ເມືອງສີສັດຕະນາກ ມອບເຄື່ອງຊ່ວຍເຫລືອຄອບຄົວຜູ້ເຄາະ ຮ້າຍຈາກໄຟໃໝ້ ຢູ່ບ້ານດົງປ່າລານທົ່ງ

     ພາຍຫລັງເກີດເຫດໄຟໄໝ້ຢ່າງຮ້າຍແຮງໃນຄ່ຳຄືນຂອງວັນທີ 2 ກຸມພາຜ່ານ ມາ, ຢູ່ໃນບ້ານດົງປ່າລານທົ່ງ, ເມືອງສີ ສັດຕະນາກ ນະຄອນຫລວງວຽງຈັນ ໄດ້ກາຍເປັນເທົາຖ່ານໃນບໍ່ເທົ່າໃດຊົ່ວໂມງ, ເຊິ່ງມັນໄດ້ສ້າງຄວາມເສຍຫາຍເປັນ ຈຳນວນຫລວງຫລາຍໃຫ້ແກ່ 30 ຄອບຄົວ.

     ໃນວັນທີ 6 ກຸມພາຜ່ານມາ, ທ່ານເຈົ້າເມືອງສີສັດຕະນາກ ໂພຄຳ ໄຊຍະສອນ ພ້ອມດ້ວຍຄະນະ ໄດ້ລົງໄປໃຫ້ຄວາມ ອົບອຸ່ນ ແລະ ມອບເຄື່ອງຊ່ວຍເຫລືອພ້ອມ ເງິນຈຳນວນໜຶ່ງແກ່ຄອບຄົວຜູ້ຖືກເຄາະ ຮ້າຍຈາກໄຟໃໝ້ດັ່ງກ່າວ, ໃນໂອກາດ ດັ່ງກ່າວທາງປົກຄອງບ້ານດົງປ່າລານ ທົ່ງກໍຄືນາຍບ້ານໄດ້ລວບ ລວມເອົາເຄື່ອງນຸ່ງຂອງຖື, ເຄື່ອງໃຊ້ສວຍປະຈຳວັນ ແລະ ອື່ນໆ ທີ່ຜູ້ມີຈິດໃຈສັດທານຳມາ ຊ່ວຍເຫລືອນັ້ນ ໄດ້ນຳໄປມອບຕໍ່ໃຫ້ທັງ 30 ຄອບຄົວ ເພື່ອນຳໄປບັນເທົາທຸກຊົ່ວ ຄາວ, ສ່ວນທີ່ຢູ່ອາໃສຂອງຄອບຄົວ ຜູ້ເຄາະຮ້າຍນັ້ນທ່ານເຈົ້າເມືອງໄດ້ມອບໃຫ້ທາງປົກຄອງບ້ານເກັບກຳລາຍຊື່ເພື່ອຈະນຳມາຄົ້ນຄວ້າຫາທີ່ຢູ່ຊົ່ວ ຄາວໃຫ້ແກ່ເຂົາເຈົ້າ.

     ທ່ານ ອາລຸນໄຊ ສີວິໄລ ນາຍບ້ານ ບ້ານດົງປ່າລານທົ່ງ ກ່າວວ່າ: ປັດຈຸບັນນີ້ ທາງຄອບຄົວຜູ້ເຄາະ ຮ້າຍຍັງຕ້ອງການ ການຊ່ວຍເຫລືອຈາກພາກສ່ວນຕ່າງໆຢູ່ສະນັ້ນ ຜູ້ທີ່ມີຈິດໃຈສັດທາຢາກຊ່ວຍເຫລືອຜູ້ປະສົບເຄາະຮ້າຍດັ່ງກ່າວແມ່ນ ສາ ມາດພົວພັນໄປຫ້ອງການບ້ານດົງປ່າລານທົ່ງໂດຍກົງ ຫລື ຈະຕິດຕໍ່ ໄປທີ່ເບີໂທ 020 5561 6744, 020 9771 2698 ໄດ້ທຸກເວລາ.