ວັນທີ 13 ມັງກອນ ນີ້, ທີ່ສະມາຄົມນັກຂ່າວແຫ່ງ
ສປປ ລາວ, ນະ ຄອນຫຼວງວຽງຈັນ, ທ່ານ ນາງ ຈັນທະຈອນ ວົງໄຊ ປະທານສະມາຄົມນັກ ທຸລະກິດແມ່ຍິງໄດ້ມີຖະແຫຼງກ່ຽວກັບການຈັດງານເທດສະການອາຫານລາວຄັ້ງທີ
10 ປະຈຳປີ 2015 ວ່າ: ງານດັ່ງກ່າວ ຈະມີຂຶ້ນໃນວັນທີ 29-31 ມັງກອນນີ້, ຢູ່ເດີ່ນສວນເຈົ້າອານຸວົງ
(ຕໍ່ໜ້າທ່າວັດຈັນ), ນະຄອນຫຼວງວຽງຈັນ. ເພື່ອເປັນການສືບຕໍ່ຊຸກຍູ້ ແລະ ສົ່ງເສີມທຸກໆຫົວໜ່ວຍທຸລະກິດຂອງແມ່ຍິງນັບແຕ່ການຜະລິດ,
ປູກພືດກະສິກຳ, ລ້ຽງສັດ, ປຸງແຕ່ງ, ທຸລະກິດຮ້ານອາຫານ, ໂຮງຮຽນທີ່ຝຶກ ອົບຮົມການປຸງແຕ່ງອາຫານ
ຕ່າງໆໃນຂອບເຂດທົ່ວປະເທດໄດ້ມີໂອກາດມາວາງສະແດງ ແລະ ຂາຍຜະລິດຕະພັນຂອງຕົນ.
ພ້ອມທັງເປັນການສ້າງໂອກາດໃຫ້ແມ່ຍິງຜູ້ປະກອບການຂະແໜງຜະລິດ ແລະ ປຸງແຕ່ງອາຫານໄດ້ແລກປ່ຽນບົດຮຽນ,
ປະສົບການ ເຊິ່ງກັນ ແລະ ກັນ, ຮູ້ຈັກປັບປຸງຜົນຜະລິດ ສາມາດຕອບສະໜອງໄດ້ຕາມຄວາມຕ້ອງການຂອງຕະຫຼາດ
ເຮັດໃຫ້ແມ່ຍິງສາມາດປະກອບສ່ວນເຂົ້າໃນການຜະລິດເປັນສິນຄ້າ ຂະຫຍາຍຕະຫຼາດໄດ້
ເຮັດໃຫ້ລາຍຮັບຂອງເຂົາເຈົ້ານັບມື້ນັບດີຂຶ້ນ.
ພາຍໃນງານຈະມີ ອາຫານທີ່ເປັນເອກະລັກຂອງຫຼາຍທ້ອງຖິ່ນໃນທົ່ວປະເທດ
ມາວາງສະແດງ ແລະ ຂາຍ ແລະ ເຊີນເອົາຜູ້ປະກອບການຜູ້ຊະນະເລີດງານແຂ່ງຂັນປຸງແຕ່ງອາຫານແຊບມາຮ່ວມເປີດຮ້ານຂາຍເຊັ່ນ:
ຕຳໝາກ ຫຸ່ງຊະນະເລີດເທດສະການອາຫານປີ 2013, ລາບນົກແອ່ນ ແຂວງຊຽງຂວາງ ແລະ ລາບໝູໃສ່ໝາກກອກ
ແຂວງ ຫຼວງນ້ຳທາຊະນະເລີດປີ 2014 ແລະ ການແຂ່ງຂັນປຸງແຕ່ງເຂົ້າປຸ້ນແຊບທີ່ມາຈາກ
11 ໂຮງຮຽນວິຊາຊີບ ພາຍໃນ 10 ແຂວງທົ່ວປະເທດອີກດ້ວຍ.
No comments:
Post a Comment