ໃນວັນທີ 24 ທັນວານີ້, ຢູ່ສະມາຄົມນັກຂ່າວແຫ່ງ
ສປປ ລາວ, ນະຄອນ ຫລວງວຽງຈັນ, ໄດ້ຈັດຖະແຫລງຂ່າວກ່ຽວກັບຜະລິດຕະພັນຫັດຖະກຳລາວ ໄດ້ຮັບລາງວັນການອອກແບບດີ
ເດັ່ນຈາກປະເທດຍີ່ປຸ່ນ, ໂດຍມີ ທ່ານ ຫານຊະນະ ສີສານ ປະທານ ສະມາຄົມຫັດຖະກຳລາວ, ທ່ານ ສີສັງຄົມ
ໂຄດໂຍທາ ຮອງຫົວ ໜ້າກົມສົ່ງເສີມ ແລະ ພັດທະນາສິນຄ້າກະຊວງອຸດສາຫະກຳ ແລະ ການຄ້າ, ພ້ອມ ດ້ວຍບັນດາຫົວໜ່ວຍຜູ້ປະກອບການທຸລະກິດຫັດຖະກຳທີ່ໄດ້ຮັບລາງວັນເຂົ້າຮ່ວມ.
ໃນປີ 2014 ນີ້, ທາງສູນອາ ຊຽນ-ຍີ່ປຸ່ນຮ່ວມກັບສະຖາບັນສົ່ງເສີມການອອກແບບຂອງປະເທດຍີ່ປຸ່ນ
ໄດ້ຈັດໂຄງການພິ ເສດ ທີ່ມີຊື່ວ່າ: The Mekong Design Selection 2014 ຂຶ້ນທີ່ປະເທດຍີ່ປຸ່ນເພື່ອສົ່ງເສີມສິນຄ້າສະເພາະຂອງ ປະເທດຕ່າງໆ
ໂດຍໃຊ້ກາໝາຍຈີມາກ (G- Mark) ເປັນເຄື່ອງມື.
ກາໝາຍດັ່ງກ່າວເປັນການຮັບຮອງການອອກແບບດີເດັ່ນໃຫ້ແກ່ສິນຄ້າທີ່ຖືກ
ຍອມຮັບໂດຍປະຊາຊົນ, ຫົວໜ່ວຍ ທຸລະກິດຂອງຍີ່ປຸ່ນ ແລະ ສາກົນອີກດ້ວຍ. ນອກຈາກນີ້ກາໝາຍດັ່ງກ່າວຍັງຈະ
ຊ່ວຍປົກປ້ອງ ສິນຄ້າລອກແບບ ທີ່ເຮັດ ດ້ວຍເຄື່ອງຈັກ, ມີຄຸນນະພາບຕ່ຳ ແລະ ມີລາຄາຖືກກວ່ານຳອີກ.
ພ້ອມກັນນີ້ ກົມສົ່ງເສີມ ແລະ ພັດທະ ນາສິນຄ້າທີ່ມີໜ້າ ທີ່ຫລັກໃນການຊຸກຍູ້ສົ່ງເສີມໃຫ້ຫົວໜ່ວຍທຸລະກິດຂອງລາວມີຄວາມອາດສາມາດໃນການພັດທະນາສິນຄ້າໃຫ້
ແທດເໝາະກັ ບຄວາມຕ້ອງການຂອງຕະຫລາດພາຍໃນ ແລະ ສາກົນ, ຊຶ່ງກົມດັ່ງກ່າວໄດ້ຄັດເລືອກເອົາ
10 ຫົວ ໜ່ວຍຫັດຖະກຳ ທີ່ມີ ຄວາມເຂັ້ມແຂງ ແລະ ເຂົ້າໃຈເຖິງຄວາມສຳຄັນຂອງການອອກແບບເປັນຢ່າງດີເຂົ້າຮ່ວມຄັດເລືອກ
ເພື່ອຍາດເອົາກາໝາຍຈີ ມາກຈາກປະເທດຍີ່ປຸ່ນ, ຊຶ່ງຜົນປະ ກົດວ່າມີ 6 ຫົວໜ່ວຍທຸລະກິດ ແຖວໜ້າຂອງລາວ,
ໃນນັ້ນມີ 7 ຜະລິດຕະພັນທີ່ໄດ້ຮັບ ກາໝາຍ ດັ່ງກ່າວ.
ຄຽງຄູ່ກັນນັ້ນ ບໍລິສັດທີ່ໄດ້ຮັບລາງວັນຈະໄດ້ຮັບການຊ່ວຍເຫລືອໃນການເຂົ້າຮ່ວມ ຊົມວາງສະແດງການອອກ ແບບດີເດັ່ນ
ທີ່ຖືໄດ້ວ່າເປັນງານວາງສະແດງການອອກແບບທີ່ໃຫຍ່ໃນປະເທດຍີ່ປຸ່ນ, ພ້ອມນີ້ຍັງສາມາດນຳໃຊ້ກາໝາຍ ຈີມາກເປັນທີ່ຮູ້ຈັກດີ
ຂອງຊາວຍີ່ປຸ່ນເຂົ້າໃນການໂຄສະນາສິນຄ້າຂອງຕົນໄດ້ນຳອີກ. ນອກຈາກນີ້ ບໍລິສັດ ຍັງຈະມີໂອ ກາດໄດ້ນຳສະເໜີສິນຄ້າຂອງຕົນ
ແລະ ຮ່ວມມືກັບນັກອອກແບບຊາວຍີ່ປຸ່ນ ແລະ ໄດ້ມີໂອກາດເຮັດວຽກຢ່າງໄກ້ຊິດ ຮ່ວມກັບນັກອອກແບບຊາວຍີ່ປຸ່ນໃນການພັດ
ທະນາສິນຄ້າເພື່ອເຂົ້າສູ່ຕະຫລາດສາກົນນຳອີກ.
No comments:
Post a Comment