ບໍລິສັດ ທີຊີຊີ ໂລຈິສຕິກ ແອນ ແວເຮົາ ຈຳກັດ, ໄດ້ເປີດສູນການຄ້າ ແຫ່ງໃໝ່ຊື່ວ່າ:
ເອັມເອັມ ເມກາມາເກັດ (MM Maga Maket) ຕັ້ງຢູ່ໃຈ ກາງເທດສະບານເມືອງໜອງຄາຍ, ປະເທດໄທ, ເພື່ອຮອງຮັບການຂະ ຫຍາຍຕົວດ້ານເສດ
ຖະກິດ ແລະ ການເຊື່ອມໂຍງເປັນປະຊາຄົມເສດ ຖະ ກິດອາຊຽນໃນທ້າຍປີ 2015 ນີ້, ຂະນະທີ່ຜູ້ບໍລິຫານລະດັບສູງ
ຂອງສູນ ການຄ້າດັ່ງກ່າວເປີດເຜີຍວ່າ: ສູນການຄ້າແຫ່ງນີ້ສ້າງຂື້ນກໍເພື່ອແນໃສ່ລູກຄ້າຈາກປະເທດລາວ,ໂດຍມີທ່ານເອກ
ອັກ ຄະລັດຖະທູດລາວປະຈຳປະເທດໄທ ຫລີ ບຸນຄ້ຳເຂົ້າຮ່ວມ ແລະ ກ່າວສະແດງຄວາມຍີນດີໃນພິທີເປີດເມື່ອວັນທີ
18 ມັງກອນນີ້.
ທ່ານ ພິດສະນຸ ພົງວັດທະນາ ຜູ້ຊ່ວຍອຳນວຍການໃຫຍ່ ບໍລິສັດ
ທີຊີຊີ ໂລຈິສຕິກ ແອນ ແວເຮົາ ຈຳກັດ ກ່າວວ່າ:ສູນ
ການຄ້າແຫ່ງນີ້ມີເນື້ອທີ່ທັງໝົດ 17 ພັນຕາແມັດ,
ເພື່ອໃຫ້ບໍລິການຈຳໜ່າຍສີນຄ້າອຸປະໂພກ-ບໍລິໂພກທັງຂາຍຍ່ອຍ ແລະ ຂາຍຍົກດ້ວຍລາຄາທີ່ເໝາະສົມ,
ມີການອອກແບບໃຫ້ບໍລິການລູກຄ້າດ້ວຍຄວາມສະດວກ, ທັນສະໄໝ ແລະ ວ່ອງໄວ ຕອບສະໜອງທຸກຄວາມຕ້ອງການຂອງລູກຄ້າໄດ້ເປັນຢ່າງດີ,
ໂດຍສະເພາະແມ່ນລູກຄ້າຈາກປະເທດລາວທີ່ເດີນ ທາງມາທ່ອງທ່ຽວ ແລະ ຊື້ສີນຄ້າໃນແຕ່ລະມື້. ສູນການຄ້າແຫ່ງນີ້ຈະສາມາດຮອງຮັບການເຂົ້າສູ່ປະຊາຄົມເສດຖະກິດອາ
ຊຽນ (AEC) ແລະ ຈະມີແຜນຂະຫຍາຍເພີ່ມອີກ 15 ສາຂາໃນຕົວເມືອງໃຫຍ່ຕາມແຂວງຊາຍແດນຕ່າງໆໃນປີ
2020 ແລະ ພາຍໃນ 5 ປີຄາດວ່າຈະມີຍອດຂາຍຫລາຍກວ່າ 12 ພັນລ້ານບາດ.
ທ່ານເອກອັກຄະລັດຖະທູດລາວປະຈຳປະເທດໄທ ກ່າວວ່າ:
ລາວ-ໄທ ເປັນປະເທດບ້ານໃກ້ເຮືອນຄຽງ, ປະ
ຊາຊົນສອງປະເທດມີຄວາມສາມັກຄີຮັກແພງ,
ມີການໄປມາຫາສູ່ຢ້ຽມຢາມ, ຊື້ຂາຍແລກປ່ຽນສີນຄ້າເຊິ່ງກັນ ແລະ ກັນ, ໂດຍສະເພາະພາຍຫລັງມີຂົວມິດຕະພາບໜຶ່ງທີ່ເຊື່ອມຕໍ່ລະຫວ່າງນະຄອນຫລວງວຽງຈັນກັບແຂວງໜອງຄາຍຍິ່ງເຮັດ
ໃຫ້ການພົວພັນ, ຄົມມານາຄົມຂົນສົ່ງ, ການຄ້າຂາຍ ແລະ ການທ່ອງທ່ຽວຂອງປະຊາຊົນສອງຊາດໄດ້ຮັບການເພີ່ມທະ
ວີຂຶ້ນເລື້ອຍໆ, ອັນໄດ້ປະກອບສ່ວນສຳຄັນເຂົ້າໃນການພັດທະນາເສດຖະກິດສັງຄົມຂອງສອງປະເທດມີການເຕີບໃຫຍ່
ຂະຫຍາຍຕົວຢ່າງກ້າວກະໂດດ.
ທ່ານ ສຸຊາດ ນົບພະວັນ ເຈົ້າແຂວງໜອງຄາຍ ກ່າວວ່າ:
ພາຍຫລັງເປີດນຳໃຊ້ຂົວມິດຕະພາບແຫ່ງທີໜຶ່ງວຽງຈັນ-ໜອງຄາຍ,ໄດ້ເຮັດໃຫ້ເສດຖະກິດຂອງແຂວງໜອງຄາຍຂະຫຍາຍຕົວຢ່າງໄວວາໃນແຕ່ລະປີ,
ຕົວເລກການຄ້າ, ການ ລົງທຶນ ແລະ ການທ່ອງທ່ຽວ ມີຈຳນວນເພີ່ມຂຶ້ນຫລາຍ, ໂດຍສະເພາະໃນປີ
2014 ຜ່ານມາມີນັກທ່ອງທ່ຽວເຂົ້າມາ ແຂວງໜອງຄາຍເກືອບ 2 ລ້ານເທື່ອຄົນ, ສ່ວນຫລາຍແມ່ນມາຈາກ
ສປປ ລາວ.
No comments:
Post a Comment