ໃນວັນທີ 24 ທັນວານີ້, ຢູ່ກະຊວງການຕ່າງປະເທດ, ໄດ້ມີພິທີມອບ-ຮັບ ໜ້າທີລະຫວ່າງທ່ານ
ສີທົງ ຈິດໂຍທິນ ຫົວໜ້າກົມການຂ່າວກະຊວງການຕ່າງປະ ເທດຜູ້ເກົ່າໄປຮັບໜ້າທີ່ໃໝ່ຢູ່ຕ່າງປະ
ເທດ ແລະ ທ່ານ ພອນທະວີ ບຸດດາລາ ຮອງຫົວໜ້າຫ້ອງ ການກະຊວງການຕ່າງປະເທດເປັນ ຫົວໜ້າກົມການຂ່າວຜູ້ໃໝ່
ແລະ ມອບ-ຮັບໜ້າທີ່ລະຫວ່າງທ່ານ ລີຢີ້ງ ໄຊຍະຊ້າງ ຫົວໜ້າກົມ ກວດກາກະ ຊວງການຕ່າງປະ ເທດຜູ້ເກົ່າໄປປະຕິບັດໜ້າທີ່ໃໝ່ຢູ່ຕ່າງປະເທດ
ແລະ ທ່ານ ສົມໄຊ ສະໜາມອຸ່ນຮອງຫົວໜ້າກົມ ກວດກາຂື້ນເປັນຫົວໜ້າກົມກວດກາກະຊວງການຕ່າງປະເທດຜູ້ໃໝ່.
ການ ມອບ-ຮັບໜ້າທີ່ຄັ້ງນີ້, ແມ່ນປະຕິບັດຕາມແຜນການປັບ ປຸງກົງຈັກການຈັດຕັ້ງ ແລະ ຊັບຊ້ອນພະນັກງານຂອງກະຊວງ ການຕ່າງປະເທດເພື່ອສືບຕໍ່ຈັດຕັ້ງປະຕິບັດຜັນຂະຫຍາຍແນວ
ທາງ ນະໂຍບາຍການຕ່າງປະເທດຂອງພັກ ແລະ ລັດແນໃສ່ປະກອບສ່ວນເຂົ້າໃນການເຊື່ອມໂຍງສາກົນຂອງປະເທດເຮົາໃນໄລຍະໃໝ່.
ໃຫ້ກຽດເຂົ້າຮ່ວມພິທີດັ່ງກ່າວມີທ່ານ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະ ຊວງການຕ່າງປະເທດ,
ມີບັນດາລັດຖະມົນຕີຊ່ວຍວ່າການ ແລະ ພະນັກງານກ່ຽວຂ້ອງເຂົ້າຮ່ວມ.
No comments:
Post a Comment