Ad

Ad

16 February 2015

ວາງສະແດງກິດຈະກໍາຂອງສະຖານການສຶກສາພາກເອກະຊົນທົ່ວປະເທດຄັ້ງທີ 1



ງານວາງສະແດງກິດຈະກໍາຂອງສະຖານການສຶກສາພາກເອກະຊົນ ຄັ້ງທີ 1 ໃນຂອບເຂດທົ່ວປະເທດໄດ້ຈັດຂຶ້ນທີສະໜາມກິລາຮົ່ມບຶງຂະຫຍອງນະຄອນ ຫຼວງວຽງຈັນໃນວັນທີ 14 ກຸມພານີ້, ໂດຍການເຂົ້າຮ່ວມຂອງທ່ານ  ດຣ ກອງສີ ແສງມະນີ ລັດຖະມົນຕີຊ່ວຍວ່າການກະຊວງສຶກສາທິການ ແລະ ກິລາ, ທ່ານ ດຣ ສົມເພັດ ຮັຕນະສິມ ປະທານສະມາຄົມສະຖານການສຶກສາພາກເອກະຊົນ ແລະ  ຄູ-ອາຈານ ພ້ອມນັກຮຽນ-ນັກສຶກສາ ເຂົ້າຮ່ວມເປັນຈໍານວນຫຼາຍ.
          ທ່ານ ປະທານສະມາຄົມ ສະຖານການສຶກສາພາກເອກະຊົນ ໃຫ້ຮູ້ວ່າ: ການຈັດງານໃນຄັ້ງນີ້ ກໍເພື່ອຄໍານັບຮັບຕ້ອນ ສອງວັນປະຫວັດສາດທີ່ສໍາຄັນຂອງຊາດກໍຄື: ວັນສ້າງຕັ້ງພັກປະຊາຊົນປະຕິວັດລາວຄົບຮອບ 60 ປີ, ວັນສະຖາປະນາ ສປປ ລາວ ຄົບ ຮອບ 40 ປີ ແລະ ເພື່ອສ້າງຂະບວນການຄໍານັບຮັບຕ້ອນກອງປະຊຸມໃຫຍ່ຄັ້ງທີ VIII ຂອງອົງຄະນະພັກກະຊວງ
ສຶກສາທິການ ແລະ ກິລາ. ທັງ​ເປັນການເຕົ້າໂຮມຄວາມສາມັກຄີຂອງບັນດານັກຮຽນ-ນັກສຶກສາອີກດ້ວຍ. ງານວາງສະແດງດັ່ງກ່າວໄດ້ນໍາເອົາຜົນງານຕ່າງໆຂອງນັກຮຽນ-ນັກສຶກສາ  ແລະ ຄູ-ອາຈານເຂົ້າມາແລກປ່ຽນບົດຮຽນເຊິ່ງກັນ ແລະ ກັນບົນທິດໃນການແຂ່ງຂັນກັນສອນດີ, ຮຽນເກັ່ງ, ສ້າງໂຮງຮຽນໃຫ້ເປັນສີ ຂຽວ ແລະ ປອດຢາເສບຕິດ.
          ທ່ານ ໃຫ້ຮູ້ອີກວ່າ: ການສຶກສາເປັນວຽກງານໜຶ່ງທີ່ສໍາຄັນໃນການກໍ່ສ້າງຊັບພະຍາກອນມະນຸດໃຫ້ມີຄວາມ ຮູ້ຄວາມ ສາມາດພຽບພ້ອມໄປດ້ວຍຄຸນສົມບັດສຶກສາ, ປັນຍາສຶກສາ, ພາລະສຶກສາ, ສິລະປະສຶກສາ ແລະ ແຮງງານສຶກສາໂດຍຕິດ ພັນກັບລັກສະນະຊາດ, ວິທະຍາສາດທັນສະໄໝ ແລະ ລັກສະນະມະຫາຊົນ. ສະມາຄົມການສຶກສາພາກເອກະຊົນ ກໍແມ່ນ ອົງການຈັດຕັ້ງໜຶ່ງທີ່ມີໜ້າທີ່ເປັນເສນາທິການໃນການເຄື່ອນໄຫວຊ່ວຍກະຊວງສຶກສາທິການ ແລະ ກິລາກ່ຽວກັບການປະ ສານງານການສຶກສາເອກະຊົນທີ່ໄດ້ຮັບການສ້າງຕັ້ງຂຶ້ນເມື່ອເດືອນກໍລະ ກົດ 2001 ຜ່ານມາ ມີສໍານັກງານໃຫຍ່ຕັ້ງຢູ່ນະຄອນ ຫຼວງວຽງຈັນ.

No comments:

Post a Comment