ຕໍ່ບັນຫາດັ່ງກ່າວນັກຂ່າວພວກເຮົາໄດ້ສອບຖາມທ່ານຫົວໜ້າສະມາຄົມລົດໂດຍສານຕຸກໆຢູ່ນະຄອນຫຼວງວຽງຈັນ
ເຊິ່ງທ່ານ ຍອມຮັບວ່າທາງສະມາຄົມເຄີຍໄດ້ຮັບການສ່ອງແສງຈາກສັງຄົມກ່ຽວກັບການປະພຶດອັນບໍ່ດີຂອງຜູ້ຂັບລົດຕຸກໆທີ່
ໃຫ້ບໍລິການຕໍ່ຄົນໂດຍສານເປັນຕົ້ນ ການເວົ້າຈາກັບລູກຄ້າບໍ່ສຸພາບ,
ການສວຍໂອກາດຮຽກເກັບຄ່າບໍລິການໂດຍສານນຳນັກ ທ່ອງ ທ່ຽວເກີນຂອບເຂດ ແລະ
ການພານັກທ່ອງທ່ຽວຂັບຂີ່ໄປໄກເພື່ອຫວັງເອົາຄ່າບໍລິການສູງ ເຊິ່ງນັບ ວ່າເປັນພາບລັກອັນ ບໍ່ດີຕໍ່ປະເທດ
ແລະ ສ້າງຄວາມເຊື່ອມເສຍໃຫ້ແກ່ຜູ້ທີ່ມີອາຊີບຂັບລົດຕຸກໆ ທີ່ຫາ ກິນດ້ວຍຄວາມບໍລິສຸດ ເຊິ່ງທີ່ຜ່ານມາ ຕໍ່ບັນຫານີ້ທາງສະມາຄົມບໍ່ທັນໄດ້ມີການສຶກສາອົບຮົມເລື່ອງມາລະຍາດແຕ່ຢ່າງໃດໃຫ້ແກ່ຜູ້ຂັບລົດຕຸກໆ
. ແຕ່ເຖິງຢ່າງໃດກໍຕາມ ເມື່ອເກີດມີສຽງວິຈານ ຈາກສັງຄົມຫຼາຍຈະສະເໜີພາກລັດໃຫ້ຖືສຳຄັນ ການກຳນົດເງື່ອນໄຂລະບຽບຫຼັກ ການຂອງຜູ້ຂັບຂີ່ລົດໂດຍສານທຸກປະເພດ ໃຫ້ມີການປະພຶດທີ່ດີ, ມີຄຸນສົມບັດປະຕິວັດ, ກິລິຍາມາລະຍາດອ່ອນຫວານໃນການຕ້ອນຮັບ ບໍລິການຂົນສົ່ງນັກທ່ອງທ່ຽວໄປມາ
ໃຫ້ມີຄວາມສະດວກສະບາຍ ດີກ່ວາ ເກົ່າສ້າງຄວາມຮັກໄຂ່ໄມຕີຈິດຕໍ່ຜູ້ໂດຍສານທຸກຄົນທີ່ເຂົ້າຮັບບໍລິການ ດ້ວຍຄວາມໂປ່ງໃສຊື່ສັດບໍລິສຸດສາມາດສ້າງແຮງຈູງໃຈໃຫ້ກັບນັກທ່ອງທ່ຽວຊາວຕ່າງປະເທດ ເຂົ້າມາທ່ຽວຊົມປະເທດ ລາວໃຫ້ນັບມື້ຫຼາຍຂຶ້ນ.
No comments:
Post a Comment