ລັດວິສາຫະກິດນ້ຳປະປາະຄອນຫລວງ, ໄດ້ຕັ້ງໜ່ວຍງານສະເພາະກິດເພື່ອເຄື່ອນໄຫວຕິດຕາມກວດກາສະພາບ
ການລັກຊົມໃຊ້ນ້ຳປະປາ, ພາຍຫລັງພົບເຫັນມີການລັກໃຊ້ນ້ຳເກີດຂື້ນຫລາຍກໍລະນີ,ເຊິ່ງສ້າງຄວາມເສຍຫາຍເປັນຈຳນວນບໍ່ໜ້ອຍຕໍ່ລະບົບເສດຖະກິດຂອງລັດ.
ລັດວິສາຫະກິດນ້ຳປະປາໃຫ້ຮູ້ວ່າ:ໜ່ວຍສະເພາະກິດດັ່ງກ່າວ,ຈະມີປະຈຳຢູ່ທຸກຕົວເມືອງຂອງນະຄອນຫລວງ
ວຽງຈັນ, ຊຶ່ງແມ່ນຫົວໜ້າຫ້ອງການສາຂານ້ຳປະປາແຕ່ລະເມືອງເປັນຫົວໜ້າໜ່ວຍ ເພື່ອເຮັດໜ້າທີ່ລົງກວດກາ
ໝໍ້ແທກນ້ຳຄືນໃໝ່
ແລະ ໄກ່ເກ່ຍບັນດາໜີ້ສີນຕ່າງໆ,ເນື່ອງຈາກວ່າປັດຈຸບັນລັດວິສາຫະກິດນ້ຳປະປາໄດ້ພົບເຫັນປະກົດການລັກໃຊ້ນ້ຳຂອງລູກຄ້າໃນຫລາຍກໍລະນີ
ເຊັ່ນ:ລັກຕໍ່ນ້ຳໂດຍກົງຈາກທໍ່ນ້ຳພາຍນອກ,ລັກປີ້ນໝໍ້ແທກນ້ຳ,ເຮັດໝໍ້ແທກນ້ຳແຕກຫັກເປ່ເພ
ແລະ ອື່ນໆ, ເພື່ອພະຍາຍາມເຮັດໃຫ້ໄດ້ໃຊ້ນ້ຳຫລາຍແຕ່ຈ່າຍຄ່ານ້ຳໜ້ອຍ, ນອກ
ຈາກນີ້, ກໍມີລູກຄ້າຈຳນວນຫລາຍມີໜີ້ສີນຄຸມເຄືອຄ້າງຈ່າຍແກ່ຍາວມາດົນນານ,
ເຊິ່ງຜິດຕໍ່ລະບຽບຫລັກການຂອງລັດວິສາຫະກິດນ້ຳປະປາ, ສ້າງຄວາມ
ສູນເສຍຕໍ່ລະບົບເສດຖະກິດ
ແລະ ຜົນປະໂຫຍດລວມຂອງຊາດ. ສະນັ້ນລັດ ວິສາຫະກິດນ້ຳປະປາຈະອະນຸຍາດໃຫ້ເຮືອນຫລັງໜຶ່ງມີສີດນຳໃຊ້ໝໍ້ແທກນ້ຳໄດ້ພຽງໜ່ວຍດຽວເທົ່ານັ້ນ,
ສ່ວນໜີ້ ສີນໜ່ວຍເກົ່າທີ່ຖືກອັດໄວ້ໃນເມື່ອກ່ອນທີ່ເປັນກຳມະສິດຂອງລູກຄ້າບໍ່ວ່າໃນກໍລະນີໃດກໍຕາມແມ່ນຕ້ອງໃຫ້ຊຳລະໜີ້ຕາມຫົວໜ່ວຍລາຄາທີ່ລູກຄ້າໃຊ້ໂດຍບໍ່ຄິດໄລ່ດອກເບ້ຍ
1,5% ທີ່ກຳນົດໄວ້ໃນລະບຽບ, ແຕ່ຖ້າລູກຄ້າທ່ານໃດບໍ່ມາຊຳລະຕາມກຳນົດໝາຍກໍຈະງົດການສົ່ງນ້ຳໃຫ້ເຮືອນຂອງລູກຄ້າຕາມລະບຽບກົດໝາຍ.
No comments:
Post a Comment