ໃນວັນທີ 25 ທັນວານີ້, ຢູ່ສະພາແຫ່ງຊາດ, ທ່ານ ບຸນທຽນ
ແກ້ວສີພາ ຮັກສາການຫົວໜ້າກົມການ ຄ້າພາຍໃນ
ກະຊວງ ອຸດສາຫະກຳ ແລະ
ການຄ້າ ອອກມາຊີ້ແຈງຂໍ້ຂ້ອງໃຈປະຊາຊົນແຂວງຊຽງຂວາງ ຜ່ານສາຍດ່ວນ ໃນລະຫວ່າງດຳເນີນ ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ
VII, ຊຶ່ງມີເນື້ອໃນວ່າ: ປະຊາຊົນບ້ານໂພນສະຫວັນ,
ເມືອງ ແປກ, ແຂວງຊຽງຂວາງ ສະເໜີຂະແໜງກ່ຽວຂ້ອງລົງກວດກາສິນຄ້າຕາມທ້ອງຕະຫລາດໃນເທດສະບານແຂວງ ມີລາຄາ ສູງເກີນໄປ
ຕໍ່ບັນຫານີ້ ກົມການຄ້າພາຍໃນ ຈຶ່ງໄດ້ສົມທົບ ກັບພະແນກອຸດສາຫະກຳ-ການຄ້າ
ແຂວງຊຽງຂວາງລົງກວດ ກາ ແລະ ພົບວ່າ:
ລາຄາສິນຄ້າທົ່ວໄປຢູ່ຕາມ ທ້ອງຕະຫລາດແຂວງຊຽງຂວາງຍັງຢູ່ໃນສະພາບປົກກະຕິ, ຊຶ່ງພະແນກອຸດ ສາຫະກຳ-ການຄ້າ
ແຂວງ ດັ່ງກ່າວ
ໄດ້ແຕ່ງຕັ້ງວິຊາການລົງຕິດຕາ, ກວດກາ
ແລະ ລາຍງານສະພາບສິນຄ້າເປັນປະ ຈຳອາທິດ ແລະ
ເດືອນ ເປັນປົກກະຕິ,
ຊຶ່ງເຫັນວ່າໃນໄລຍະຜ່ານມາລາຄາສິນຄ້າສ່ວນໃຫຍ່ຍັງຢູ່ໃນເກນປົກກະຕິ ແລະ ບໍ່
ເໜັງຕີງແຮງ. ສ່ວນລາຄາສູງເກີນໄປນັ້ນແມ່ນບໍ່ມີ, ພຽງແຕ່ເປັນການເໜັງຕີງຂອງສະພາບລາຄາຂຶ້ນ - ລົງເລັກໜ້ອຍໃນ ບາງໄລຍະເທົ່ານັ້ນ, ຊຶ່ງກໍບໍ່ໄດ້ສົ່ງຜົນສະທ້ອນແກ່ສັງຄົມທົ່ວໄປ. ນອກຈາກນີ້
ທາງ ພະແນກອຸດ
ສາຫະກຳ-ການຄ້າແຂວງ ຍັງໄດ້ແຕ່ງຕັ້ງເຈົ້າໜ້າທີ່ກວດກາການຄ້າແຂວງ ສົມທົບ ກັບຂັ້ນເມືອງ ລົງກວດກາສະພາບການເຄື່ອນໄຫວ ຂອງບັນດາ ຫົວໜ່ວຍທຸລະກິດ ໃຫ້ປະຕິບັດຖືກຕ້ອງ ຕາມລະບຽບກົດໝາຍເປັນຕົ້ນ ການກວດກາສິນຄ້ານອກລະບົບ, ຕາຊິງຊັ່ງຢູ່ໃນ ຕະຫລາດ, ການປັບ ຂຶ້ນ-ລົງລາຄານ້ຳມັນເຊື້ອໄຟນຳອີກ.
No comments:
Post a Comment