ນາຍົກເນັ້ນໃຫ້ການນຳແຂວງໄຊສົມບູນ ສຸມໃສ່ການພັດທະນາທ້ອງຖິ່ນຕົນໃຫ້ມີໃບໜ້າໃໝ່.

   ໃນວັນທີ 31 ທັນວາ 2013, ຢູ່ເມືອງໄຊສົມບູນ, ໄດ້ມີພິທີປະກາດການສ້າງຕັ້ງ ແຂວງໄຊສົມບູນຢ່າງເປັນທາງ ການໂດຍການເປັນກຽດເຂົ້າຮ່ວມຂອງທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍ ຄະນະ, ມີພະນັກງານ ລັດຖະກອນ, ພະນັກງານບຳນານ, ວິລະຊົນ, ນັກຮົບແຂ່ງຂັນຕະຫລອດຮອດ ພໍ່ແມ່ປະຊາ ຊົນພາຍໃນເຂົ້າຮ່ວມ.

    ທ່ານ ດຣ ສົມບັດ ເຢຍລີເຮີ ຄະນະຮັບພິຊອບພັດທະນາເມືອງຮົ່ມ ແລະ ເມືອງໄຊ ສົມບູນ, ຫົວໜ້າຄະນະຮັບ ຜິດຊອບຄົ້ນຄວ້າສ້າງຕັ້ງແຂວງໃໝ່, ເລຂາພັກແຂວງ ເຈົ້າແຂວງໆ ໄຊສົມບູນ ໄດ້ລາຍງານສະພາບການການກໍ່ສ້າງ ຮາກຖານການເມືອງ, ລຶບລ້າງຄວາມທຸກຍາກວ່າ: ພາຍຫລັງທີ່ມີ ການຊີ້ນຳຂອງກົມການເມືອງສູນກາງພັກ, ຄະນະ ຮັບຜິດຊອບພັດທະນາເມືອງຮົ່ມ ແລະ ເມືອງໄຊສົມບູນໄດ້ພ້ອມກັບພະ

ກຸ່ມບໍລິສັດດາວເຮືອງມອບອາຄານເກີດລູກຫຼັງໃໝ່ໃຫ້ໂຮງໝໍແຂວງຈຳປາສັກ

         ໃນວັນທີ 30 ທັນວາ 2013, ໄດ້ມີພິທີມອບຮັບອາຄານເກີດລູກຫຼັງໃໝ່ໃຫ້ ແກ່ໂຮງໝໍແຂວງຈຳປາສັກພ້ອມ ທັງເປີດນຳ ໃຊ້ເປັນທາງການໂດຍການເຂົ້າຮ່ວມ ຂອງທ່ານ ດຣ ບຸນຖອງ ດີວິໄຊ ຮອງເຈົ້າແຂວງໆຈຳປາສັກຜູ້ຊີ້ນຳ ວຽກງານວັດທະນະ ທຳ​ສັງຄົມ, ທ່ານ ດຣ ບຸນໜັກ ໄຊຊະນະສົງຄາມ ຮອງຫົວໜ້າກົມປິ່ນປົວກະຊວງ ສາທາລະນະ ສຸກ, ທ່ານ ດຣ ແກ້ວ ໂສສຸພັນ ຜູ້ອຳນວຍການໂຮງໝໍແຂວງຈຳປາສັກ ພ້ອມດ້ວຍ ທ່ານ ດຣ ຮ່າວ ລິດດັງ ຕາງໜ້າ ປະທານ ກຸ່ມບໍລິສັດດາວເຮືອງພ້ອມ ຄອບຄົວ ແລະ ພະນັກງານວິຊາການຈາກໂຮງໝໍແຂວງແລະສື່ມວນຊົນເຂົ້າຮ່ວມ.

           ທ່ານ ນາງບຸນເຮືອງ ລິດດັງ ຕາງໜ້າ ປະທານກຸ່ມບໍລິສັດ ດາວເຮືອງ ແລະ ຄອບຄົວລິດດັງ ໃນນາມຜູ້ໃຫ້ ທຶນໃນການກໍ່ ສ້າງອາຄານດັ່ງກ່າວໄດ້ກ່າວວ່າ: ໂດຍປະຕິບັດຕາມແນວທາງນະໂຍບາຍຂອງພັກ​ລັດກ່ຽວກັບການ ພັດທະນາດ້ານສາທາລະນະ

