ຕຳຫລວດສາກົນລາວເພີ່ມທະວີຕ້ານອາຊະຍາກຳຂ້າມຊາດ

ພາບປະກອບ

    ກົມຕຳຫລວດສາກົນ, ກະຊວງປ້ອງກັນຄວາມສະຫງົບ,ຈະເພີ່ມທະວີວຽກງານ ຕ້ານອາດຊະຍາກຳຂ້າມຊາດ ໃຫ້ແຂງ ແຮງກວ່າເກົ່າ, ພາຍຫລັງເຫັນວ່າບັນຫາດັ່ງ ກ່າວມີລັກສະນະເພີ່ມຂຶ້ນເຊັ່ນ: ການສໍ້ໂກງຊັບ, ປອມແປງເອກກະສານ, ຄ້າມະ ນຸດ, ການຟອກເງິນ, ຢາເສບຕິດ, ສໍ້ໂກງທາງອິນເຕີເນັດ ແລະ ຄ້າຂາຍເຖື່ອນ ຕ່າງໆ, ເຊິ່ງສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍປອດໄພ ນັບທັງ ພາຍໃນ ແລະ ພາກພື້ນຫລາຍຂຶ້ນ.

     ທ່ານພັນໂທ ວິໄລວັນ ບຸດດາຄຳ ຫົວໜ້າກົມຕຳຫລວດສາກົນ ກ່າວໃນກອງປະຊຸມສະຫລຸບວຽກງານປະຈຳປີຜ່ານ ມາເມື່ອບໍ່ດົນນີ້ ວ່າ: ປີ 2014 ມີຄະດີອາດຊະຍາກຳຂ້າມຊາດເກີດຂຶ້ນທັງໝົດ 35 ກໍລະນີ, ສາມາດແກ້ໄຂໄດ້ 15 ກໍລະ ນີ, ໄດ້ແຈ້ງຕຳຫລວດສາກົນປະເທດຕ່າງໆ 20 ກໍລະນີ, ແນວໃດກໍຕາມໃນອີກບໍ່ເທົ່າໃດເດືອນຂ້າງໜ້ານີ້ປະເທດເຮົາ

ກໍຈະກ້າວເຂົ້າເປັນປະຊາຄົມອາຊຽນ ກໍຍິ່ງຈະເຮັດໃຫ້ມີການເຊື່ອມໂຍງກັບນາໆປະເທດຫລາຍຂຶ້ນ ແລະ ຍິ່ງຈະເຮັດໃຫ້ ກຸ່ມຄົນບໍ່ດີທີ່ເຄື່ອນໄຫວກໍ່ອາດສະຍາກຳຂ້າມຊາດຫລາຍຂຶ້ນໂດຍສະເພາະແມ່ນບັນຫາການຟອກເງິນ, ການໂຈນລະ ກຳທາງດ້ານໄອທີ-​ເອເລັກໂຕຣນິກ, ຢາເສບຕິດ, ຄ້າຂາຍເຖື່ອນ ແລະ ການຄ້າມະນຸດເຫລົ່ານີ້ເປັນຕົ້ນ, ສະນັ້ນ, ໜ່ວຍ ງານຕຳຫລວດກ່ຽວຂ້ອງຈະຕ້ອງໄດ້ເພີ່ມທະວີສະກັດກັ້ນ ແລະ ຕ້ານຕໍ່ຂະບວນການອັນບໍ່ດີດັ່ງກ່າວຢ່າງທັນການໂດຍ ສະເພາະຍົກສູງການຮ່ວມມືກັບບັນດາກົມກອງວິຊາສະເພາະ ເປັນຕົ້ນ:ຕຳຫລວດສືບຂ່າວ, ສືບສວນ-ສອບສວນ, ກວດຄົນເຂົ້າ-ອອກເມືອງ, ຕ້ານການຄ້າມະນຸດ, ເສດຖະກິດ ແລະ ຕຳຫລວດສາກົນ ແລະ ອາຊຽນ, ນອກຈາກນີ້, ຕ້ອງນຳໃຊ້ເຄື່ອງມືສະໜອງຂໍ້ມູນຂ່າວສານທີ່ທັນສະໄໝ ເພື່ອສາມາດຕ້ານກັບການກໍ່ອາດສະຍາກຳທາງຄອມພິວເຕີໃຫ້ມີ

ປະສິດພາບດີຂຶ້ນ.

    ຂ່າວໃຫ້ຮູ້ຕື່ມວ່າ: ເມື່ອບໍ່ດົນມານີ້, ສຳນັກງານກວດຄົນເຂົ້າເມືອງ ແລະ ກອງບັງຄັບການກວດຄົນເຂົ້າເມືອງ 4 ແຫ່ງ ຣາຊະອານາຈັກໄທ ກໍໄດ້ເລັ່ງໃຫ້ເຂັ້ມງວດ ແລະ ຄັດກອງບຸກຄົນຕ່າງຊາດກຸ່ມສ່ຽງທີ່ອາດຕົກເປັນເຫຍື່ອຂອງຂະບວນ ການຄ້າມະນຸດທີ່ບໍລິເວນຂາເຂົ້າຂົວມິດຕະພາບ 2 (ສະຫວັນນະເຂດ-ມຸກດາຫານ) ເຊິ່ງຖ້າກວດພົບກຸ່ມສ່ຽງເຈົ້າໜ້າ ທີ່ກວດຄົນເຂົ້າເມືອງຈະດຳເນີນການປະຕິເສດການເຂົ້າເມືອງ ແລະ ຈັດສົ່ງບຸກຄົນດັ່ງກ່າວກັບປະເທດຕົ້ນທາງທັນທີ.