ກະຊວງແຜນການ ແລະ ການລົງທຶນ ເປີດເຜີຍໃຫ້ຮູ້ວ່າ:
ພາຍຫລັງສະພາແຫ່ງຊາດໄດ້ມອບໝາຍໃຫ້ກະຊວງແຜນການ ແລະ ການລົງທຶນ ແລະ ກະຊວງການເງິນກວດຄືນ
ແລະ ສັງລວມບັນດາໂຄງການນອກແຜນທີ່ໄດ້ປະຕິ ບັດກ່ອນວັນທີ 31 ທັນວາ 2011 ເພື່ອລາຍງານໃຫ້ສະພາແຫ່ງຊາດພິຈາລະນາຊັບຊ້ອນຈັດລຽງເຂົ້າໃນແຜນພັດ
ທະນາເສດຖະກິດ-ສັງຄົມໃນແຕ່ລະສົກປີ 2012-2013,ສ່ວນໂຄງການນອກແຜນທີ່ເກີດຂື້ນພາຍຫລັງປີ
2012 ແມ່ນສະພາແຫ່ງຊາດຈະບໍ່ພິຈາລະນາຮັບຮອງ.
ສຳລັບໂຄງການນອກແຜນມີທັງໝົດ 732 ໂຄງການ,ມີມູນຄ່າ
4.776,7 ຕື້ກີບ,ໃນນັ້ນຂະແໜງການ ແລະ ທ້ອງຖິ່ນ ທີ່ເປັນເຈົ້າຂອງໂຄງການໄດ້ຄົ້ນຄວ້າສາມາດເອົາເຂົ້າແຜນສົກປີ
2012-2013 ຈຳນວນ 137 ໂຄງ ການ ແລະ ເອົາເຂົ້າແຜນສົກປີ 2013-2014 ຈຳນວນ 69 ໂຄງການ
ແລະ ປັດຈຸບັນຍັງເຫລືອ 565 ໂຄງການ, ມີມູນຄ່າສັນຍາປະມານ 4.182,11 ຕື້ກີບ.ຂະນະທີ່ໂຄງການນອກແຜນທີ່ເກີດຂື້ນໃນປີ
2012 ເປັນຕົ້ນມາມີປະມານ 359 ໂຄງການ,ມູນຄ່າ 990 ຕື້ກວ່າກີບ,ເຊິ່ງປັດຈຸບັນລັດຖະບານພວມຊອກຫາວິທີແກ້ໄຂຢ່າງເໝາະສົມ.
No comments:
Post a Comment