ທູດລາວຊີ້ແຈງຕໍ່ການກ່າວຫາເພີ່ມຕື່ມກໍລະນີ ທ.ສົມບັດ ສົມພອນ

         ໃນວັນທີ 31 ທັນວາ 2013 ນີ້ ທ່ານ ທອງຜ່ານ ສະຫວັນເພັດ, ເອກອັກຄະ ລັດຖະທູດ ວິສາມັນຜູ້ມີອໍານາດເຕັມ, ຜູ້ ຕາງຫນ້າຖາວອນ ແຫ່ງ ສປປ ລາວ ປະ ຈໍາຫ້ອງການສະຫະປະຊາຊາດ ທີ່ ເຊີແນວ ໄດ້ໃຫ້ການຊີ້ແຈງເພີ່ມເຕີມຕໍ່ກັບຂໍ້ມູນ ກ່າວຫາໃຫມ່ທີ່ພົວພັນກັບການຫາຍຕົວໄປຂອງ ທ. ສົມ ບັດ ສົມພອນ ເຊິ່ງຍົກຂຶ້ນ ໂດຍຜູ້ລາຍງານພິເສດດ້ານສິດທິມະນຸດ ສປຊ.

           ອີງຕາມການກ່າວຫາທີ່ວ່າ ພາຍຫລັງ ທ. ສົມບັດ ສົມພອນ ຫາຍຕົວໄປ ໃນວັນທີ 15 ທັນວາ 2012 ແລະ ສອງ-ສາມວັນຕໍ່ມາ ໄດ້ມີຄົນພົບເຫັນ ທ. ສົມບັດ ສົມພອນ ແລະ ລົດຂອງຜູ້ກ່ຽວຢູ່ຄ້າຍຕໍາຫລວດເເຫ່ງໜຶ່ງ; ຫລັງຈາກນັ້ນສອງ ວັນຕໍ່ມາ, ມີລາຍງານວ່າຜູ້ກ່ຽວໄດ້ຖືກຍ້າຍຕົວ ໄປຍັງຄ້າຍທະຫານແຫ່ງຫນຶ່ງ ຢູ່ນອກຕົວເມືອງວຽງຈັນ; ແລະ ອີກອາທິດຫນຶ່ງ ຕໍ່ມາກໍໄດ້ຖືກຍ້າຍຕົວ ໄປຍັງສະຖານທີ່ແຫ່ງ

ກະຊວງ​ກະສິກຳ-ປ່າ​ໄມ້ ຢືນຢັນ​ບໍ່​ມີ​ການ​ຕັດ​ໄມ້​ຊະຊາຍ​ຢູ່​ແຂວງ​ວຽງ​ຈັນ ​ແລະ ບໍລິ​ຄຳ​ໄຊ.

     ພາຍຫລັງ​ມີ​ປະຊາຊົນ​ສະ​ເໜີ​ຕໍ່​ສະພາ​ແຫ່ງ​ຊາດວ່າ: ມີ​ກາ​ນຕັ​ດ​ໄມ້​ທຳລາຍ​ປ່າ​ຢູ່​ເຂດ​ເມືອງ​ວຽງ​ທອງ, ​ເມືອງ​ໄຊ​ຈຳ​ພອນ ​ແຂວງ​ບໍລິ​ຄຳ​ໄຊ ​ແລະ ​ເມືອງ​ແມດ ​ແຂວງ​ວຽງ​ຈັນ, ສະພາ​ແຫ່ງ​ຊາດ​ໄດ້​ສະ​ເໜີ​ໃຫ້​ກະຊວງ​ກະສິກຳ-ປ່າ​ໄມ້​ລົງ​ຕິດຕາມ​ກວດກາ​ຕົວ​ຈິງ ​ແລະ ຢືນຢັນ​ວ່າ: ມີ​ສະພາບ​ການ​ຕັດ​ໄມ້​ແທ້, ​ແຕ່​ບໍ່​ແມ່ນ​ການ​ຕັດ​ໄມ້​ຊະຊາຍ ​ເນື່ອງ​ຈາກ​ໄມ້​ທີ່​ຖືກ​ຕັດ​ແມ່ນ​ປະຕິບັດ​ຕາມ​ລະບຽບ.

