ຕາມເປົ້າໝາຍບວກໃສ່ຜົນຜະລິດຂອງປະຊາຊົນມີຈຳນວນຫລາຍບໍລິສັດຈຶ່ງບໍ່ໄດ້ຕໍ່ສັນຍາເກັບຊື້ກັບປະຊາຊົນຕື່ມອີກເຊິ່ງ ທາງບໍລິສັດຈະມີແຜນແກ້ໄຂໃນຕໍ່ໜ້າ. ໂອກາດນີ້, ທ່ານຮອງນາຍົກ ສົມສະຫວາດ ເລັ່ງສະຫວັດ ກໍໄດ້ສະແດງຄວາມຍ້ອງຍໍຊົມເຊີຍຕໍ່ກັບບໍລິສັດທີ່ໄດ້ປະກອບສ່ວນເຂົ້າໃນການສ້າງວຽກເຮັດງານທຳ ແລະ ສ້າງລາຍຮັບໃຫ້ປະຊາຊົນ ທັງປະກອບສ່ວນພັດທະນາເສດຖະກິດທ້ອງຖິ່ນໄດ້ດີສົມຄວນ, ແຕ່ທ່ານຮອງນາຍົກໄດ້ເນັ້ນໃຫ້ປະທານບໍລິສັດເລັ່ງແກ້ໄຂບັນຫາສິ່ງແວດລ້ວມ ໂດຍສະເພາະແມ່ນບັນຫາກິ່ນເໝັນຈາກການກຳຈັດສິ່ງເສດເຫລືອເປັນຕົ້ນແມ່ນເສດເປືອກຂອງມັນຕົ້ນ ແລະ ການບຳບັດນ້ຳເສຍທີ່ໄດ້ສົ່ງຜົນກະທົບຕໍ່ປະຊາຊົນທີ່ອາໄສຢູ່ອ້ອມຂ້າງ, ພ້ອມທັງຢ້ຳຄືນອີກວ່າກ່ຽວກັບການບຳບັດນ້ຳເສຍຂັ້ນສຸດທ້າຍກ່ອນປ່ອຍສູ່ແຫລ່ງນ້ຳທຳມະຊາດໃຫ້ໄດ້ມາດຕະຖານ ຊຶ່ງຫາກບໍລິສັດບໍ່ຮີບຮ້ອນດຳເນີນການແກ້ໄຂລັດຖະບານຈະມີການພິຈາລະນາຄືນໃໝ່ກ້າວໄປເຖິງການສັ່ງຢຸດກິດຈະການ. ຈາກນັ້ນ, ຮອງນາຍົກລັດຖະມົນຕີ, ພ້ອມຄະນະກໍໄດ້ຢ້ຽມຊົມໂຄງການກໍ່ສ້າງຂົວຂ້າມນ້ຳຂອງບ້ານນາສັກ-ບ້ານກົກເຂົ້າດໍ. ເຊິ່ງໄດ້ຮັບຟັງການລາຍງານຈາກທ່ານ ບົວວຽງ ຈຳປາພັນ ຫົວໜ້າໂຄງການກໍ່ສ້າງໃຫ້ຮູ້ວ່າ: ໂຄງການດັ່ງກ່າວແມ່ນໄດ້ເລີ່ມລົງມືກໍ່ສ້າງໃນທ້າຍປີ 2012, ມາຮອດປັດຈຸບັນ, ໄດ້ສຳເລັດການກໍ່ສ້າງແລ້ວປະມານ 70% ສ່ວນໜ້າວຽກທີ່ຍັງເຫລືອມີຄື: ເທເສົາຈຳນວນ 2 ຕົ້ນ ແລະ ເຊື່ອມຕໍ່ຂາງຂົວຄວາມຍາວທັງໝົດແມ່ນ 365 ແມັດ, ກວ້າງ11,40 ແມັດ, ລວມມູນຄ່າຂອງການກໍ່ສ້າງທັງໝົດ190 ຕື້ກີບ. ຄາດວ່າຈະໃຫ້ສຳເລັດໃນເດືອນມິຖຸນາທີ່ຈະມາເຖິງນີ້, ໂດຍໂຄງການຕັ້ງຢູ່ລະຫວ່າງບ້ານນາສັກ, ເມືອງປາກລາຍ, ແຂວງໄຊຍະບູລີ ຫາບ້ານກົກເຂົ້າດໍ ເມືອງຊະນະຄາມ ແຂວງວຽງຈັນ ໃນໂອກາດນີ້ ທ່ານຮອງນາ ຍົກລັດຖະມົນຕີໄດ້ສະແດງຄວາມຊົມເຊີຍຕໍ່ໂຄງການທີ່ເຫັນວ່າການດຳເນີນໂຄງການມີຄວາມຄືບໜ້າດີ, ທັງເປັນຂົວຂ້າມນ້ຳຂອງແຫ່ງທຳອິດໃນລາວທີ່ແມ່ນບໍລິສັດຂອງຄົນລາວ, ວິສະວະກອນລາວເປັນຜູ້ສ້າງ, ຖ້າຂົວແຫ່ງດັ່ງກ່າວສຳເລັດຈະເປັນຕົວແບບໃຫ້ແກ່ໂຄງການຕ່າງໆລວມທັງນັກວິສະວະກອນຂອງລາວນຳດ້ວຍ.
No comments:
Post a Comment