ວັນທີ 15 ມັງກອນນີ້ພະແນກສາທາລະນະສຸກນະຄອນຫຼວງວຽງຈັນໄດ້ຮ່ວມກັບພະແນກການອອ້ມຂ້າງທີ່ກ່ຽວຂ້ອງໄດ້ຈັດກອງປະຊຸມຮ່ວມກັນເພື່ອປຶກສາຫາລືການປັບປຸງຫ້ອງນ້ຳໃນສະຖານທີ່ສາທາລະນະຕ່າງໆນະຄອນ ຫຼວງວຽງຈັນ,ໂດຍການເປັນປະທານຂອງທ່ານ ຮອງຫົວໜ້າພະແນກສາທາລະນະສຸກນະຄອນຫຼວງວຽງຈັນ, ເພື່ອກະກຽມໃຫ້ແກ່ການສະເຫຼີມສະຫຼອງສອງວັນປະຫວັດສາດຊຶ່ງຈະຈັດຂື້ນໃນປີນີ້ເຊັ່ນ:ວັນສ້າງຕັ້ງພັກຄົບຮອບ 60 ປີແລະວັນສະຖາປານາສປປລາວຄົບຮອບ 40 ປີແລະສິ່ງສຳຄັນແມ່ນປີ 2016 ຊຶ່ງເປັນປີທຳອິດຂອງການເຂົ້າເປັນປະຊາຄົມອາຊຽນ ແລະ ລາວເຮົາເປັນເຈົ້າພາບຈັດກອງປະຊຸມສຳຄັນຕ່າງໆ,ໂດຍສະເພາະແມ່ນກອງປະຊຸມສຸດຍອດອາຊຽນ,ດັ່ງນັ້ນຖາພວກເຮົາບໍ່ມີການກຽມການທີ່ດີກໍຈະເຮັດໃຫ້ບໍ່ສາມາດຮັບຮອງກັບສະຖານະການດັ່ງກ່າວໄດ້,ກໍດັ່ງຮູ້ນຳກັນແລ້ວວ່ານະຄອນຫຼວງວຽງຈັນຖືເປັນສູນກາງເສດຖະກິດ-ສັງຄົມ,ການເມືອງຂອງປະເທດແລະວຽກງານສຸຂະອະນາໄມກໍຖືເປັນວຽກງານໜຶ່ງທີ່ຕິດພັນ
ກັບທຸກຂົງເຂດວຽກງານ,ໂດຍສະເພາະບັນຫາຫ້ອງນຳ້ຕາມສະຖານທີ່ສາທາລະນະ, ດັ່ງນັ້ນກອງປະຊຸມຄັ້ງນີ້ພວກເຮົາຈະໄດ້ຮ່ວມກັບປຶກສາຫາລືການປັບປຸງຍົກລະດັບຫ້ອງນ້ຳຕາມສະຖາທີ່ສາທາລະນະໃນນະຄອນຫຼວງວຽງຈັນໃຫ້ໄດ້ຕາມມາດຕະຖານຄື: ສະອາດ,ພຽງພໍ,ປອດໄພແລະຍືນຍົງ.
ທ່ານປະທານກອງປະຊຸມກ່າວວ່າ:ຜ່ານຈາກການລົງຕິດຕາມກວດກວດຫ້ອງນ້ຳ 70 ກວ່າແຫ່ງຢູ່ສະຖານທີ່ສາ ທາລະນະໃນນະຄອນຫຼວງວຽງຈັນ, ເຊັ່ນ: ສວນສາທາລະນະ, ສະຖານີລົດໂດຍສານ, ສະຖານທີ່ທ່ອງທ່ຽວ, ປ້ຳນຳ້ມັນ ແລະ ຕະຫຼາດຕ່າງໆເຫັນວ່າ: ຫ້ອງນ້ຳທີ່ມີຄວາມສະອາດຖືກຫຼັກອະນາໄມມີພຽງ 8 ແຫ່ງ, ຊຶ່ງສວນຫຼາຍແມ່ນຫ້ອງນ້ຳໃນປ້ຳນ້ຳມັນຕ່າງໆເທົ່ານັ້ນ, ສ່ວນຫ້ອງນ້ຳໃນສະຖາທີ່ສາທາລະນະອື່ນໆແມ່ນຍັງຈະຕ້ອງໄດ້ປັບປັງຕື່ມອີກໂດຍສະເພາະແມ່ນຫ້ອງນ້ຳຢູ່ສະຖານີລົດໂດຍສານແລະຕະຫຼາດຕ່າງໆ.
No comments:
Post a Comment