     ກະຊວງ​ກະສິກຳ-ປ່າ​ໄມ້ ຊີ້​ແຈງ​ວ່າ: ຕໍ່​ບັນຫາ​ດັ່ງກ່າວ​ເຫັນ​ວ່າ​ປະຕິບັດ​ຕາມ​ແຈ້ງ​ການ​ຂອງ​ລັດຖະມົນຕີ, ຫົວໜ້າ​ຫ້ອງ​ວ່າການ​ລັດຖະບານ ສະ​ບັບ​ເລກທີ 135/ຫລບ.ກສສ, ລົງ​ວັນ​ທີ 30 ມັງກອນ 2013 ວ່າ​ດ້ວຍ​ການຈັດຕັ້ງປະຕິ ບັດ​​ແຜນການ​ປູກ​ໄມ້ ​ແລະ ຟື້ນຟູ​ປ່າ​ໄມ້, ການ​ຂຸດ​ຄົ້ນ​ໄມ້ ​ແລະ ​ເກັບ​ກູ້​ເຄື່ອງ​ປ່າ​ຂອງ​ດົງ ປະຈຳ​ສົກ​ປີ 2012-2013, ພະ​ແນ​ກກະສິກຳ ​ແລະ ປ່າ​ໄມ້​ແຂວງ​ບໍລິ​ຄຳ​ໄຊ ​ໄດ້​ຄົ້ນຄວ້າ​ພິຈາລະນາ​ເງື່ອນ​ໄຂ​ມາດຖານ​ຂອງ​ຜູ້​ຈະ​ມາ​ຮັບຜິດຊອບ​ກອງ​ຂຸດ​ຄົ້ນ​ໄມ້​ໃນ​ແຕ່​ລະ​ສົກ​ປີ, ຈາກ​ນັ້ນ ຈຶ່ງ​ໄດ້​ນຳ​ສະ​ເໜີ​ຫາ​ແຂວງ ​ເພື່ອ​ພິຈາລະນາ​ຕື່ມ ​ເມື່ອ​ເຈົ້າ​ແຂວງ​ພິຈາລະນາ​ຕົກລົງ​ແລ້ວ ຈຶ່ງ​ໄດ້​ຈັດຕັ້ງປະຕິບັດ. ສຳລັບ​ສົກ​ປີ 2012-2013 ນີ້, ທາງ​ແຂວງ​ໄດ້​ຕົກລົງ​ແຕ່ງຕັ້ງກອງ​ຂຸດ​ຄົ້ນ​ໄມ້ ຈຳນວນ 5 ກອງ ​ເພື່ອ​ປະຕິບັດ​ການ​ຂຸດ​ຄົ້ນ​ໄມ້​ທີ່​ລັດຖະບານ​ອະນຸມັດ ດ້ວຍ​ຄວາມ​ຮັບຜິດຊອບ​ສູງ. ການ​ຂຸດ​ຄົ້ນ​ໄມ້​ ນັບ​ແຕ່​ຂອດ​ການ​ຂຸດ​ຄົ້ນ, ການ​ຕັດ​ປ່າ​ໄມ້, ການ​ກຳນົດ​ເສັ້ນທາງ​ຂົນ​ສົ່ງ ຈາກ​ສະໜາມ I ຫາ​ສະໜາມ II, ຈຸດ​ທ້ອນ​ໂຮມ​ໄມ້ ​ແລະ ວັດ​ແທກ ຈັດ​ຊັ້ນຄຸນ​ນະພາ​ບ​ໄມ້ ​ແມ່ນ​ໄດ້​ຈັດ​ຢ່າງ​ເປັນ​ລະບົບ​ຕໍ່​ເນື່ອງ,

ສົກປີ 2013-2014 ດ່ານ​ສາກົນ ຂົວ​ມິດຕະພາບ I ຕັ້ງ​ເປົ້າ​ເກັບ​ລາຍ​ຮັບ​ໃຫ້​ໄດ້ 2.709 ຕື້ກວ່າ​ກີບ.

     ທ່ານ ຄຳ​ຜົງ ສີວິ​ໄລ ຮອງ​ຫົວໜ້າ​ດ່ານ​ສາກົນ​ຂົວ​ມິດຕະພາບ I ​ໃຫ້​ຮູ້​ວ່າ: ​ໃນ​ສົກ​ປີ 2013-2014 ​ໄດ້​ຕັ້ງ​ເປົ້າ​ເກັບ​ລາຍ​ຮັບ​ໃຫ້​ໄດ້ 2.709 ຕື້ກວ່າ​ກີບ ທຽບ​ໃສ່​ສົກ​ປີຜ່ານມາ​ເພີ່ມ​ຂຶ້ນປະມານ 13% ຂອງ​ແຜນການ ​ເຊິ່ງລາຍ​ຮັບ​ຕົ້ນຕໍ​ມາ​ຈາກ​ການ​ເກັບ​ພາສີ​ນຳ​ເຂົ້ານ້ຳມັນ​ເຊື້ອ​ໄຟ, ພາຫະນະ, ວັດ​ສະ​ດຸ​ກໍ່ສ້າງ ​ແລະ ອື່ນໆ. ຂະນະ​ທີ່ ການ​ເກັບ​ລາຍ​ຮັບ​ໃນ​ໄຕ​ມາດ​ທຳ​ອິດ​ແຕ່​ເດືອນ​ຕຸລາ​ຫາ​ເດືອນ​ທັນວາ​ສົກ​ປີ 2013-2014 ສາມາດ​ເກັບ​ລາຍ​ຮັບ​ໄດ້​ແລ້ວ 546 ຕື້ ກວ່າ​ກີບ ​ເທົ່າ​ກັບ 20% ຂອງ​ແຜນການ​ປີ.

