ເປີດບໍລິສັດໂຕໂຢຕາໂບໂຊກຸລາວ
ຈຳກັດຂຶ້ນຢ່າງເປັນທາງການໃນຕອນເຊົ້າຂອງວັນທີ 10 ກຸມພາ2015, ຢູ່ເຂດເສດຖະກິດພິເສດສະຫວັນເຊໂນ
ເມືອງໄກສອນພົມວິຫານ. ໂດຍການໃຫ້ກຽດເຂົ້າຮ່ວມຂອງທ່ານ ສົມສະຫວາດ ເລັ່ງສະ ຫວັດ
ຮອງນາຍົກລັດຖະມົນຕີ ຜູ້ຊີ້ນຳວຽກງານເສດຖະກິດການຜະລິດ ແລະ ຈໍລະຈອນ, ປະທານຄະນະກຳມະການແຫ່ງຊາດເພື່ອຄຸ້ມຄອງເຂດເສດຖະກິດພິເສດສະເພາະ
ມີບັນດາລັດຖະມົນຕີວ່າການ-ຊ່ວຍວ່າການ, ເຈົ້າແຂວງສະຫວັນນະເຂດ, ປະທານບໍລິ ສັດໂຕໂຍຕາ
ໂບໂຊກຸ ຍີ່ປຸ່ນ, ປະທານບໍລິສັດ ໂຕໂຢຕາ ໂບໂຊກຸ ລາວ ຈຳກັດ, ເອກອັກຄະລາດຊະທູດຍີ່ປຸ່ນ
ປະຈຳລາວ ພ້ອມດ້ວຍແຂກເຂົ້າຮ່ວມຫຼາຍກ່ວາ 400 ຄົນ. ການເປີດພິທີດັ່ງກ່າວກໍເປັນອີກກິດຈະກຳໜຶ່ງເພື່ອສະເຫຼີມສະ
ຫຼອງວັນສ້າງຕັ້ງສາຍພົວພັນການທູດລາວ-ຍີ່ປຸ່ນຄົບຮອບ 60 ປີ.
ບໍລິສັດໂຕໂຢຕາໂບໂຊກຸລາວ
ແມ່ນບໍລິສັດໜຶ່ງທີ່ຂຶ້ນກັບໂຕໂຢຕາ ໂບໂຊກຸ ເຊຍ ເຊິ່ງຜະລິດຜ້າຫຸ້ມເບາະລົດຍີ່ຫໍ້ໂຕໂຢຕາໃຫ້ກັບບໍລິສັດໃນເຄືອຂ່າຍໂຕໂຢຕາໂບໂຊກຸ
ທີ່ຕັ້ງຢູ່ປະເທດໄທໂດຍນຳໃຊ້ເຕັກໂນໂລຊີທີທັນສະໄໝເຂົ້າໃນການຫຍິບຜ້າຫຸ້ມເບາະລົດດັ່ງກ່າວ
ເພື່ອຕອບສະໜອງຄວາມຕ້ອງການຂອງລູກຄ້າໄດ້ພຽງພໍ. ໂຮງຮຽນແຫ່ງນີ້ໄດ້ສ້າງຂຶ້ນທີ່ແຂວງສະ
ຫວັນນະເຂດໃນເດືອນເມສາ 2013 ໃນນີ້ ບໍລິສັດໂຕໂຢຕາທູໂຊເອເຊຍປາຊີຟິກ ຈຳກັດ
ຮ່ວມຫຸ້ນ ແລະ ບໍລິສັດ ໂບໂຊກຸ ອໍໂຕ້ໂມທິບ (ປະເທດໄທ) ຮ່ວມຫຸ້ນ 10%, ມີທຶນຈົດທະບຽນ
5,6 ລ້ານໂດລາສະຫະລັດ ແລະ ສາມາດຮອງຮັບພະນັກງານໄດ້ ຈຳນວນ 350 ຄົນ. ການເປີດບໍລິສັດດັ່ງກ່າວເປັນການປະກອບສ່ວນສຳຄັນເຂົ້າໃນການສ້າງວຽກເຮັດງານທຳ
ແລະ ສ້າງຊັບພະຍາກອນມະນຸດຂອງລາວ ແລະ ທັງເປັນການປະກອບສ່ວນສຳຄັນເຂົ້າໃນການສ້າງສາພັດທະນາເສດຖະກິດ-ສັງຄົມຂອງລາວອີກດ້ວຍ.
No comments:
Post a Comment