ນັກທຸລະກິດແຫ່ເຂົ້າລົງທຶນໃນເຂດເສດຖະກິດພິເສດສະຫວັນ-ເຊໂນຢ່າງຟົດຟື້ນ

ປັດຈຸບັນເຂດເສດຖະກິດພິເສດສະຫວັນ-ເຊໂນ, ພວມເປັນເຂດທີ່ ມີການລົງທຶນດ້ວຍບັນຍາກາດຄືກຄື້ນທີ່ສຸດຢູ່ໃນລາວ, ພາຍຫລັງມີນັກລົງທຶນ ແລະ ບັນດາບໍລິສັດຊື່ດັ່ງເຂົ້າໄປລົງທຶນສ້າງຕັ້ງໂຮງຈັກໂຮງງານຜະລິດສີນຄ້າ ຕ່າງໆເປັນຈຳ ນວນຫລາຍ.

     ທ່ານຫົວໜ້າເຂດເສດຖະກິດສະຫວັນ-ເຊໂນ ບົວຄຳ ສີສຸລາດ ກ່າວວ່າ: ປັດຈຸບັນການພັດທະນາຢູ່ໃນເຂດເສດຖະ ກິດແຫ່ງນີ້ພວມມີບັນຍາກາດດີ, ໃນນັ້ນ ຈຸດເອ(A) ໄດ້ສຳເລັດການກໍ່ສ້າງສຳນັກງານຫ້ອງການຄຸ້ມຄອງເຂດ ແລະ ມີບໍ ລິສັດສະຫວັນໂລບໍລິການທ່ອງທ່ຽວ ພວມດຳເ ນີນການກໍ່ສ້າງອາຄານ 3 ຫລັງໃນພື້ນທີ່ 2 ເຮັກຕາ, ຈຸດບີ(B) ໄດ້ສ ຳເລັດການສ້າງເສັ້ນທາງດີນແດງຍາວ 650 ແມັດ, ດຶງຕາ ຂ່າຍໄຟຟ້າ, ນ້ຳປະປາ ແລະ ສ້າງຫ້ອງການບໍລິການປະຕູດຽວ ແລະ ມີບໍລິສັດ ນິກອນ ລາວ ( NIKON LAO) ຈາກປະ ເທດຍີ່ປຸ່ນລົງທຶນສ້າງໂຮງງານຜະລິດກ້ອງຖ່າຍຮູບນິກອນ, ເຊິ່ງໄດ້ເລີ່ມດຳເນີນການຜະລິດແຕ່ທ້າຍປີ 2013, ມີບໍລິສັດ ໂກໂຍ (KOYO) ສ້າງໂຮງງານຜະລິດຊິ້ນສ່ວນກ້ອງຖ່າຍ ຮູບສະໜອງໃຫ້ບໍລິສັດ ນິກອນລາວ, ສຳລັບຈຸດຊີ (C) ແມ່ນ

ມີການລົງທຶນສ້າງໂຮງງານ ແລະ ບໍລິສັດຫລາຍກວ່າ 10 ແຫ່ງ, ໃນນັ້ນມີບໍລິສັດ ໂຕໂຍຕາ ບູໂຊກຸ ຂອງຍີ່ປຸ່ນ ຜະລິດສີ້ນ ສ່ວນອາໄຫລ່ລົດໂຕໂຍຕາ ແລະ ບໍລິສັດ ເອສຊີລໍ, ເຊິ່ງເປັນບໍລິສັດຜະລິດແວ່ນຕາທີ່ມີຊື່ສຽງຈາກປະເທດຝຣັ່ງ, ສ່ວນຈຸດດີ (D) ມີບໍລິສັດສະຫວັນບໍລິການຫ້ອງພັກຈຳກັດ ແລະ ບໍລິສັດ ປາຊີຟິກ ສະຕຣີມ ດີວີລົບເມັນກໍພວມລົງທຶນດຳເນີນການ ກໍ່ສ້າງອາຄານຫໍພັກຮອງຮັບບັນດາພະນັກງານ ແລະ ກຳມະກອນ ທີ່ເຂົ້າມາເຮັດວຽກໃນເຂດເສດຖະກິດດັ່ງກ່າວ ຈຳນວນຫລາຍຫລັງ ແລະ ມີບໍລິສັດ ອາເດີລັງຈາກປະ ເທດຍີ່ປຸ່ນກໍພວມສ້າງສູນຫັດຖະກຳຖັກພົມທຽມ, ເຊິ່ງໄດ້ສ້າງວຽກເຮັດງານທຳໃຫ້ປະຊາຊົນທ້ອງຖິ່ນເປັນຈຳນວນ ຫລາຍ ແລະ ປະກອບສ່ວນອັນສຳຄັນເຂົ້າໃນ ການພັດທະນາເສດຖະກິດ-ສັງຄົມ ແລະ ສາມາດແກ້ໄຂຄວາມທຸກຍາກ ຂອງປະຊາຊົນລົງເທື່ອລະກ້າວ.

     ທ່ານຫົວໜ້າເຂດເສດຖະກິດແຫ່ງນີ້ ໃຫ້ຮູ້ວ່າ: ສຳລັບການຊົດເຊີຍ ແລະ ຍົກຍ້າຍປະຊາຊົນອອກຈາກພື້ນທີ່ພັດທະ ນາເຂດນັ້ນ, ແມ່ນສາມາດຍົກຍ້າຍປະຊາຊົນອອກຈາກພື້ນທີ່ແລ້ວ 76 ຄອບຄົວ, ເທົ່າກັບ 74%, ຂອງຈຳນວນປະ ຊາຊົນທີ່ອາໄສຢູ່ເຂດດັ່ງກ່າວ, ເຊິ່ງການແກ້ໄຂແມ່ນປະຕິບັດຕາມແນວທາງນະໂຍບາຍ ແລະ ລະບຽບກົດໝາຍຂອງລັດ ຢ່າງສົມເຫດສົມຜົນ.