     ​ໃນ​ສົກ​ປີ 2012-2013 ດ່ານ​ສາກົນ​ຂົວ​ມິດຕະພາບ I ສາມາດ​ເກັບ​ລາຍ​ຮັບ​ໄດ້​ປະມານ 2.330 ຕື້ກວ່າ​ກີບ ປະ ຕິບັດ​ໄດ້ 99% ຂອງ​ແຜນການ​ປີ, ​ແຕ່​ໂຕ​ເລກ​ດັ່ງກ່າວ​ເມື່ອ​ທຽບ​ໃສ່​ສົກ​ປີ 2011-2012 ​ແມ່ນ​ປະຕິບັດ​ໄດ້ 117% ​ໂດ​ຍສາ​ເຫດ​ທີ່​ເຮັດ​ໃຫ້ການ​ເກັບ​ລາຍ​ຮັບ​ຢູ່​ດ່ານ​ດັ່ງກ່າວ​ບໍ່​ບັນລຸ​ແຜນ​ແມ່ນ​ຍ້ອນ​ມີ​ການ​ນະ​ໂຍບາຍ​ຍົກ​

ປີ 2013 ສະພາບຫຍໍ້ທໍ້ຢູ່ ນະຄອນວຽງຈັນ ຫລຸດລົງ 300 ກວ່າເລື່ອງ.

       ເຈົ້າໜ້າທີ່ຫ້ອງຕຳຫລວດ ນະຄອນຫລວງວຽງຈັນ ໃຫ້ຮູ້ວ່າ:  ​ໃນ​ປີ 2013 ຢູ່ ນະຄອນຫລວງ​ວຽງຈັນ ມີ​ສະພາບ​ປະກົດ​ການ​ຫຍໍ້ທໍ້​ເກີດ​ຂື້ນ 3217 ກໍລະນີ ທຽບ​ໃສ່​ປີຜ່ານມາ​ຫລຸດ​ລົງ 398 ກໍລະນີ, ໃນ​ນັ້ນມີ ປຸ້ນ​ຊັບ​ພົນລະ​ເມືອງ 96 ກໍລະນີ, ຊິງ​ຊັບ​ພົນລະ​ເມືອງ 170 ກໍ​ລະ​ນີ, ງັດ​ແງະ​ລັກ​ຊັບ​ພົນລະ​ເມືອງ 728 ກໍລະນີ, ສໍ້​ໂກງ​ຊັບ​ພົນລ​ະເມືອງ 78 ກໍລະນີ, ຄົນ​ຫາຍ 16 ກໍລະນີ, ທຳຣ້າຍຮ່າງກາຍ 22 ກໍລະນີ, ທຸບ​ແວ່ນ​ລົດ 17 ກໍລະນີ, ຄາດ​ຕະກຳ 10 ກໍລະນີ, ຄ້າ​ໂສ​ເພນີ 6 ກໍລະນີ, ຄ້າ​ມະນຸດ 1 ກໍລະນີ, ຍັກ​ຍອກ​ຊັບ 2 ກໍລະນີ, ປອມ​ແປງ​ເອກະສາ​ນ 12 ກໍລະນີ, ​ແຫກ​ກະ​ເປົາ 16 ກໍລະນີ, ສະພາບ​ອັກຄີ​ໄພ 146 ກໍລະນີ ແລະ ສະພາບ​ອື່ນໆ ແລະ ເຈົ້າໜ້າທີ່​ສາມາດ​ແກ້​ໄຂ​ໄດ້​ 2 ພັນ​ກ່ວາ​​ເລື່ອງ, ກັກ​ຕົວ​ຜູ້​ກະທຳ​ຜິດ​ມາ​ດຳ​ເນີນ​ຄະດີ​ໄດ້ 1.529 ຄົນ, ຜົນ​ເສຍ​ຫາຍ​​ເງີ​ນ 21 ຕື້ກ່ວາ​ກີບ, 7 ລ້ານ​ກ່ວາ​ບາດ,  ຄຳຮູບປະພັນ254 ບາດ, ​ແຫວນ​ເພັດ 15 ວົງ, ສາຍ​ແອວ​ທອງ​ນາກ 10 ເສັ້ນ ໜັກ 98 ບາດ, ລົດ​ເສຍ​ທັງໝົດ 428 ຄັນ, ​ໃນ​ນັ້ນມີ​ລົດຈັກ 389 ຄັນ, ລົດ​ໃຫຍ່ 37 ຄັນ, ​ໂທລະສັບ​ມື​ຖື 210 ໜ່ວຍ ​ແລະ ຊັບ​ສິນ​ອື່ນໆ. ແນວ​ໃດ​ກໍ​ດີ ທາງ​ເຈົ້າໜ້າທີ່ສາມາດ​ຢຶດ​ເຄື່ອງ​ຂອງ​ກາງ ​ແລະ ​ເກັບ​ກູ້​ໄດ້​ຄືນ ເງີ​ນຈຳນວນ 100 ກ່ວາ​ລ້ານ​ກີບ, ລົກ​ຈັກ 59 ຄັນ, ລົດ​ໃຫຍ່ 2 ຄັນ.

