ກະຊວງແຜນການ ແລະ ການລົງທຶນ ໄດ້ຈັດກອງປະຊຸມ
ທົບທວນຄືນ ການຈັດຕັ້ງປະຕິບັດກົດ ໝາຍວ່າດ້ວຍສະຖີຕິ ແລະ ຍຸດທະສາດການພັດທະນາລະບົບສະຖີຕິແຫ່ງຊາດ
ເຊິ່ງພາຍຫລັງກົດໝາຍດັ່ງກ່າວໄດ້ຖືກຮັບຮອງຈາກສະພາແຫ່ງຊາດໃນປີ 2010 ເປັນຕົ້ນມາ
ແລະ ໄດ້ລົງເລິກການຈັດຕັ້ງລະບົບສະຖີຕິແຫ່ງຊາດເຊັ່ນ: ກົງຈັກການຈັດຕັ້ງ ສາຍຂວາງ,
ການຜະລິດຂໍ້ມູນສະຖິຕິທີ່ສຳຄັນຂອງຕົວຊີ້ບອກກ່ຽວກັບການຈັດຕັ້ງເປົ້າໝາຍສະຫັດສະວັດດ້ານການພັດ
ທະນາ, ຕົວຊີ້ບອກກ່ຽວກັບສະຖິຕິສັງຄົມ, ສະຖິຕິເສດຖະກິດ, ສະຖີຕິການຂຶ້ນທະບຽນການເກີດ-ການຕາຍ,ສະຖິຕິການຂຶ້ນທະ
ບຽນຫົວໜ່ວຍທຸລະກິດ, ການບໍລິການ ແລະ ການເຜີຍແຜ່ສະຖີຕິທາງການ.
ທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ
ແລະ ການລົງທຶນ ໃນຖານະປະທານກອງປະຊຸມໄດ້ກ່າວໃນວັນທີ 27 ມັງກອນນີ້ຢູ່ຫໍປະຊຸມແຫ່ງຊາດ
ວ່າ: ການຈັດກອງປະຊຸມໃນຄັ້ງນີ້ ເພື່ອເປັນການແລກປ່ຽນຄຳຄິດຄຳເຫັນ,ແລກປ່ຽນປະສົບການ
ແລະ ຖອດຖອນບົດກຮຽນເຊິ່ງກັນ ແລະ ກັນພ້ອມກັນຊອກຊ່ອງທາງແກ້ໄຂບັນຫາທີ່ພົບພໍ້ໃນການເຄື່ອນໄຫວວຽກງານສະຖີຕິຢູ່ໃນບັນດາກະຊວງ,
ຂະແໜງການແຕ່ລະຂັ້ນ ເພື່ອຄົ້ນຄ້ວາສ້າງເງື່ອນໄຂ ແລະ ປະຖົມປັດ
ໃຈພື້ນຖານການຜະລິດສະຖີຕິກ້າວໄປສູ່ການຕອບສະໜອງຂໍ້ມູນສະຖີຕິທາງການໃຫ້ຄົບຖ້ວນ,
ທັນເວລາ, ແລະ ເຊື່ອຖືໄດ້ ໃນການປັບປຸງລະບົບສະຖີຕິແຫ່ງຊາດ
ໃຫ້ມີຄວາມເຂັ້ມແຂງຢ່າງຮອບດ້ານ ຕາມທິດ ແລະ ຄາດ ໝາຍບຸກທະລຸຂອງກອງປະຊຸມໃຫຍ່ຄັ້ງທີ
IX ຂອງພັກວາງອອກ ເປັນຕົ້ນແມ່ນການປັບປຸງດ້ານຈິນຕະນາການ ແລະ ພຶດຕິກຳປ່ຽນແປງໃໝ່,
ການປັບປຸງກົງຈັກການຈັດຕັ້ງ ແລະ ແຜນພັດທະນາຊັບພະຍາກອນມະນຸດຂອງລະບົບການຈັດ
ຕັ້ງທັງສາຍຕັ້ງ ແລະ ສາຍຂວາງ,ກົນໄກປະສານງານການເຮັດວຽກຮ່ວມກັນລະຫວ່າງສະຖິຕິສາຍຕັ້ງ
ແລະ ສາຍຂວາງ, ບັນຫາສິ່ງທີ່ຫຍຸ້ງຍາກປະເຊີນໜ້າໃນການເຄື່ອນໄຫວຈັດຕັ້ງປະຕິບັດວຽກງານສະຖີຕິຢູ່ແຕ່ລະຂະແໜງການ,
ແຂວງ,
ເມືອງ
ແລະ ບ້ານເພື່ອພ້ອມກັນຄົ້ນຄິດ ແລະ ຊອກຫາທາງອອກຮັບມືກັບບັນຫາດັ່ງກ່າວ.
No comments:
Post a Comment