ພາຍຫລັງໄດ້ເກີດອຸປະຕິເຫດລົດໃຫຍ່ຕຳລົດຈັກ
ໃນວັນທີ 18 ມັງກອນຜ່ານມາ, ຢູ່ເສັ້ນທາງເລກທີ 13 ເໜືອ ເຂດບ້ານໜອງແຕ່ງ, ເມືອງສີໂຄດຕະບອງ
ນະຄອນຫລວງວຽງຈັນ, ໄດ້ເຮັດໃຫ້ຜູ້ຊ້ອນທ້າຍຄື: ທ້າວສຸກ ອາຍຸ 31 ປີ, ອາຊີບທະຫານ ຢູ່ກອງພັນໃຫຍ່
11 ເມືອງສີໂຄດຕະບອງ ເສຍຊີວິດຄາທີ່, ສ່ວນຜູ້ ຂັບຂີ່ລົດໃຫຍ່ໄດ້ ເອົາຕົວລົບໜີ ແລະ ໃນມື້ຕໍ່ມາຄື:
ວັນທີ 19 ມັງກອນ, ເຈົ້າໜ້າທີ່ສາມາດນຳຈັບ ຕົວໄດ້ແລ້ວ ຊື່ນາງ ສຸກດາລີ ຈັນທະຈອນ ອາຍຸ
33 ປີ, ອາຊີບຄ້າຂາຍ ຢູ່ບ້ານມີໄຊ, ເມືອງຈັນທະບູລີ ຂັບຂີ່ລົດກະບະ ໂຕໂຍຕາ ໝາຍເລກທະບຽນ
ກກ 2205.
ເຈົ້າໜ້າທີ່ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ຜູ້ກ່ຽວແມ່ນມີອາການມືນເມົາ
ແລ້ວຂັບຂີ່ ເມື່ອເກີດ ເຫດດັ່ງກ່າວຈຶ່ງຢ້ານກົວ ຈຶ່ງເອົາຕົວລົບໜີ. ປັດຈຸບັນຜູ້ກ່ຽວແມ່ນໄດ້ຖືກເຈົ້າໜ້າທີ່ກັກຕົວໄວ້ເພື່ອດຳເນີນຄະດີທາງລະ
ບຽບກົດໝາຍຕໍ່ໄປ.
No comments:
Post a Comment