ມອບ-ຮັບໂຄງການບ້ານຍົກຍ້າຍຈັດສັນໃໝ່ຈາກໂຄງການເທີນຫີນບູນ

ພິທີມອບ-ຮັບໂຄງການພັດທະນາພື້ນຖານໂຄງລ່າງບ້ານຍົກຍ້າຍຈັດສັນປາກທຶກ ແລະ ຫ້ວຍເດື່ອເມືອງຫີນບູນ ແຂວງຄຳມ່ວນ ໂດຍແມ່ນບໍລິສັດເທີນຫີນບູນພາວ ເວີ (THPC) ເປັນຜູ້ສ້າງໃຫ້, ໄດ້ມີຂຶ້ນໃນວັນທີ 23 ມິຖຸນານີ້ລະ ຫວ່າງທ່ານ ສຸລິເດດ ເບົ້າມະນີໂຄດ ຕາງໜ້າບໍລິສັດເທີນຫີນບູນ ແລະ ທ່ານ ອວນມາ ຂັນຕິ ຍະວົງ ເຈົ້າເມືອງຫີນບູນ, ໂດຍມີທ່ານ ດຣ ຄຳມະນີ ອິນທິລາດ ລັດຖະມົນຕີຊ່ວຍ ວ່າການກະຊວງພະລັງງານ ແລະ ບໍ່ແຮ່, ທ່ານ ໂອໄດ ສຸດາພອນ ຮອງເຈົ້າແຂວງ ຄຳມ່ວນ, ພ້ອມດ້ວຍອຳນາດການປົກຄອງ ແລະ ປະຊາຊົນບ້ານຍົກຍ້າຍຈັດສັນໃໝ່ເຂົ້າຮ່ວມເປັນຈຳ ນວນຫລາຍ.

    ຜູ້ຕາງໜ້າບໍລິສັດເທີນຫີນບູນພາວເວີ ກ່າວວ່າ: ພາຍຫລັງໂຄງການເທີນຫີນບູນພາກຂະຫຍາຍໄດ້ລົງມືປະຕິບັດໃນປີ

2013 ແລະ ຄາດວ່າມັນຈະສົ່ງຜົນເຮັດໃຫ້ນ້ຳຖ້ວມທຳມະຊາດໃນຍາມຝົນ, ດັ່ງນັ້ນ ບໍລິສັດຈຶ່ງໄດ້ຍົກຍ້າຍບ້ານປະຊາຊົນ ຈຳນວນໜຶ່ງທີ່ຄາດວ່າຈະໄດ້ຮັບຜົນກະທົບດັ່ງກ່າວອອກຈາກພື້ນທີ່, ໂດຍໄດ້ສ້າງບ້ານຈັດສັນໃໝ່ປາກທຶກ ແລະ ຫ້ວຍ

ເດື່ອໃຫ້ຊຶ່ງປະກອບມີການກໍ່ສ້າງເຮືອນ, ໂຮງຮຽນ, ສຸກສາລາ, ຕະຫລາດ, ລະບົບໄຟຟ້າ, ນ້ຳສະອາດ, ຖະໜົນຫົນທາງ ແລະ ສິ່ງອຳນວຍຄວາມສະດວກອື່ນໆ, ໂດຍໃຊ້ກໍ່ສ້າງເປັນເວລາສາມປີຈຶ່ງສຳເລັດໃນມູນຄ່າຫລາຍກວ່າບ້ານລະ 3 ລ້ານໂດລາສະຫະລັດ ຫລື ປະມານ 24 ຕື້ກວ່າກີບ, ຂະນະດຽວກັນປະຊາຊົນທີ່ຍ້າຍມາຢູ່ບ້ານຈັດໃໝ່ກໍຍັງສາມາດໄປ ເຮັດການຜະລິດກະສິກຳຢູ່ເຂດບ້ານເກົ່າໄດ້.

    ຜູ້ຕາງໜ້າບໍລິສັດເທີນຫີນບູນພາວເວີ ກ່າວວ່າ: ບໍລິສັດວກເຮົາມີຄວາມມຸ່ງຫວັງທີ່ຈະພັດທະນາປັບປຸງຊີວິດການ ເປັນຢູ່ຂອງປະຊາຊົນໃນພື້ນທີ່ຮັບຜິດຊອບຂອງໂຄງການໃຫ້ດີຂຶ້ນຕາມເປົ້າໝາຍທີ່ພັກ ແລະ ລັດຖະບານກຳນົດໄວ້, ກໍຄືການປະກອບສ່ວນເຂົ້າໃນການແກ້ໄຂຄວາມທຸກຍາກຂອງປະຊາຊົນເທື່ອລະກ້າວ.