ປີນີ້ກໍເຊັ່ນດຽວກັບປີຜ່ານໆມາພໍຫຼັງປີໃໝ່ສາກົນລາຄາສິນຄ້າຢູ່ຕາມທ້ອງ ຕະຫຼາດໂດຍສະເພາະແມ່ນລາ
ຄາ ເຂົ້າເລີ່ມມີການເໜັງຕີງ, ຈາກການລົງຕິດຕາມສອບຖາມຂອງນັກຂ່າວພວກເຮົາ ມາຮອດປັດຈຸບັນ
ເຂົ້າສານໜຽວລາຄາຕ່ຳ ສຸດລະເລ່ຍ ໜື່ນລະ 65 -
80 ພັນກີບ, ເຂົ້າສານ (ຈ້າວ) ໜື່ນລະ 70-1 ແສນກີບ, ໂດຍຂຶ້ນກັບຄຸນນະພາບແລະຊະນິດຂອງເຂົ້າ,
ທຽບໃສ່ໄລຍະຜ່ານມາຖືວ່າລາຄາມີການເໜັງຕີງຂື້ນເລັກໜ້ອຍ, ແລະ ຄາດວ່າລາຄາເຂົ້າຍັງຈະສືບຕໍ່ສູງຂື້ນແລະມັນອາດສົ່ງຜົນກະທົບຜູ້ທີ່ມີລາຍຮັບຕ່ຳ,
ຖ້າຫາກບໍ່ມີການຄວບຄຸມຈາກພາກສ່ວນກ່ຽວຂ້ອງ ແລະບໍ່ສະເພາະແຕ່ລາຄາເຂົ້າເທົ່ານັ້ນແຕ່ລາຄາສິນຄ້າບໍລິໂພກ,
ອຸປະໂພກອື່ນໆກໍມີການເໜັງຕີງຂື້ນລົງນັບແຕ່ປີໃໝ່ສາກົນເປັນຕົ້ນມາ, ສ່ວນຫຼາຍແມ່ນເກີດຈາກການສວຍໂອກາດຂອງຊາວຄ້າຂາຍ,
ໂດຍສະເພາະແມ່ນໃນຍາມບຸນປະເພນີ ແລະ ເທດສະການສຳຄັນຕ່າງໆ, ເຊັ່ນດຽວກັບລາຄາເຂົ້າ, ຊຶ່ງຊາວຄ້າຂາຍກໍໃຫ້ເຫດຜົນວ່າ:
ໃນບ່ໍພໍ່ເທົ່າໃດ ວັນຕໍ່ໜ້າ ລາຄາເຂົ້າສານໜຽວຍິ່ງຈະ ເພີ່ມສູງ
ຂື້ນກວ່າເກົ່າເນື່ອງຈາກວ່າໃນກາງເດືອນກຸມ
ພາຈະມາເຖິງນີ້ ຈະມີເທດສະການ ບຸນປີໃໝປະຈຳຊາດ່ຂອງຊາວຫວຽດນາມ ແລະ ຊາວຈີນ, ຊຶ່ງເປັນເທດສະການທີ່ມີຄວາມຕ້ອງການເຂົ້າສານໜຽວ ເປັນຈຳນວນຫຼາຍເພື່ອໄປເຮັດເຂົ້າໜົມ,
ເຂົ້າຕົ້ມ ບູຊາຕາມປະເພນີ, ດັ່ງນັ້ນ ອາດເຮັດໃຫ້ລາຄາເຂົ້າຢູ່ ຕາມທ້ອງຕະ ຫຼາດ, ໂດຍສະເພະແມ່ນຢູ່ນະຄອນຫຼວງວຽງຈັນອາດ ຖີບໂຕຂຶ້ນ,
ຖ້າພາກສ່ວນກ່ຽວຂ້ອງຂາດການຄວບຄຸມ, ແຕ່ຜ່ານມາເຫັນວ່າພາກສ່ວນກ່ຽວຂ້ອງກໍໄດ້ເອົາໃຈໃສ່ຄວບຄຸມລາຄາສິນຄ້າຕ່າງໆໄດ້ເປັນຢ່າງດີ,
ເປັນຕົ້ນແມ່ນລາຄາຊີ້ນ,ປາ ແລະ ພືດຜັກຕ່າງໆ, ຂະນະດຽວກັນຕໍ່ບັນຫານີ້ກົມການ ຄ້າພາຍໃນແລະພະແນກອຸດສາຫະກຳການຄ້ານະຄອນ
ຫຼວງໄດ້ໃຫ້ຮູ້ວ່າ: ການຂື້ນລົງຂອງລາຄາສິນຄ້າແມ່ນ ເປັນໄປຕາມ ກົນໄກຕະຫຼາດ, ເຫັນໄດ້ຈາກລາຄາສິນຄ້າໃນປັດ
ຈຸ ບັນຈະບໍ່ມີການຂື້ນ ລາຄາກະໂດດຂັ້ນຈົນເກີນໄປແລະຢູ່ໃນລະ ດັບທີ່ຍອມຮັບໄດ້, ແຕ່ຖ້າຫາກມີການຂຶ້ນລາຄາສິນຄ້າ
ແບບກະໂດດຂັ້ນເກີນ ກຳນົດທາງພາກສ່ວນກ່ຽວຂ້ອງກໍຈະມີການ ກວດກາ, ຄວບຄຸມແລະດຳເນີນຕາມມາດຕະການ,
ໂດຍສະເພາະແມ່ນ ສິນ ຄ້າທີ່ມີເພດານລາຄາຄວບຄຸມ, ປັດຈຸບັນພາກສ່ວນກ່ຽວຂ້ອງໄດ້ຕິມຕາມກວດ ກາລາຄາສິນຄ້າຢູ່ຕາມທ້ອງຕະຫຼາດ
ຕ່າງໆຢ່າງເປັນປະຈຳ, ໂດຍມີການລາຍງານເປັນອາທິດ, ເດືອນກ່ຽວກັບການຂຶ້ນລົງຂອງລາຄາສິນຄ້າ,
ສະເພາະລາຄາ ສິນຄ້າຢູ່ຕະຫຼາດໃນນະຄອນຫຼວງວຽງຈັນປັດຈຸບັນເຫັນວ່າລາຄາໃກ້ຄຽງກັນ.
No comments:
Post a Comment