ຈັດງານແຂ່ງຂັນຮ້ອງເພງສ້າງຄວາມສາມັກຄີ ລາວ-ຈີນ

     ເພື່ອເປັນການສ້າງຄວາມຮັກແພງ, ເພີ່ມທະວີມິດຕະພາບ, ຊຸກຍູ້ຄວາມເຂົ້າໃຈ  ແລະ ການແລກ ປ່ຽນວັດທະນະທ ຳລະຫວ່າງປະຊາຊົນທັງສອງຊາດລາວ-ຈີນ, ໃຫ້ຮັກແພງກັນຫລາຍຂຶ້ນໃນວັນທີ 7 ກຸມພາຜ່ານມາ, ວິທະຍຸສາກົນແຫ່ງ ປະເທດ ຈີນປະຈຳລາວ, ໄດ້ຈັດງານແຂ່ງຂັນຮ້ອງເພງຈີນ, ຂຶ້ນຢູ່ຫໍວັດທະນະທຳແຫ່ງຊາດ, ນະຄອນຫລວງວຽງຈັນ ມີບັນ ດາສິລະປິນ, ຜູ້ເຂົ້າຮ່ວມຊົມເປັນຈຳນວນຫລາຍ.

     ການແຂ່ງຂັນໃນຄັ້ງນີ້ ແມ່ນຮອບສຸດທ້າຍ, ເນື່ອງຈາກວ່າການແຂ່ງຂັນ ຮອບທຳທິດ ໄດ້ຈັດຂຶ້ນໃນວັນທີ 17-18 ມັງ ກອນ 2015 ທີ່ຜ່ານມາ,  ເຊິ່ງໄດ້ຄັດເລືອກເອົານັກຮ້ອງດີເດັ່ນ 40 ຄົນ, ເພື່ອເຂົ້າຮອບທີ 2, ສ່ວນການແຂ່ງຂັນຮອບ ທີ ສອງກໍໄດ້ຈັດຂຶ້ນໃນວັນທີ 31 ມັງກອນຜ່ານມານີ້, ໄດ້ຄັດເລືອກເອົານັກຮ້ອງສຽງດີ ເພື່ອເຂົ້າຮອບຊີງຊະນະເລີດ, ໂດຍ ແບ່ງອອກເປັນ 2 ປະເພດຄື: ຄົນຈີນຮ້ອງເພງຈີນ ແລະ ຄົນລາວຮ້ອງເພງຈີນ, ຊຶ່ງໃນຄ່ຳຄືນຂອງວັນທີ 7 ກຸມພາຜ່ານມາ,

ທາງຄະນະກຳມະການໄດ້ຄັດເລືອກເອົານັກຮ້ອງທີ່ສຽງດີຈຳນວນ 6 ຄົນ, ໃນນັ້ນ ມີປະເພດຄົນລາວຮ້ອງເພັງຈີນ ລາງ ວັນທີ 1 ໄດ້ ແກ່ນາງ ຊີ ຢາທໍ່ຕູ້ A5 ໄດ້ຮັບເງິນລາງວັນຈຳນວນ 8 ລ້ານກີບ ພ້ອມຂັນລາງວັນ, ລາງວັນທີ 2 ໄດ້ແກ່ ທ້າວ ໂພໄຊທອງ ເຕໂຊ A6 ໄດ້ຮັບເງິນ 5 ລ້ານກີບ ແລະ ລາງວັນທີ 3 ໄດ້ແກ່ ທ້າວ ເທບກຽງໄກ ສອນສັກສິດ A2 ໄດ້ຮັບເງິນ 3 ລ້ານກີບ. ສ່ວນປະເພດຄົນຈີນຮ້ອງເພງຈີນ ລາງວັນທີ 1 ໄດ້ແກ່ທ້າວ ໂຈ່ປິ່ນ B7 ໄດ້ຮັບເງິນລາງວັນ ຈຳນວນ 8 ລ້ານກີບ ພ້ອມຂັນລາງວັນ, ລາງວັນທີ 2 ໄດ້ແກ່ທ້າວ ຫວາງຈື້ເຊີນ B6 ໄດ້ຮັບເງິນ 5 ລ້ານກີບ ແລະ ລາງ ວັນທີ 3 ໄດ້ແກ່ທ້າວ ຊິນຈີ້ຫລີນ B5 ໄດ້ຮັບເງິນ 3 ລ້ານກີບ. ພ້ອມກັນນີ້ ຜູ້ຊົມທີ່ເຂົ້າໄປຮ່ວມງານຍັງໄດ້ຮັບຂອງລາງ ວັນກັບບ້ານນຳອີກ. ເຂົ້າຮ່ວມຮັບຊົມການແຂ່ງຂັນຄັ້ງນີ້ ມີທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງ ວຽງຈັນ, ທ່ານ ກົວຮວາ ປິງ ເອກອັກຄະລັດຖະທູດ ສປ ຈີນ ປະຈຳລາວ.