ການວາງສະແດງຜະລິດຕະພັນໄມ້ຄັ້ງທຳອິດທີ່ມີຂຶ້ນແຕ່ວັນທີ
5 -11 ມັງກອນທີ່ສູນການຄ້າລາວໄອເຕັກ, ນະຄອນຫຼວງວຽງຈັນ ນີ້, ໄດ້ມີຫົວໜ່ວຍ ຜະລິດຕະພັນເຟີນີເຈີທີ່ຜະລິດຈາກໄມ້,
ຫວາຍ, ໄມ້ປ່ອງ ແລະ ເຄື່ອງແກະສະລັກໄມ້ ແລະ ຫົວໜ່ວຍຜະລິດຕະພັນເຄື່ອງຫັດຖະກຳອື່ນ
ເຂົ້າຮ່ວມເປັນຈຳນວນຫຼາຍ ແລະ ໜຶ່ງໃນຜະລິດຕະພັນທີ່ໂດດເດັ່ນ ສາມາດດຶງດູດຄວາມສົນໃຈຈາກຜູ້ຄົນທີ່ເຂົ້າມາຢ້ຽມຊົມຜະລິດຕະພັນດັ່ງກ່າວໄດ້ດີ
ແມ່ນຫ້ອງວາງສະແດງຜະລິດຕະພັນຂອງບໍລິສັດ ຄຳທະນະພອນ ຄັວດແກະສະລັກຫັດຖະກຳໄມ້ຈຳກັດຜູ້ດຽວ
ທີ່ນຳເອົາຜົນງານການແກະສະລັກ ຮູບສັດ, ຄົນ ແລະ ເຄື່ອງປະດັບຕ່າງໆ.
ທ່ານ ວິລັດ ປັນຍາລາດ ປະທານບໍລິສັດ ຄຳທະນະພອນໄດ້ເວົ້າວ່າ:
ບໍລິສັດຂອງພວກເຮົາສ້າງຂຶ້ນປີ 2009 ເປັນຕົ້ນມາ, ພາຍຫຼັງທີ່ລັດຖະບານໄດມີ ດ້ານນະໂຍບາຍສົ່ງເສີມການຜະລິດເປັນສິນຄ້າໂດຍນໍາໃຊ້ວັດຖຸດິບທີ່ເປັນໄມ້ເສດ
ເຫຼືອ
ຈາກໂຮງຈັກໂຮງງານຕ່າງໆໃນຂອບເຂດທົ່ວປະເທດ ແລະ ຊື້ຕາມໂຄງການລັດຖະບານຂາຍໃຫ້
ບໍ່ວ່າຈະເປັນໄມ້ເນື້ອ ແຂງ ແລະ ອ່ອນປະເພດຕ່າງໆ ເພື່ອມາຜະລິດ ແລະ ແກະສະລັກຮູບແບບຕ່າງໆ
ເພື່ອປ່ຽນຈາກສິ່ງເສດໄມ້ເຫຼືອດັ່ງກ່າວມາເປັນຜະລິດຕະພັນໄມ້ເເກະສະລັກທີ່ສວຍງາມ,
ເປັນສິນຄ້າທີ່ມີລາຄາດີ. ສິນຄ້າແຕ່ລະອັນແມ່ນຈະຂາຍພາຍໃນປະເທດ
ແລະສົ່ງຂາຍ ຕ່າງປະເທດເປັນຕົ້ນແມ່ນ ສປ ຈີນ, ສິງກະໂປ ແລະ ໄທ. ສ່ວນບັນຫາຫຍຸ້ງຍາກໃນການຜະລິດຢູ່ໂຮງງານໃນປັດຈຸບັນ
ແມ່ນຂາດແຮງງານທີ່ມີ ສີມືດີໃນຂະແໜງການນີ້, ສ່ວນບັນຫາບາງໜ້າວຽກຕ້ອງໄດ້ນຳເອົານາຍຊ່າງຈາກຕ່າງ ປະເທດເຂົ້າມາຊ່ວຍເຮັດ,
ນອກຈາກນີ້ ດ້ານວັດ ຖຸດິບກໍບໍ່ສາມາດສະໜອງໄດ້ຢ່າງພຽງພໍກັບຄວາມຕ້ອງການໃນການຜະລິດ.
ທ່ານ ວິລັດ ກ່າວວ່າ: ຜ່ານມາເຄີຍນຳເອົາຜະລິດຕະພັນເຟີນີເຈີຂອງໂຮງງານຕົນໄປວາງສະແດງຢູ່
ສປ ຈີນ ແລະ ໄທ ພ້ອມກັນນັ້ນກໍໄດ້ຮັບໃບຢັ້ງຢືນ ແລະ ລາງວັນຊະນະເລີດທີ່ສູນການຄ້າລາວໄອເຕັກໃນຄັ້ງນີ້.
No comments:
Post a Comment