ໃນຕອນຄ່ຳວັນທີ 6 ກຸມພາຜ່ານມານີ້, ທ່ານ ຫງວຽນ ແມ໋ງ
ຮຸ່ງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳລາວ ພ້ອມດ້ວຍພັນລະຍາ
ແລະ ພະນັກງານພາຍໃນສະຖານທູດ ໄດ້ຈັດງານລ້ຽງ ເພື່ອ ສະເຫລີມສະຫລອງບຸນປີໃໝ່ປະຈຳຊາດຫວຽດນາມສົ່ງທ້າຍປີເກົ່າ
2014 ແລະ ຕ້ອນຮັບປີໃໝ່ 2015, ໂດຍການເປັນກຽດ ເຂົ້າຮ່ວມຂອງທ່ານ ທອງລຸນ ສີສຸລິດ
ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ, ທ່ານ ດຣ ພັນຄຳ ວິພາວັນ
ຮອງນາຍົກລັດຖະມົນຕີ, ລັດຖະມົນຕີວ່າການກະຊວງສຶກສາທິການ ແລະ ກິລາ ທັງເປັນປະທານສະມາ
ຄົມມິດຕະພາບລາວ- ຫວຽດນາມ, ທ່ານ ດຣ ບຸນປອນ ບຸດຕະນະວົງ ຮອງນາຍົກລັດຖະມົນຕີ, ມີບັນດາການນຳພັກ-ລັດ
ແລະ ພາກສ່ວນກ່ຽວຂ້ອງ ເຂົ້າຮ່ວມເປັນຈຳນວນຫລວງຫລາຍ.
ເອກອັກຄະລັດຖະທູດ
ຫງວຽນ ແມ໋ງ ຮຸ່ງ ກ່າວວ່າ: ພວກເຮົາມີຄວາມພາກພູມໃຈເປັນຢ່າງຍິ່ງຕໍ່ບັນດາຜົນງານສຳ
ຄັນທີ່ລັດຖະບານ ແລະ ປະຊາຊົນສອງປະເທດພວກເຮົາຍາດມາໄດ້ ພາຍໃຕ້ການນຳພາຂອງສອງພັກທີ່ມີກຽດສະຫງ່າເຖິງວ່າຈະປະສົບກັບຄວາມຫຍຸ້ງຍາກ
ແລະ ສິ່ງທ້າທາຍຫລາຍປະການ ແຕ່ຫວຽດນາມ ແລະ ລາວ ຍັງສືບຕໍ່ຮັກສາຄວາມໝັ້ນຄົງດ້ານການເມືອງ-ສັງຄົມໄວ້ໄດ້,
ເພີ່ມທະວີດ້ານປ້ອງກັນຊາດ-ປ້ອງກັນຄວາມສະຫງົບ, ເສດຖະກິດມີການຂະຫຍາຍຕົວໃນລະດັບສູງ,
ສືບຕໍ່ປະຕິບັດການລຶບລ້າງຄວາມອຶດຫິວຫລຸດຜ່ອນຄວາມທຸກຍາກ, ຊີວິດການເປັນຢູ່ຂອງປະຊາຊົນໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ;
ສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານຫວຽດນາມ-ລາວ
ມີບາດກ້າວຂະຫຍາຍຕົວນັບມື້ເລິກເຊິ່ງ ແລະ ມີປະສິດທິຜົນໃນທຸກຂົງເຂດນັບແຕ່ສູນກາງລົງຮອດທ້ອງຖິ່ນອັນໄດ້ຢັ້ງຢືນວ່າ:
ນ້ຳໃຈມິດຕະພາບຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ-ລາວ
ແມ່ນແຫລ່ງພະລັງແຮງອັນໃຫຍ່ຫລວງໃຫ້ແກ່ພາລະກິດສ້າງສາ ແລະ ປົກປັກຮັກສາປະເທດຊາດຂອງປະຊາຊົນສອງຊາດຫວຽດນາມ-ລາວຢ່າງແທ້ຈິງ
ແລະ ໃນໂອກາດນີ້ຕາງໜ້າໃຫ້ແກ່ພັກ, ລັດຖະບານ ແລະ ປະຊາຊົນຫວຽດນາມ ສະແດງຄວາມຮູ້ບຸນຄຸນຢ່ງເລິກເຊິ່ງຕໍ່ພັກ,
ລັດຖະບານ ແລະ ປະຊາຊົນລາວອ້າຍນ້ອງ ທີ່ຍາມໃດກໍໃຫ້ການຊ່ວຍເຫລືອອັນໃຫຍ່ຫລວງແກ່ຫວຽດນາມ
ພ້ອມທັງສະແດງຄວາມຂອບອົກຂອບໃຈມາຍັງການນຳພັກ, ສະພາແຫ່ງຊາດ, ລັດຖະບານ,
ແນວລາວສ້າງຊາດ, ອົງການຈັດຕັ້ງມະຫາຊົນ, ບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆຂອງລາວທີ່ໄດ້ມີການຊີ້ນຳ,
ຊ່ວຍເຫລືອ ແລະ ປະສານງານກັບສະຖານທູດ ແລະ ບັນດາອົງການຜູ້ຕາງໜ້າຫວຽດນາມປະຈຳລາວ
ໃນປີຜ່ານມາ ແລະ ເຊື່ອໝັ້ນວ່າຈະສືບຕໍ່ໄດ້ຮັບການສະໜັບສະໜູນ ແລະ ຊ່ວຍເຫລືອໃນຂັ້ນຕໍ່ໄປ.
No comments:
Post a Comment