ປະທານສານປະຊາຊົນສູງສຸດ 3 ປະເທດປະກອບມີ: ລາວ, ຫວຽດນາມ ແລະ
ກຳປູເຈຍ,ໄດ້ປຶກສາຫາ
ລືແລກປ່ຽນບົດຮຽນ ແລະ
ເພີ່ມທະວີການຮ່ວມມືກັນຕ້ານອາຊະຍາກຳຂ້າມຊາດ,ເພື່ອປ້ອງກັນ,ສະກັດກັ້ນ ແລະ ກຳຈັດໃຫ້ໝົດໄປເຮັດໃຫ້ສັງຄົມມີຄວາມສະຫງົບປອດໄພ ແລະ ມີຄວາມເປັນລະບຽບຮຽບຮ້ອຍ, ປະເທດຊາດໄດ້ຮັບການ ພັດທະນາປະຊາຊົນມີຄວາມຮັ່ງມີຜາສຸກ.
ທ່ານ ຄຳພັນ ສິດທິດຳພາ
ປະທານສານປະຊາຊົນສູງສຸດຂອງລາວ ກ່າວວ່າ:ໃນຍຸກໂລກາວິວັດແຫ່ງການ
ພັດທະນາ ແລະ
ເຊື່ອມໂຍງທາງດ້ານຂໍ້ມູນຂ່າວສານເຕັກໂນໂລຊີທີ່ຫລາກຫລາຍໃນປັດຈຸບັນໄດ້ເປັນເງື່ອນ
ໄຂໃຫ້ແກ່ບຸກຄົນ,ກຸ່ມຄົນ,ອົງກອນອາຊະຍາກຳໄດ້ຮຽນຮູ້ວິທີການຕ່າງໆໃນການກໍ່ອາຊະຍາກຳທັງພາຍ ໃນປະເທດກໍຄືອາຊະຍາກຳຂ້າມຊາດຢ່າງຫລີກລ້ຽງບໍ່ໄດ້,ການກໍ່ອາຊະຍາກຳຂ້າມຊາດອາດຈະພົວພັນ
ເຖິງການຄ້າມະນຸດ,ຄ້າຢາເສບຕິດ,ຟອກເງິນ,ປຸ້ນຈີ້ຕ່າງໆ,ຄ້າຂາຍຂ້າມຊາດຜິດກົດໝາຍ ແລະ ກໍລະນີ
ອື່ນໆ.ສະນັ້ນ,ການຫາລືວຽກງານສານສາມປະເທດຮ່ວມກັນຄັ້ງນີ້ເພື່ອແລກປ່ຽນບົດຮຽນ ແລະ ຮ່ວມມື
ກັນຕ້ານອາຊະຍາກຳຂ້າມຊາດ,ກ້າວໄປເຖິງການຕົກລົງບັນຫາຢ່າງເປັນເອກະພາບ ແລະ ຮັບຮອງເອົາ
ແຜນການຮ່ວມມືກັນໃນອະນາຄົດ,ເພື່ອສົ່ງເສີມການຮ່ວມມືວຽກງານສານ,ຍົກສູງນ້ຳໃຈສາມັກຄີມິດຕະ
ພາບ,ເພື່ອນມິດບ້ານໃກ້ເຮືອນຄຽງທີ່ດີໃຫ້ນັບມື້ນັບແໜ້ນແຟ້ນຍິ່ງໆຂຶ້ນ.
ກອງປະຊຸມປຶກສາຫາລືດັ່ງກ່າວ,ມີຂື້ນໃນວັນທີ 25 ທັນວານີ້,ທີ່ນະຄອນຫລວງວຽງຈັນ,ພາຍໃຕ້ການ
ເປັນປະທານຮ່ວມຂອງທ່ານ ຄຳພັນ ສິດທິດຳພາ
ປະທານສານປະຊາຊົນສູງສຸດຂອງລາວ,ທ່ານ ເຈືອງ
ຮ່ວາບິງ ປະທານສານປະຊາຊົນສູງສຸດ ສສ
ຫວຽດນາມ ແລະ
ທ່ານ ດິດ
ມົນຕີ ປະທານສານສູງສຸດຣາຊະ
ອານາຈັກກຳປູເຈຍ ແລະ
ການຫາລືວຽກງານດັ່ງກ່າວແມ່ນຈະຜັດປ່ຽນກັນເປັນເຈົ້າພາບໃນທຸກໆ 2 ປີ.
No comments:
Post a Comment