ເຈົ້າໜ້າທີ່ມອດໄຟນະຄອນຫລວງວຽງຈັນໃຫ້ຮູ້ວ່າ:
ໃນເວລາປະມານ 9:00 ໂມງເຊົ້າຂອງວັນທີ 4 ມັງກອນນີ້, ໄດ້ເກີດເຫດໄຟໄໝ້ ອາຄານຫ້ອງ ແຖວ 2 ຊັ້ນ
ຢູ່ເຂດບ້ານໜອງດ້ວງ, ເມືອງສີໂຄດຕະບອງ ນະຄອນຫລວງວຽງຈັນ, ເຊິ່ງອາ ຄານດັ່ງກ່າວເປັນຮ້ານຈຳໜ່າຍເຄື່ອງສຽງລົດຂອງນາງ
ອາຜິງ, ສັນຊາດ ຈີນ ແລະ ຜ່ານການສອບຖາມຜູ້ ເຫັນເຫດການຂອງເຈົ້າໜ້າທີ່ຮູ້ວ່າ: ກ່ອນເກີດເຫດ ໄດ້ມີສຽງດັງຂຶ້ນໃນ
ອາຄານ, ຫລັງຈາກນັ້ນ ກໍມີແປວໄຟລຸກລາມ ຢ່າງໄວວາ, ໂດຍໄດ້ໃຊ້ລົດດັບເພິງຫລາຍຄັນ ແລະ ເຈົ້າໜ້າທີ່ຫລາຍຄົນສຸມເຂົ້າສະກັດກັ້ນໄຟບໍ່ ໃຫ້ໄຟແຜ່ລາມໄປຫາ
ອາຄານຕິດກັນ, ເຊິ່ງເປັນສາຂາທະນາ ຄານ ເອເອັນແຊດ ແລະ ຮ້ານອາຫານເມືອງຄຳ, ເຊິ່ງໃຊ້ເວລາ ປະມານໜຶ່ງ
ຊົ່ວໂມງຈຶ່ງສາມາດຄວບຄຸມ ເພິງໄວ້ໄດ້. ໃນເບື້ອງຕົ້ນເຈົ້າໜ້າທີ່ຄາດວ່າເຫດໄຟໄໝ້ ຄັ້ງນີ້
ແມ່ນເກີດຂຶ້ນຈາກ ໄຟຟ້າລັດວົງຈອນ ແລະ ສ່ວນມູນຄ່າເສຍຫາຍນັ້ນພວມຢູ່ໃນຂັ້ນຕອນສືບສວນ-ສອບສວນຕໍ່ໄປ.
No comments:
Post a Comment