ງານວາງສະແດງການສຶກສາແຂວງກວາງຊີ ສປ ຈີນ
ໄດ້ຈັດຂຶ້ນໃນວັນທີ 15 ມັງກອນ ນີ້, ຢູ່ທີ່ມະຫາວິທະຍາໄລແຫ່ງຊາດ ນະຄອນຫລວງວຽງຈັນ
ໂດຍ ການເຂົ້າຮ່ວມຂອງທ່ານ ພຸດ ສິມມາລາວົງ ຮອງອະທິການບໍດີ ມະຫາວິທະ ຍາໄລແຫ່ງຊາດ, ທ່ານ
ລິນ ນິງ ຫົວໜ້າກົມກວດກາການສຶກສາເຂດປົກ ຄອງ ຕົນເອງເຜົ່າຈ້ວງກວາງຊີ,
ພ້ອມດ້ວຍນັກສຶກສາຈາກມະຫາວິທະຍາໄລແຫ່ງຊາດ ເຂົ້າຮ່ວມຊົມເປັນຈຳນວນຫລາຍ.
ຮອງອະທິການບໍດີມະຫາວິທະຍາໄລແຫ່ງຊາດ
ມີຄຳເຫັນໃນພິທີວ່າ: ການຮ່ວມມືຂອງທຸກຂະແໜງການລະຫວ່າງ ລາວ-ຈີນ
ໄດ້ເກີດດອກອອກຜົນຢ່າງຈົບງາມ ແລະ ໄດ້ປະກອບສ່ວນສຳຄັນເຂົ້າໃນການພົວພັນສອງຊາດ,
ຊຶ່ງສະແດງ ອອກໃຫ້ເຫັນຍາມໃດ ຝ່າຍຈີນ ກໍເອົາໃຈໃສ່ຕໍ່ການແລກປ່ຽນຮ່ວມມືດ້ານການສຶກສາຂອງລາວຕະຫລອດມາ,
ໂດຍສະ
ເພາະການສະໜັບສະໜູນ ໃນການກໍ່ສ້າງບຸກຄະລາກອນໃນຫຼາຍຂົງເຂດວຽກງານຕ່າງໆເຊັ່ນ:
ການທູດ, ການຄ້າ, ການກະ ເສດ, ການກໍ່ສ້າງ, ສາທາລະນະສຸກ ແລະ ອື່ນໆ ພ້ອມນີ້ ທ່ານຫົວໜ້າກົມກວດກາການ
ສຶກສາເຂດປົກຄອງຕົນເອງ ກວາງຊີ ກໍມີຄຳເຫັນວ່າ: ເຂດປົກຄອງກວາງຊີ ຕັ້ງຢູ່ພາກໃຕ້
ຂອງຈີນ, ປັດຈຸບັນ ມີໂຮງຮຽນ ອະນຸ ບານ 8 ພັນກວ່າແຫ່ງ, ໂຮງຮຽນ ປະຖົມ ກວ່າ 13 ພັນແຫ່ງ,
ມັດທະຍົມຕົ້ນ 1.800 ກວ່າແຫ່ງ, ມັດທະຍົມປາຍ 400 ກວ່າແຫ່ງ,
ໂຮງຮຽນວິຊາຊີບມີ 273 ແຫ່ງ, ໂຮງຮຽນຊັ້ນສູງມີ 76 ແຫ່ງ, ຊຶ່ງມີນັກສຶກສາກວ່າ 9 ແສນຄົນ,
ໃນນັ້ນມີນັກສຶກສາລາວຮຽນຢູ່ກວາງຊີ ຫຼາຍກວ່າ 600 ຄົນ. ເວົ້າລວມແລ້ວ
ການສຶກສາຢູ່ກວາງຊີ ມີສະພາບແວດລ້ອມທີ່ດີ, ມີຫຼັກສູດການຮຽນການສອນທີ່ທັນສະໄໝ,
ອັນໄດ້ສ້າງສິ່ງອຳນວຍຄວາມສະດວກໃຫ້ແກ່ນັກສຶກສາທີ່ມາຮຽນຢູ່ ກວາງຊີ ໄດ້ເປັນຢ່າງດີ,
ຊຶ່ງ 2 ປີຜ່ານມາ ມີນັກສຶກສາ ຕ່າງປະເທດມາຮຽນຢູ່ ກວາງຊີ ຫຼາຍກ່ວາ 10 ພັນຄົນ.
ຊຶ່ງງານສະແດງຄັ້ງນີ້ ມີສະຖາບັນການສຶກສາ ແລະ ມະຫາວິທະຍາໄລ ຈາກແຂວງກວາງ ຊີ ຫຼາຍກວ່າ 10 ແຫ່ງມາແນະນຳແກ່ນັກສຶກສາລາວທີ່ສົນໃຈຢາກໄປສຶກສາຕໍ່ທີ່ແຂວງກວາງຊີໄດ້ມີຄວາມ ເຂົ້າໃຈຕື່ມອີກ.
No comments:
Post a Comment