ທ່ານ ດຣ. ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ,
ໄດ້ໂອ້ລົມພາກທຸລະ ກິດໃນໂອກາດເຂົ້າຮ່ວມກອງປະຊຸມພົບປະລະຫວ່ງອົງການປົກຄອງນະຄອນຫລວງວຽງຈັນ
ແລະ ສະພາການຄ້າ ແລະ ອຸດສາຫະກຳນະຄອນຫລວງ ວຽງຈັນ, ໃນວັນທີ 24 ທັນວານີ້,ໂດຍ
ທ່ານໄດ້ເນັ້ນໃຫ້ພາກທຸລະກິດຕ້ອງຫັນເຂົ້າສູ່ລະບົບໂຄງສ້າງວິສາຫະກິດກົນໄກຕະຫລາດແບບ
ເສລີ, ປະຕິບັດຕາມກົດໝາຍ ກ່ຽວຂ້ອງ ເພື່ອຮັບປະກັນການເຄື່ອນໄຫວທຸລະກິດໃຫ້ມີປະສິດ
ທິຜົນ, ມີຄວາມສະເໝີພາບກັນ ແລະ ເຮັດໃຫ້ພະນັກງານ ຫລື ຜູ້ໃຊ້ແຮງງານໃນຂົງເຂດທຸລະກິດມີຄວາມເພິ່ງພໍໃຈ
ແລະ ມີອະນາຄົດໝັ້ນຄົງ. ພ້ອມກັນນີ້, ຍັງສະ ເໜີໃຫ້ພາກທຸລະກິດປັບປຸງບັນຊີລາຍຮັບ-ລາຍຈ່າຍ
ໃຫ້ສອດ ຄ່ອງກັບກົດໝາຍວ່າດ້ວຍການບັນຊີ, ກົດໝາຍວ່າດ້ວຍວິສາຫະກິດ ແລະ ກົດໝາຍກ່ຽວຂ້ອງອື່ນໆ,
ເນື່ອງຈາກພົບວ່າຍັງມີພາກທຸລະກິດ ແລະ ວິສາຫະກິດ ຈຳນວນໜຶ່ງບໍ່ຖືບັນຊີເຖິງ
60%; ສະເໜີໃຫ້ສະພາການຄ້າ ແລະ ອຸດສາຫະກຳນະຄອນຫລວງ ເລືອກຕົວເດັ່ນຂອງພາກ
ທຸລະກິດ,ຜູ້ປະກອບການ,
ໂດຍໃຫ້ຖືເອົາມູນຄ່າການເສຍພາສີ-ອາ ກອນຂອງຕົນ, ໝາຍວ່າຜູ້ເສຍພາສີ-ອາກອນຫລາຍຖືວ່າເປັນຜູ້ມີຜົນງານຫລາຍກວ່າ,
ຜູ້ປະ ກອບສ່ວນເສຍພັນທະຫລາຍຖືກຕ້ອງຕາມກົດໝາຍຖືວ່າຫົວ ໜ່ວຍທຸລະກິດນັ້ນເປັນນັກຮັກຊາດ
ແລະ ເປັນນັກພັດທະນາຫລາຍກວ່າໝູ່.
No comments:
Post a Comment