ຄະນະພັກ 6 ແຂວງພາກເໜືອຄື: ແຂວງຫລວງພະບາງ, ອຸດົມໄຊ,ຫລວງນ້ຳທາ,
ບໍ່ແກ້ວ, ໄຊຍະບູລີ ແລະ ແຂວງຜົ້ງສາລີ, ໄດ້ເຂົ້າຮ່ວມຮັບຟັງການຊີ້ນຳວຽກ ງານເພື່ອກະກຽມໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ
X ຂອງພັກຈາກທ່ານນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດ,
ຫົວໜ້າອະນຸກຳ ມະການໂຄສະນາ- ຂະບວນການ ເມື່ອວັນທີ 16 ມັງກອນ ນີ້ຢູ່ແຂວງອຸດົມໄຊ.
ໃນໂອກາດນີ້, ທ່ານປະທານສະພາໄດ້ເນັ້ນໃຫ້ຄະນະພັກຂອງແຕ່ລະແຂວງກວດກາຄືນໂຄງປະກອບການຈັດຕັ້ງຂອງຄະນະຮັບຜິດຊອບຊີ້ນຳວຽກງານໂຄສະ
ນາ-ຂະບວນການຂອງແຕ່ລະແຂວງໃນການກະກຽມກອງປະຊຸມ 3 ຂັ້ນຂອງແຂວງ, ໃຫ້ສ້າງແຜນເຄື່ອນໄຫວຂອງຄະ
ນະໂດຍຕິດພັນກັບວຽກງານສິດ ແລະ ພາລະບົດບາດຂອງອຳນາດການປົກຄອງທ້ອງຖິ່ນ
ແລະ ຈັດຕັ້ງກອງເລຂາເພື່ອຊ່ວຍວຽກດຳເນີນໂຄສະນາວຽກງານສຶກສາອົບຮົມການເມືອງແນວຄິດຕິດພັນກັບການປຸກລະດົມຊຸກຍູ້ຂະ
ບວນແຂ່ງ
ຂັນຮັກຊາດ ແລະ ພັດທະນາ ກໍຄື ຂະບວນກະກຽມກອງປະຊຸມໃຫຍ່ຂອງອົງຄະນະພັກແຂວງ
ພ້ອມທັງ ສືບຕໍ່ຊຸກຍູ້ວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ແທດເຖິງກວ່າເກົ່າ,ຕ້ອງເຮັດຢ່າງເລິກເຊິ່ງເຖິງຖອງໂດຍສືບຕໍ່ແກ້ໄຂປະກົດການຫຍໍ້ທໍ້ຢູ່ໃນກົງຈັກລັດ
ແລະ ສັງຄົມໃຫ້ຫລຸດລົງເທື່ອລະກ້າວ.ສະເໜີໃຫ້ເອົາໃຈໃສ່ຊີ້ນຳອົງການປົກປ້ອງກົດໝາຍແກ້ໄຂບັນດາຄະດີຕ່າງໆໃຫ້ມີຄວາມສະຫງົບ
ແລະ ຖືກຕ້ອງຕາມກົດໝາຍ, ຕາມຄວາມຈິງ ແລະ ມີຄວາມຍຸຕິທຳ, ເຮັດໃຫ້ສັງຄົມ ແລະ
ປະຊາຊົນມີຄວາມສະຫງົບຢູ່ໃນແຕ່ລະບ້ານ, ຄອບຄົວ ແລະ ສືບຕໍ່ປະຕິບັດວຽກງານ
3 ສ້າງໃຫ້ແຂງແຮງຂຶ້ນກວ່າເກົ່າ ພ້ອມນັ້ນ ກໍຕ້ອງສຸມໃສ່ຊີ້ນຳການຈັດຕັ້ງປະຕິບັດບັນດາຄາດໝາຍ
ແລະ ທິດທາງໃນມະຕິ IX ໃຫ້ໄດ້ຕາມແຜນ ຫລື ລື່ນແຜນ,ນອກນັ້ນກໍໃຫ້ສຸມໃສ່ແກ້ໄຂບັນດາເປົ້າໝາຍສະຫັດສະວັດເພື່ອການພັດທະນາ,ໃຫ້ບັນລຸຄາດໝາຍໃນປີ
2015 ເປັນຕົ້ນເປົ້າໝາຍທີ 9 ຫລຸດຜ່ອນຜົນກະທົບຈາກລູກລະເບີດບໍ່ທັນແຕກ,
ເປົ້າໝາຍທີ 2 ທຸກຄົນໄດ້ຮັບການສຶກສາຂັ້ນປະຖົມຢ່າງທົ່ວເຖິງ ແລະ ເປົ້າໝາຍທີ
4 , 5 ຫລຸດຜ່ອນການເສຍຊີວິດຂອງເດັກ ແລະ ສົ່ງເສີມສຸຂະພາບຂອງແມ່. ສຳລັບການລົບລ້າງຄວາມທຸກຍາກກໍໃຫ້ສຸມໃສ່ເມືອງທີ່ຍັງເຮັດບໍ່ທັນໄດ້ດີ,ທ້າຍປີ
2015 ບັນດາເມືອງທີ່ນອນໃນເປົ້າໝາຍທຸກຍາກຕ້ອງໄດ້ແກ້ໄຂໂດຍສະເພາະແຂວງໃດທີ່ມີເງື່ອນໄຂ
ແລະ ໃຫ້ກວດຄືນໃນ 9 ເປົ້າໝາຍສະຫັດສະວັດເພື່ອຕີລາຄາໃຫ້ມີຄວາມຊັດເຈນກໍຄືການປະຕິບັດວຽກງານ
3 ສ້າງ, ພັດທະ
ນາຊົນນະບົດຮອບດ້ານຕາມ
4 ເນື້ອໃນ 4 ຄາດໝາຍຂອງພັກວາງອອກ.
No comments:
Post a Comment