ສປປ
ລາວ ແລະ ຍີ່ປຸ່ນ, ມີແຜນຈະເປີດໃຫ້ບໍລິການຂົນສົ່ງທາງອາກາດໂດຍກົງໃນອີກບໍ່ດົນຂ້າງໜ້ານີ້, ຫລັງຈາກສອງປະເທດໄດ້ສຳເລັດການລົງນາມສັນ ຍາການຂົນສົ່ງທາງອາກາດຮ່ວມກັນໃນວັນທີ
16 ມັງກອນນີ້, ຢູ່ນະຄອນຫລວງວຽງຈັນລະຫວ່າງທ່ານລັດຖະມົນຕີວ່າການກະຊວງໂຍທາທິການ ແລະ
ຂົນສົ່ງຂອງລາວ ແລະ ທ່ານ ທູດຍີ່ປຸ່ນປະຈຳລາວ.
ທ່ານ ຢາກົວ ລໍປາງກາວ ຫົວໜ້າກົມການບິນພົນລະເຮືອນ,
ກະຊວງໂຍທາທິການ ແລະ ຂົນສົ່ງ ກ່າວວ່າ: ການລົງນາມຄັ້ງນີ້ແມ່ນພື້ນຖານຂອງການລິເລີ່ມການຮ່ວມມືອັນເປັນປະຫວັດສາດດ້ານການບິນພົນລະເຮືອນລະຫວ່າງສອງປະເທດ
ເພື່ອອຳນວຍຄວາມສະດວກໃຫ້ແກ່ສາຍການບິນສອງປະເທດໄດ້ໄປມາຫາສູ່ກັນແບບໂດຍກົງ,
ບໍ່ຜ່ານປະເທດທີສາມ, ປະຢັດເວລາ ແລະ ຫລຸດຜ່ອນຄ່າໃຊ້ຈ່າຍໃນການເດີນທາງໄປມາສອງປະເທດດ້ວຍສາຍການບິນນຳດ້ວຍ.
ພ້ອມນີ້ຍັງສາມາດເຮັດໃຫ້ສາຍການບິນສອງປະເທດຜ່ານນ່ານຟ້າຊຶ່ງກັນ ແລະ ກັນ,
ເປັນການປະກອບສ່ວນດຶງດູດທາງດ້ານການຄ້າ, ການລົງທຶນ, ການທ່ອງທ່ຽວ ແລະ ອື່ນໆ,
ກໍຄືການປະກອບສ່ວນເຂົ້າໃນການພັດທະນາເສດຖະກິດ-ສັງ ຄົມຂອງຊາດນຳດ້ວຍ.
ທ່ານຫົວໜ້າກົມການບິນພົນລະເຮືອນ ກ່າວວ່າ:ສາຍການບິນຈາກຍີປຸ່ນໄດ້ບີນຜ່ານ
ສປປ ລາວ ມາໄດ້
ຫລາຍປີແລ້ວ,
ແຕ່ຍັງບໍ່ທັນມີສັນຍາຮ່ວມກັນທາງດ້ານການບີນເພື່ອຮັບປະກັນໃຫ້ແກ່ການບໍລິການບິນລະຫວ່າງສອງປະເທດ,
ເຊິ່ງບັນຫາດັ່ງກ່າວກະຊວງໂຍທາທິການ ແລະ ຂົນສົ່ງຂອງລາວ, ໄດ້ມີຄວາມພະຍາຍາມໃນການພົວພັນປະ
ສານງານກັບປະເທດຍີປຸ່ນມາປະມານ 7-8 ປີແລ້ວແຕ່ເນື່ອງຈາກຍີ່ປຸ່ນເຫັນວ່າສາຍການບິນຂອງລາວເຮົາເວລານັ້ນແມ່ນຍັງບໍ່ທັນມີຄວາມພ້ອມທາງດ້ານລະບົບການບິນ
ແລະ ການຕະຫລາດ, ແຕ່ມາຮອດປັດຈຸບັນນີ້, ຍີ່ປຸ່ນກໍໄດ້ຍອມຮັບວ່າ ການບິນລາວແມ່ນມີຄວາມພ້ອມຫລາຍດ້ານ
ແລະ ໄດ້ພັດທະນາລະບົບການບີນໃຫ້ທັນສະໄໝ ແລະ ຜ່ານການທົດລອງໃຫ້ບໍລິການສາຍການບິນໂດຍກົງລະຫວ່າງລາວ-ຍີ່ປຸ່ນ
ແບບເໝົາລຳກໍເຫັນວ່າມີຜູ້ໂດຍສານ ແລະ ນັກທ່ອງທ່ຽວໃຊ້ບໍລິການເປັນຈຳນວນຫລາຍ.
ທ່ານຫົວໜ້າກົມການບິນພົນລະເຮືອນ ກ່າວວ່າ: ສຳລັບການຮ່ວມມືດ້ານການບີນລະຫວ່າງລາວ-ຍີ່ປຸ່ນ
ແມ່ນມີຫລາຍດ້ານໂດຍສະເພາະນັບແຕ່ຊຸມປີ 1980 ເປັນຕົ້ນມາແມ່ນມີການຊ່ວຍເຫລືອລ້າຈາກຍີ່ປຸ່ນເປັນຈຳນວນຫລາຍ
ເຊັ່ນ: ການກໍ່ສ້າງສະໜາມບິນວັດໄຕ, ລະບົບຈາລະຈອນທາງອາກາດ, ສູນດັບເພີງ, ລະບົບໄຟຟ້າສຳຮອງ,
ຂະຫຍາຍ ລານຈອດເຮືອບິນ, ຕໍ່ເຕີມອາຄານຜູ້ໂດຍສານ, ພັດທະນາລະບົບວິທະຍຸການບິນແບບໃໝ່
ແລະ ອື່ນໆ.
No comments:
Post a Comment