ວັນທີ 17 ທັນວານີ້, ສານປະຊາຊົນນະຄອນຫລວງວຽງຈັນ
ໄດ້ຕັດສິນປະຫານຊີວິດນາງ ອາມີນາຊາລີ ອາຍຸ 37 ປີ ຢູ່ບ້ານບາຕູ ເມືອງປາບາຕູ
ແຂວງຂຸມາດຕາ ປະເທດອິນໂດເນເຊຍ ໃນຂໍ້ຫາຂົນສົ່ງຢາເສບຕິດ ປະເພດຢາໄອ.
ນາງ ອາມີນາຊາລີ ຮັບສາ ລະພາບວ່າ: ໃນວັນທີ
24 ສິງຫາ 2013 ຕົນເອງໄດ້ຮູ້ຈັກັບທ້າວ ໄມເຄິນ ອາຍຸປະມານ 40 ປີ ສັນ ຊາດໂກລົມບີ.
ຈາກນັ້ນ ກໍໄດ້ຕິດ ຕໍ່ ແລະ ນັດພົບກັນ, ໃນວັນທີ 13 ກັນຍາ 2013 ທັງສອງໄດ້ເຈລະ
ຈາກັນກ່ຽວກັບການຂົນສົ່ງຢາໄອ, ເມື່ອຕົກລົງກັນໄດ້ແລ້ວ ທ້າວ ໄມເຄິນ ຈຶ່ງໄດ້ຊື້ປີເຮືອບິນໄປ-ກັບ
ພ້ອມເງິນສົດຈຳນວນ 800 ໂດລາສະຫະລັດ ເພື່ອໃຫ້ນາງ ອາມີນາຊາລີ ເດີນທາງໄປປະເທດອິນເດຍ.
ເມື່ອໄປຮອດອິນເດຍກໍໄດ້ມີຊາຍຄົນໜຶ່ງເອົາກະເປົາມາສົ່ງໃຫ້. ຈາກນັ້ນ ຜູ້
ກ່ຽວກໍໄດ້ອອກເດີນທາງຈາກປະເທດອິນເດຍໄປປະເທດສິງ ກະໂປ.
ໃນວັນທີ 18 ກັນຍາ 2013, ນາງ ອາມີນາຊາລີ
ໄດ້ເດີນທາງຈາກສິງກະໂປມາປະເທດລາວ, ພໍມາຮອດສະໜາມບິນສາກົນວັດໄຕ ໄດ້ຖືກເຈົ້າໜ້າທີ່
ສປປ ລາວ ກວດພົບຂອງກາງຢາໄອ ຈຳ ນວນ 6 ກິໂລກຣາມ, ເງິນສົດ 301 ໂດລາສະຫະລັດ,
400 ບາດ (ສະກຸນເງິນໄທ) ແລະ 1.000 ຢວນ (ສະກຸນເງິນຈີນ) ມາດຳເນີນຄະດີຕາມກົດໝາຍ.
No comments:
Post a Comment