ໃນວັນທີ 2 ມັງກອນນີ້, ຢູ່ສະຖານີວິທະຍຸແຫ່ງຊາດ,
ທ່ານ ສະຫວັນຄອນ ຣາຊມຸນຕຣີ ລັດຖະມົນຕີຊ່ວຍວ່າການ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ
ໄດ້ໃຫ້ກຽດມອບໃບຍ້ອງຍໍລັດຖະບານລາວໃຫ້ທ່ານນາງ ໂມຊຽ ວລິງ (Mo Xiaoling) ຫລື ທ່ານນາງ ແສງແກ້ວ
ອຳນວຍການວິທະຍຸສາ ກົນແຫ່ງປະເທດຈີນ ປະຈຳລາວ ທີ່ມີຜົນງານ, ຄຸນງາມຄວາມດີ ອຸທິດເຫື່ອແຮງ
ແລະ ສະຕິປັນຍາຊີ້ນຳ-ນຳພາເຜີຍແຜ່ຂໍ້ມູນ ຂ່າວສານກ່ຽວກັບ ສປປ ລາວ ທາງດ້ານວັດທະນະທຳ-ສັງຄົມ,
ການທ່ອງທ່ຽວ, ເຮັດໃຫ້ປະຊາຊົນ ສອງຊາດລາວ-ຈີນ ກໍຄືສາກົນ ເຂົ້າໃຈ ສປປ ລາວ ຫລາຍຂຶ້ນ, ເຊິ່ງຜົນງານດັ່ງກ່າວຍັງເປັນການປະ
ກອບສ່ວນທີ່ສຳຄັນເຂົ້າໃນການເສີມຂະຫຍາຍສາຍພົວ ພັນມິດຕະພາບ ແລະ ການຮ່ວມມືລະຫວ່າງປະຊາຊົນສອງຊາດລາວ-ຈີນ.
ໃນໂອກາດນີ້ຜູ້ຕາງໜ້າວິທະຍຸສາກົນແຫ່ງປະເທດຈີນ
ປະຈຳລາວ ໄດ້ກ່າວສະແດງຄວາມຂອບໃຈ ແລະ ຮູ້ບຸນຄຸນ ມາຍັງການນຳຂັ້ນສູງ ທີ່ໄດ້ມອບໃບຍ້ອງຍໍອັນສົງກຽດ
ນີ້ີ້ໃຫ້ແກ່ຕົນ, ເຊິ່ງມັນໄດ້ສະແດງ ໃຫ້ເຫັນເຖິງຄຸນງາມຄວາມດີ ແລະ ຄວາມເອົາໃຈໃສ່ອັນເລິກເຊິ່ງຂອງພັກ
ແລະ ລັດຖະບານ ທີ່ໄດ້ຮັບຮູ້ ການປະກອບສ່ວນສຳຄັນໃນໄລຍະຜ່ານມາ ແລະ ຫວັງວ່າ ສປ ຈີນ ຈະສືບຕໍ່ເສີມຂະຫຍາຍສາຍພົວພັນມິດຕະພາບ
ແລະ ການຮ່ວມມືທັງສອງປະເທດໃຫ້ເຂັ້ມ ແຂງຮອບດ້ານກວ່າເກົ່າ.
No comments:
Post a Comment