ດັ່ງທີ່ພວກເຮົາຮູ້ນຳກັນແລ້ວວ່າຜ່ານມາລັດຖະບານເຮົາ,
ໄດ້ໃຊ້ງົບຢ່າງຫຼວງ ຫຼາຍເຂົ້າໃນການປັບປຸງ, ກໍ່ສ້າງພື້ນຖານໂຄງລ່າງດ້ານຄົມມະນາຄົມຢູ່ນະຄອນຫຼວງ ວຽງຈັນ,
ໃນນັ້ນມີເສັ້ນທາງສຳຄັນຫຼາຍສາຍ ແລະ ເສັ້ນທາງຮ່ອມຢູ່ຕາມຄຸ້ມບ້ານ ຕ່າງໆໄດ້ຮັບການກໍ່ສ້າງ
ແລະ ນຳໃຊ້ສະດວກສະບາຍເບິ່ງແລ້ວກໍງາມຕາດີ, ແຕ່ການ ນຳໃຊ້ບໍ່ພຽງເທົ່າໃດເດືອນ, ເສັ້ນທາງດັ່ງກ່າວເຫຼົ່າ
ນັ້ນສ່ວນຫຼາຍມີການເປ່ເພກ່ອນ ອາຍຸນຳໃຊ້ງານ, ຊຶ່ງອາດມາຈາກຄຸນນະພາບການກໍ່ສ້າງຕ່ຳ,
ແຕ່ໃຜຈະເປັນຜູ້ຮັບຜິດຊອບຄື: ເສັ້ນ ທາງຮ່ອມເລີ່ມຈາກສີ່ແຍກໄຟ ແດງຖະໜົນສາມແສນໄທຜ່ານທາດດຳ,
ກ້ຽວຫາເສັ້ນທາງສາມແຍກຂົມບູລົມ (ດ້ານຫຼັງສະ ຖານທູດສະຫະລັດອາເມລິກາ) ເຖິງສາມແຍກເດີນກິລາເຈົ້າອານຸວົງ
ແລະ ຈາກສາມແຍກຖະໜົນສາມແສນໄທ ຂ້າງໂຮງແຮມ ລາວພາຊ່າ ຕັດໄປໃສ່ສາມ ແຍກຖະໜົນຂຸນບູລົມ, ລຽບເດີນກິລາເຈົ້າອານຸວົງ
ແລະ ທາງຊອຍອື່ນໆ ກໍມີການ
ເປ່ເພຫຼາຍ, ພາຍ ຫຼັງເປີດການນຳໃຊ້ບໍ່ຮອດປີແຕ່ຖືກເປ່ເພໃຜຈະເປັນຜູ້ຮັບຜິດຊອບຄ່າໃຊ້ຈ່າຍເຂົ້າ
ໃນການສ້ອມແປງຄືນດັ່ງກ່າວ, ຍ້ອນວ່າເສັ້ນທາງໄດ້ມອບຮັບແລະ ມີການກວດກາເປັນທີ່ຮຽບ
ຮ້ອຍຈາກຄະນະວິຊາການແລ້ວ,ໃນທີ່ສຸດກໍ່ອາດແມ່ນລັດຖະບານເອງເຊິ່ງຈະຕ້ອງໃຊ້ງົບປະມານຈຳນວນຫຼາຍເຂົ້າໃນວຽກງານດັ່ງກ່າວ
ແລະ ປັດຈຸບັນມີຫຼາຍຈຸດກໍພວມດຳ ເນີນການສ້ອມ ແປງເພື່ອບໍ່ໃຫ້ການເປ່ ເພຂະຫຍາຍເປັນວົງກ້ວາງ,
ແລະ ເຖິງຈະໄວຫຼືຫຼ້າຊ້າກໍຍັງດີກວ່າບໍ່ເຮັດ, ທັງນີ້ກໍເພື່ອສ້າງໃຫ້ໃບໜ້າໃບຕາຂອງນະຄອນຫຼວງວຽງຈັນໄດ້ສືບຕໍ່ຍົກຍ້ອງຈາກຊາວໂລກ.
No comments:
Post a Comment