ເຈົ້າໜ້າທີ່ພວມເລັ່ງສືບສວນເຫດກະໜ່ຳຍິງລົດຢູ່ໜ້າຮ້ານອາຫານອິນແປງ

    ພາຍຫລັງ, ເກີດເຫດການມີຄົນຮ້າຍໃຊ້ປືນກະໜ່ຳຍິງໃສ່ລົດເກັງ ຍີ່ຫໍ້ບີເອັມ ດັບເບິນຢູ (BMW) ສີດຳ ຢ່າງອຸກອາດ ຢູ່ຕໍ່ໜ້າຮ້ານອາຫານອິນແປງ  ເມືອງສີ ສັດຕະນາກ ນະຄອນຫລວງວຽງຈັນ ເມື່ອເວລາ 18:40 ໂມງຂອງຄືນວັນທີ 20 ກຸມພາຜ່ານມາ, ໄດ້ກາຍເປັນຂ່າວທີ່ສະເທືອນຂວັນຮືຮາໃນສື່ອອນລາຍ ແລະ ສ້າງຄວາມສົນໃຈໃຫ້ສັງຄົມຫລາຍສົມ ຄວນ, ເນື່ອງຈາກວ່າຜູ້ທີ່ເປັນເປົ້າໝາຍ ຂອງມືປືນຢູ່ໃນລົດຄັນດັ່ງກ່າວແມ່ນນັກ ທຸລະກິດໜຸ່ມຊື່ດັງຜູ້ໜຶ່ງໃນລາວ.

    ເຈົ້າໜ້າທີ່ ປກສ ເມືອງສີສັດຕະນາກ ໃຫ້ຮູ້ວ່າ: ໃນມື້ເກີດເຫດ, ໄດ້ມີຄົນ ຮ້າຍຈຳນວນ 4 ຄົນຂີ່ລົດຈັກສອງຄັນ ມາລັດກະໜ່ຳຍິງໃສ່ລົດເກັງຄັນດັ່ງກ່າວຈຳນວນຫລາຍນັດ ແລະ ໄດ້ຂີ່ລົດຈັກຕິດ ຕາມເພື່ອຈະຍິງຊ້ຳ, ແຕ່ຄົນຂັບລົດສາ ມາດປະຄອງຂັບລົດໜີໄປໄດ້ ແລະ ຈາກການລົງກວດຈຸດເກີດເຫດພົບສອບ ລູກປືນເຮ່ຍ 19 ສອບ ແລະ ລົດມີຮອຍຖືກ ຍິງ 7 ຈຸດ, ເຮັດໃຫ້ຜູ້ຂັບລົດຖືກຍິງເຂົ້າບ່າຂວາໜຶ່ງນັດ, ສ່ວນນັກທຸລະກິດໜຸ່ມ ຄົນນັ້ນທີ່ນັ່ງຢູ່ເບາະດ້ານຫລັງແມ່ນ ປອດໄພ. ປັດຈຸບັນເຈົ້າໜ້າທີ່ກ່ຽວຂ້ອງພວມເລັ່ງສືບສວນ-ສອບສວນຫາສາເຫດຍິງກັນຄັ້ງນີ້, ເພື່ອຈັບຕົວຄົນຮ້າຍມາ ດຳເນີນຄະດີຕາມ ລະບຽບກົດໝາຍໃຫ້ໄດ້ໂດຍໄວ.