ໃນໄລຍະຜ່ານມານີ້, ເຖິງວ່ານະຄອນຫລວງວຽງຈັນຂອງພວກເຮົາໄດ້ຮັບການ ພັດທະນາສ້າງສາດີ ຂຶ້ນຫລາຍອັນ
ນັບທັງ ພື້ນຖານໂຄງລ່າງຖະໜົນຫົນທາງ, ຕຶກອາຄານ ແລະ ສິ່ງສາທາລະນະຕ່າງໆໄດ້ຮັບການປົວແປງ
ແລະ ງົດງາມ ແຂກ ໄປໄທມາໃຜໆກໍຍົກຍ້ອງ, ແຕ່ມາຮອດປັດຈຸບັນບໍ່ຮູ້ວ່າດ້ວຍເຫດຜົນໃດ ແລະ ຈະໄປເອົາໂທດໃຜມີຫລາຍອັນ
ໄດ້ເລີ່ມຫລຸດຖອຍໂດຍສະເພາະສະຖານທີ່ສາ ທາລະນະຕ່າງໆຊຸດໂຊມລົງ ເບິ່ງຄືວ່າບໍ່ມີໃຜບົວລະບັດຮັກສາໂດຍສະ
ເພາະລະບົບນ້ຳພຸໃນເຂດສາທາລະນະອະນຸສາວະລີທີ່ເປັນຂອງຂວັນຈາກລັດຖະບານຈີນ ມອບໃຫ້ເມື່ອໄລຍະລາວເປັນ
ເຈົ້າພາບຈັດງານມະຫະກຳຊີເກມຄັ້ງທີ 19 ປີ 2009 ແລະ ໄລ ຍະນະຄອນຫລວງສະຫລອງວັນ ຄອບຮົບ
450 ປີ. ຄາວນັ້ນທຸກ ຢ່າງຢູ່ໃນຄວາມສວຍງາມ ແລງໆມາຜູ້ຄົນນັບສາລະທິດໄດ້ພາກັນເຂົ້າມາຄອຍເບິ່ງນ້ຳພຸ
ເຕັ້ນອາລະບິດ ຕາມສຽງດົນຕີ ແລະ ໄຟແສງສີດ້ວຍຄວາມງົດງາມ, ວັນເວລາຜ່ານໄປຄວາມງາມດັ່ງກ່າວຫໍຫ່າງຫາຍໄປນຳໂດຍບໍ່ມີໃຜ
ຈະມາບົວລະບັດຮັກສາ ແລະ ປົວແປງໃຫ້ຄືສະພາບເດີມ, ວັດຖຸ-ເງິນຄຳທີ່ນຳໃຊ້ເຂົ້າໃນການກໍ່ສ້າງເປັນຈຳນວນຫລວງ
ຫລາຍກໍກັບມາສູນ, ຫາງສຽງຈົ່ມວ່າຂອງສັງຄົມນັບມື້ແຜ່ຫລາຍ ແລະ ບໍ່ຮູ້ວ່າຮອດເວລາໃດນ້ຳພຸນັ້ນຈຶ່ງຈະໄດ້ຮັບການ
ປົວແປງຊ່ວຍໃຫ້ນະຄອນຫຼວງວຽງຈັນມີຄວາມງົດງາມຍິ່ງຂຶ້ນ. ອັນທີສອງແມ່ນສວນສາທາລະນະເຈົ້າອານຸວົງເຊິ່ງສ້າງ
ຂຶ້ນພໍດີກັບວັນສະເຫລີມສະຫລອງນະຄອນຫລວງວຽງຈັນ 450 ປີ, ທຸກຢ່າງໃຫ້ຄວາມສັກສິດເຄົາລົບບູຊາ
ແລະ ເປັນ ຕາຍົກຍ້ອງອັນໄດ້ສ້າງໃຫ້ເຂດແຄມຂອງຮົກເຮື້ອແຫ່ງນີ້ກາຍເປັນສະຖານທີ່ພັກຜ່ອນຢ່ອນອາລົມ,
ບ່ອນຫັດແອບກຳ ລັງກາຍຂອງຜູ້ຮັກຫອມສຸຂະພາບຂອງຕົນ, ແຕ່ມາຮອດປັດຈຸບັນເລີ່ມມີສະພາບເປິະເປື້ອນຊຸດໂຊມ
ໂດຍບໍ່ມີໃຜຈະໄປ ສົນໃຈໃນການບົວລະບັດຮັກສາ, ຕົ້ນຫຍ້າຫ່ຽວແຫ້ງ, ຂີ້ເຫຍື້ອຖິ້ມໄປທົ່ວບໍລິເວນຢ່າງຂາດຄວາມຮັບຜິດຊອບ
ແລະ ສະພາບແນວນີ້ຈະໄປເອົາໂທດໃຜໃນເມື່ອໜ່ວຍງານ ຫລື ອົງການບໍລິຫານ ແລະ ພັດທະນາຕົວເມືອງເພິ່ນກໍໄດ້ກໍຕັ້ງ
ຂຶ້ນ ແລ້ວ, ໜ່ວຍງານອະນາໄມ ແລະ ເກັບມ້ຽນຂີ້ເຫຍື້ອກໍມີ, ແຕ່ເປັນຫຍັງຈຶ່ງປະປ່ອຍໃຫ້ເກີດມີສະພາບແນວນີ້.
ພ້ອມນັ້ນ ກໍຍັງມີອີກສະຖານທີ່ສາທາລະນະ ຫລາຍແຫ່ງຍັງຖືກປະປ່ອຍໄປແລ້ວຈະເຮັດແນວໃດໃຫ້ການຈັດຕັ້ງປະ
ຕິບັດຄຳຂວັນ 6ສ ຂອງ ນະຄອນຫລວງວຽງຈັນປະສົບຜົນສຳເລັດ.
No comments:
Post a Comment