ຕົກມາເຖິງລະດູແລ້ງນີ້ ເສັ້ນທາງຄົມມະນາຄົມຫລາຍເສັ້ນໄດ້ຮັບການກໍ່ສ້າງ
ແລະ ສ້ອມແປງຄືນໃໝ່ ໂດຍສະເພາະຢູ່ນະຄອນຫລວງວຽງຈັນ ກໍຄືບັນດາແຂວງຕ່າງໆ
ພາຍຫລັງໄດ້ຮັບຜົນກະທົບເປ່ເພເສຍຫາຍໜັກຈາກລະດູຝົນຜ່ານມາ, ແຕ່ມາຮອດດຽວນີ້ມີຫລາຍເສັ້ນບໍ່ທັນມີຄວາມຄືບໜ້າ
ແລະ ຖືກແກ່ຍາວສ້າງຄວາມຫຍຸ້ງຍາກລຳບາກໃຫ້ແກ່ສັນຈອນໄປມາຂອງປະຊາຊົນ. ຖ້າຍັງຖືກປ່ອຍ
ປະລະເລີຍຈາກພາກສ່ວນທີ່ກ່ຽວຂ້ອງຢ່າງບໍ່ຮູ້ສາເຫດ ເຊິ່ງຜ່ານໂທລະສັບສາຍດ່ວນໄປຍັງສະພາແຫ່ງຊາດ
ກໍຄືສຽງຈົ່ມວ່າຂອງຜູ້ໃຊ້ລົດໃຊ້ຖະໜົນໃຫ້ພາກສ່ວນກ່ຽວຂ້ອງຮີບຮ້ອນປົວແປງແກ້ໄຂ
ຄືໂຄງການກໍ່ສ້າງເສັ້ນທາງຈາກດອນໜູນໄປຫາທ່າງ່ອນ, ການກໍ່ສ້າງເສັ້ນທາງເບຕົງຈາກສາມແຍກທາງເລກທີ
13 ເໜືອ ເມືອງໂພນໂຮງຫາສາມແຍກໂພນໝີເຂົ້າສູ່ເສັ້ນທາງທ່າລາດ ແລະ ຈາກເສັ້ນທາງປາກແຈ້ງ
ເມືອງວຽງຄຳ ອອກສູ່ບ້ານນາໂພ ແຂວງວຽງຈັນ ໄດ້ຖືກຍົກລະດັບໜ້າທາງມາເປັນປີແລ້ວ,
ແຕ່ມາຮອດດຽວນີ້ຍັງບໍ່ມີຄວາມຄືບໜ້າ. ເຊັ່ນດຽວກັບໂຄງການກໍ່ສ້າງເສັ້ນທາງຈາກເທສະບານແຂວງເຊກອງໄປສູ່ເມືອງດາກຈຶງອອກສູ່ຊາຍແດນຫວຽດນາມ
ເຊິ່ງມີແຜນການກໍ່ ສ້າງທາງປູຢາງມາຫລາຍປີແລ້ວ, ແຕ່ການປະຕິບັດຕົວຈິງຍັງຖືກຊັກຊ້າແກ່ຍາວ
ຄືກັບເສັ້ນທາງເລກທີ 18A ຈາກແຂວງອັດຕະປືຫາແຂວງຈຳປາສັກ
ມີຄວາມຍາວ
60 ກິໂລແມັດ ເຊິ່ງໄດ້ເລີ່ມກໍ່ສ້າງມາແຕ່ປີ 2012 ແຕ່ມາຮອດປັດຈຸບັນກໍຍັງບໍ່ທັນສຳເລັດ
ເຮັດໃຫ້ປະຊາຊົນ 9 ບ້ານໃນເຂດນັ້ນໄດ້ຮັບຄວາມຫຍຸ້ງຍາກໃນການສັນຈອນໄປ ມາ.
ນອກຈາກນີ້ ກໍແມ່ນການກໍ່ ສ້າງເສັ້ນທາງຢູ່ບ້ານແກ້ງກຸງ ເມືອງວາປີ ແຂວງຈຳປາສັກ
ທີ່ລົງມືຈັດຕັ້ງປະຕິບັດມາແຕ່ປີກ່ອນ ແຕ່ມາຮອດດຽວນີ້ໄດ້ຖືກຢຸດສະງັກ ເຮັດໃຫ້ປະຊາຊົນພົບຄວາມຫຍຸ້ງຍາກໃນການໄປມາ
ຫາສູ່ ແລະ ການຂົນສົ່ງ ຈຶ່ງສະເໜີໃຫ້ພາກສ່ວນກ່ຽວຂ້ອງລົງຕິດຕາມກວດກາ ແລະ
ສືບຕໍ່ຈັດ ຕັ້ງປະຕິບັດໃຫ້ສຳເລັດກ່ອນລະ ດູຝົນທີ່ຈະມາເຖິງ. ບໍ່ສະເພາະແຕ່ເທົ່ານັ້ນ
ເສັ້ນທາງເລກທີ 13 ເໜືອໃນເຂດທາງລະຫວ່າງເມືອງກາສີຫາເມືອງຊຽງເງິນ ແຂວງຫລວງພະບາງ
ທີ່ຖືກເປ່ເພມານັບແຕ່ລະດູຝົນກໍພຽງແຕ່ໄດ້ຮັບການສ້ອມແປງໃນລັກສະ ນະແກ້ໄຂສຸກເສີນໃນບາງຈຸດເທົ່ານັ້ນ,
ສ່ວນການສ້ອມແປງທົ່ວໄປແລ້ວເຫັນວ່າຍັງບໍ່ທັນໄດ້ຮັບການເອົາໃຈໃສ່ຈາກພາກ
ສ່ວນກ່ຽວຂ້ອງແຕ່ຢ່າງໃດ.
No comments:
Post a Comment