ໃນວັນທີ 3 ກຸມພາຜ່ານນີ້, ທ່ານ ດຣ ບຸນຫລາຍ ພົມມະສັກ
ຫົວໜ້າກົມຄວບຄຸມພະຍາດຕິດຕໍ່ກະຊວງ ສາທາລະ ນະສຸກ, ໄດ້ເປັນປະທານກອງປະຊຸມປືກສາຫາລືກ່ຽວກັບການກະກຽມແຜນສະກັດກັ້ນ
ແລະ ຄວບຄຸມພະ ຍາດໄຂ້ຍຸງລາຍໃນປີ 2015-2016 ເພື່ອຮັບປະກັນບໍ່ໃຫ້ພະຍາດດັ່ງກ່າວເກີດສະພາບລະບາດຮ້າຍແຮງຄືປີ
2013 ຜ່ານມາ, ເຊິ່ງໄດ້ເຮັດໃຫ້ມີຜົນເສຍຫາຍແກ່ຊີວິດ ແລະ ຊັບສິນຂອງປະຊາຊົນ,
ໂດຍເອົາໃຈໃສ່ຂອດການປະສານງານກັບພາກສ່ວນທີ່ກ່ຽວຂ້ອງອື່ນໆເປັນຕົ້ນ: ກົມປິ່ນປົວ,
ສູນໄຂ້ຍຸງແມ່ກາຝາກ ແລະ ແມງໄມ້, ສູນວິເຄາະ ແລະ ລະບາດວິທະຍາ, ສູນຂ່າວສານການແພດສຸຂະສຶກສາ,
ພະແນກສາທາລະນະສຸກແຂວງ ແລະ ນະຄອນຫລວງວຽງຈັນ ໃຫ້ພ້ອມກັນຈັດຕັ້ງປະຕິບັດການໂຄສະນາເຜີຍແຜ່ໃຫ້ປະຊາຊົນໄດ້ເຂົ້າໃຈກ່ຽວກັບຄວາມອັນຕະລາຍຈາກຍຸງລາຍ
ແລະ ມີສ່ວນຮ່ວມໃນການຕ້ານພະຍາດໄຂ້ຍຸງລາຍໃຫ້ຖືກວິທີ ໂດຍການປະຕິບັດຕາມ
5 ປ ຄື: ປິດ, ປ່ຽນ, ປ່ອຍ, ປັບປຸງ ແລະ ປະຕິບັດຂອງກະຊວງສາທາລະນະສຸກວາງອອກ. ແນໃສ່ຜັນຂະຫຍາຍຄຳສັ່ງຂອງທ່ານນາຍົກລັດຖະມົນຕີວ່າດ້ວຍການປ້ອງກັນ
ແລະ ສະກັດກັ້ນການລະບາດຂອງພະຍາດໄຂ້ຍຸງລາຍ ແລະ ຄຳສ່ັງແນະນຳຂອງທ່ານລັດຖະມົນຕີວ່າການກະຊວງສາທາລະນະສຸກໃຫ້ປາກົດຜົນເປັນຈິງ.
No comments:
Post a Comment