ເຈົ້າໜ້າທີ່ສະກັດກັ້ນ ແລະ ປາບປາມຢາເສບຕິດ
ແຂວງບໍລິຄຳໄຊ ໃຫ້ຮູ້ວ່າ: ໃນວັນທີ 13 ທັນວານີ້, ໄດ້ສົມທົບກັບເຈົ້າໜ້າທີ່
ປກສ ກຸ່ມບ້ານທົ່ງໃຫຍ່ ເມືອງປາກຊັນ ເຂົ້າຈັບກຸມກຸ່ມເປົ້າ ໝາຍຄ້າຂາຍຢາເສບຕິດ
ປະເພດເຮໂຣອິນ ຢູ່ບ້ານທົ່ງໃຫຍ່ ແລະ ກວດພົບຂອງກາງ ມີເຮໂຣອິນ ຈຳນວນ 46 ຄູ່
ເທົ່າກັບ 92 ແທ່ງ, ເງິນສົດ 20.000 ບາດ (ສະກຸນເງິນໄທ) ພ້ອມກັກຕົວຜູ້ຖືກຫາທັງໝົດ
6 ຄົນ ຄືນາງ ພອນສະ ຫວັນ (ເຈນນີ) ອາຍຸ 22 ປີ ຢູ່ບ້ານໝາກມຸກ ເມືອງໄຊ ແຂວງອຸດົມໄຊ,
ທ້າວ ຕໍລໍ ອາຍຸ 17 ປີ ຢູ່ບ້ານເຈຍຕອງ ເມືອງປາກທາ ແຂວງບໍ່ແກ້ວ, ທ້າວ ສອນວື
ອາຍຸ 44 ປີ ຢູ່ບ້ານໜອງພະຍາ ເມືອງໄຊທານີ ນະຄອນຫລວງວຽງຈັນ, ທ້າວ ຕົວ (ບີດາວ)
ຢູ່ບ້ານຕາຈີ່ລີກ ຈັງຫວັດຊຽງຕຸງ ແຂວງຊຽງຕຸງ ປະເທດມຽນມາ, ທ້າວ ລາວຕ້າ ອາຍຸ
40 ປີ ຢູ່ບ້ານວຽງແກ່ນ ເມືອງວຽງແກ່ນ ຈັງ ຫວັດ ຊຽງລາຍ ປະເທດໄທ, ທ້າວ ນໍເນັງ
(ບົງກົດ) ອາຍຸ 37 ປີ ຢູ່ບ້ານໄທສາມັກຄີ ເມືອງວຽງແກ່ນ ຈັງ ຫວັດຊຽງລາຍ ປະເທດໄທ.
ຜ່ານການສືບສວນ-ສອບສວນ ຜູ້ຖືຫາຮັບສາລະພາບວ່າ:
ເຮໂຣອິນຈຳນວນດັ່ງກ່າວໄດ້ເອົາມາຈາກປະເທດເພື່ອນບ້ານ ແລະ ຈະເອົາມາສົ່ງໃຫ້ພໍ່ຄ້າຢູ່ເຂດບ້ານທົ່ງໃຫຍ່
ເມືອງປາກຊັນ.
ປັດຈຸບັນ ເຈົ້າໜ້າທີ່ພວມປະກອບສຳນວນຄະດີສັ່ງຟ້ອງສານເພື່ອດຳເນີນຄະດີຕາມຂັ້ນຕອນຂອງກົດໝາຍ
ສປປ ລາວ.
No comments:
Post a Comment