ວຽກງານທ່ອງທ່ຽວມີຜົນສຳເລັດຫລາຍດ້ານ

      ກົມ​ພັດທະນາ​ການທ່ອງທ່ຽວ ກະຊວງ​ຖະ​ແຫລ​ງຂ່າວ, ວັດທະ ນະທຳ ​ແລະ ທ່ອງ​ທ່ຽວ ​ໃຫ້​ຮູ້​ວ່າ: ​ໃນ​ໜຶ່ງ​ປີຜ່ານມາ, ວຽກ​ງານ​ທ່ອງ​ທ່ຽວ​ລາວ​ມີ​ຜົນສຳ​ເລັດ​ພົ້ນ​ເດັ່ນ​ຫລາຍ​ດ້ານ ​ເຊິ່ງ​ໄດ້​ເຮັດ​ໃຫ້​ໂຕ​ເລກ​ຈຳນວນ​ນັກ​ທ່ອງ​ທ່ຽວ​ນັບ​ມື້​ເພີ່ມ​ຂຶ້ນ​ເປັນ​ລຳດັບ ​ແລະ ເຮັດ​ໃຫ້​ພາບ​ລວມຂອງ​ການທ່ອງ ທ່ຽວ​ມີ​ບັນຍາກາດ​ຟົດຟື້ນ.

      ກົມ​ດັ່ງກ່າວ ​ໃຫ້​ຮູ້​ວ່າ: ທ່ອງ​ທ່ຽວ​ແມ່ນ​ຂະ​ແໜງ​ການ​ໜຶ່ງ​ທີ່​ສຳຄັນ​ໃນ​ການ​ປະກອບສ່ວນ​ພັດ ທະນາ​ເສດຖະ ກິດ-ສັງຄົມ ​ເຊິ່ງ​ໃນ​ໄລຍະ​ຜ່ານ​ມາ ລັດຖະບານ​ໄດ້​ເອົາ​ໃຈ​ໃສ່​ໃນ​ການວາງ​ແຜນ​ພັດ ທະນາ​ການທ່ອງທ່ຽວ​ໃຫ້​ດີ​ຂຶ້ນ​ເປັນ​ກ້າວໆ ຈົນ​ເຮັດ​ໃຫ້ ສປປ ລາວ ​ໄດ້​ຮັບ​ລາງວັນ​ເປັນ​ປະ​ເທດ​ທີ່​ໜ້າ​ທ່ອງ​ທ່ຽວ​ທີ່​ສຸດ​ໃນ​ໂລກ ​ໃນ​ປີ 2013. ນອກຈາກ​ນີ້, ສປປ ລາວ ຍັງ​ໄດ້​ຮັບ​ກຽດ​ເປັນ​ເຈົ້າ ພາບ​ຈັດ​ກອງ​ປະຊຸມ ​ເພື່ອ​ປຶກສາ​ຫາລື​ການ​ພັດທະນາ​ການທ່ອງ ທ່ຽວ ທັງ​ໃນ​ລະດັບ​ພາກພື້ນ ​ແລະ ສາກົນ.