ວັນທີ 27 ມັງກອນ ນີ້,ທີ່ ສູນພັດທະນາສີມືຕັດຫຍີບ ນະຄອນຫຼວງວຽງ ຈັນ,
ໄດ້ເປີດຊຸດອົມຮົບການເປັນຄູຝຶກວິຊາຊີບເຄື່ອງນຸ່ງຫົ່ມໃຫ້ຄູອາຈານຂະແໜງ ຕັດຫຍິບຈາກໂຮງຮຽນ
ເຕັກນິກວິຊາຊີບແບບປະສົມແຂວງຜົ້ງສາລີ, ຫົວພັນ, ຊຽງຂວາງ, ບໍລິຄຳໄຊ, ອັດຕະປື
ແລະ ສາລະວັນ ຈຳນວນ 9 ຄົນໂດຍຈະດຳເນີນໄປແຕ່ 27 ມັງກອນ ຫາ 11 ເມສາ 2015.
ທ່ານ ນາງ ບໍຣິວອນ ຜາຝອງ ອຳນວຍການ ສູນພັດທະນາສີມືຕັດຫຍິບ
ໄດ້ກ່າວໃນພິທີວ່າ: ເພື່ອຮັບປະກັນໃຫ້ແຮງງານລາວມີຄວາມຮູ້ຄວາມສາມາດ
ແລະ ສາມາດຕອບສະໜອງຄວາມຕ້ອງການຂອງຕະຫຼາດແຮງງານ, ຈຶ່ງມີຄວາມຈຳເປັນຫຼາຍທີຈະຕ້ອງມີຄວາມຮູ້
ແລະ ຫຼັກວິຊາຊີບຕ່າງໆ. ເພື່ອໃຫ້ຄູ ອາຈານໃນຂະແໜງການຕັດຫຍິບ ຈາກໂຮງຮຽນເຕັກ
ນິກ-ວິຊາຊີບແບບປະສົມແຂວງຕ່າງໆໄດ້ຮຽນຮູ້ກ່ຽວກັບໜ້າທີ່ພື້ນຖານຂອງຄູຝຶກວິຊາຊີບ
ຫຼື ຄູອາຊີວະສຶກສາ ແລະ ແບບວິທີການຂອງ ຂັ້ນຕອນໃນການສິດສອນ ແລະ ການປະເມີນຜົນການສອນ
ແລະ ນຳໃຊ້ສື່ການຮຽນ ການສອນ, ຫຼັກສູດ, ທັກສະຄວາມສາມາດ ແລະ ຄຸນສົມບັດຂອງຊ່າງຕັດຫຍິບທີ່ສາມາດນຳເອົາຄວາມຮູ້
ປະສົບການທີ່ໄດ້ຮັບຈາກການຝຶກອົບຮົມໃນຄັ້ງນີ້ໄປນຳໃຊ້ເຂົ້າໃນວຽກງານການສິດສອນຂອງຕົນ
ເພື່ອແນໃສ່ສົ່ງເສີມໃຫ້ທຸກຄົນໄດ້ມາຮຽນວິຊາຊີບດ້ວຍຕົນເອງຫຼາຍຂຶ້ນ.
ສູນພັດທະນາສີມືຕັດຫຍິບແມ່ນສູນຝຶກວິຊາຊີບແຫ່ງໜຶ່ງທີ່ຂຶ້ນກັບສະມາຄົມອຸດສາຫະກຳຕັດຫຍິບລາວ
ແມ່ນໂຄງການໜຶ່ງທີ່ຢູ່ພາຍໃຕ້ໂຄງການກອງທືນພັດທະນາການຄ້າ ແລະ ພາຍໃຕ້ການຊີ້ນຳໂດຍກົມແຜນການ
ແລະ ການຮ່ວມມືກະຊວງອຸດສາຫະກຳ ແລະ ການຄ້າ, ມີໜ້າທີ່ສ້າງ ພັດທະນາສີມືແຮງງານ,
ທົດສອບສີມືແຮງງານເພື່ອສະໜັບ ສະໜູນອຸດສາຫະກຳເຄື່ອງນຸ່ງຫົ່ມລາວມີ ປະສິດທິພາບ
ແລະ ມີຄວາມອາດສາມາດໃນການແຂ່ງຂັນຂອງຂະແໜງການອຸດສາຫະກຳຜະລິດເຄື່ອງນຸ່ງຫົ່ມ.
No comments:
Post a Comment