີດຊຸດຝຶກອົບຮົມທັດສະການສຳພາດຂ່າວໃຫ້ສື່ມວນຊົນລາວຂຶ້ນ,
ຢູ່ສະຖາບັນດັ່ງກ່າວ, ທີ່ນະຄອນຫຼວງວຽງຈັນ, ໂດຍການເຂົ້າຮ່ວມເປີດພິທີຂອງທ່ານ
ສະຫວັນຄອນ ຣາຊມຸນຕຣີ ລັດຖະມົນຕີຊ່ວຍວ່າການກະຊວງຖະແຫຼ່ງຂ່າວ, ວັດທະນະທຳ ແລະ
ທ່ຽວທ້ອງ, ທ່ານ ຫວູແທງເຊີນ ຮອງຫົວໜ້າກົມສສື່ມວນຊົນ, ຖະແຫຼ່ງຖະແຫຼ່ງຂ່າວ
ແລະ ສື່ສານຫວຽດ ນາມ, ມີຫົວໜ້າກົມ, ຫົວໜ້າສະຖາບັນ ແລະ ຄູອາຈານ, ພ້ອມດ້ວຍນັກສຳມະນາກອນຈາກສູນ
ກາງແລະທ້ອງຖິ່ນເຂົ້າຮ່ວມຢ່າງພ້ອມພຽງ.
ທ່ານ ວິໄລທອງ ສີຊານົນ ອຳນວຍການສະຖາບັນສື່ມວນຊົນ,
ວັດທະນະທຳ ແລະ ທ່ອງ ທ່ຽວມີຄຳເຫັນໃນພິທີ ວ່າ: ໂດຍປະຕິບັດຕາມການຮ່ວມມືຂອງ ກະຊວງຖະແຫຼ່ງຂ່າວ,
ວັດທະ ນະທຳ ແລະ ທ່ອງທ່ຽວ ແລະ ຖະຊວງຖະແຫຼ່ງ
ຂ່າວ ແລະສື່ສານຫວຽດນາມປົກກະຕິແລ້ວປີໜຶ່ງທັງສອງກະຊວງຈະເປີດຊຸດຝຶກອົບຮົມຂຶ້ນສອງຊຸດຄື
: ຢູ່ລາວ 1 ຊຸດ ແລະ ຢູ່ ສສ ຫວຽດ ນາມ 1 ຊຸດໂດຍການຊ່ວຍເຫຼືອຂອງກະ ຊວງຖະແຫຼ່ງຂ່າວ
ແລະ ສື່ສານຫວຽດນາມ ແລະ ການເປີດຊຸດຝຶກອົບຮົມຄັ້ງພິເສດໃນປີ 2014, ຜ່ານມາສອງຝ່າຍໄດ້ຮ່ວມຈັດ
ຊຸດຝຶກອົບຮົມມາແລ້ວ 7 ຫາ 8 ຊຸດ ຫຼື ປະມານ 300 ກວ່າຄົນທີ່ໄດ້ເຂົ້າຮັບອົບຮົມໃນຫົວຂໍ້ທີ່ແຕກຕ່າງກັນ
ແລະ ການຊ່ວຍເຫຼືອດັ່ງກ່າວແມ່ນໄດ້ຮັບການຕີລາຄາສູງຈາກການນຳ ກະຊວງຖະແຫຼ່ງຖະແຫຼ່ງຂ່າວ,
ວັດທະ ນະທຳ ແລະ ທ່ອງທ່ຽວເຖິງຜົນສຳເລັດຂອງການຮ່ວມມືດັ່ງກ່າວເພື່ອເລັ່ງໃສ່ພັດທະ ນາວຽກງານສື່ມວນຊົນຂອງລາວນັບມື້
ເຕີບໃຫຍ່ ເຂັ້ມແຂງ ແລະ ເຊື້ອວ່າ ຊຸດຝຶກອົບຮົມຄັ້ງນີ້ຈະຊ່ວຍຍົກລະດັບຄວາມຮູ້ຄວາມສາມາດໃຫ້ສື່ມວນຊົນໄດ້ເປັນຢ່າງດີ
ແລະ ຫວັງເປັນຢ່າງຍິ່ງວ່າບັນ ດານັກສຳມະນາກອນທີ່ເຂົ້າຮ່ວມຝຶກອົບຮົມຈະຕັ້ງໃຈສຶກສາເອົາຄວາມຮູ້ຈາກຄູອາຈານຜູ້ມີປະສົບການເພື່ອໄປພັດທະນາຕົນເອງ
ແລະ ນຳໃຊ້ເຂົ້າໃນວຽກງານໃຫ້ເກີດຜົນປະໂຫຍດສູງສຸດ, ຊຸດຝຶກອົບຮົມດັ່ງກ່າວແມ່ນຈະດຳເນີນໄປຮອດວັນທີ
26 ທັນວານີ້.
No comments:
Post a Comment