ເຈົ້າໜ້າທີ່ຈະລາຈອນນະຄອນຫລວງວຽງຈັນ ໃຫ້ຮູ້ວ່າ: ນັບແຕ່ວັນທີ 1-28 ມິຖຸນານີ້, ມີອຸປະຕິເຫດບົນທ້ອງຖະໜົນ ເກີດຂຶ້ນ 129 ກໍລະນີ, ມີຜູ້ເສຍຊີວິດ 11
ຄົນ ລວມມູນຄ່າເສຍຫາຍ 1.693 ລ້ານກີບ,
ໃນນັ້ນ
ສະເພາະວັນທີ 1-7 ມິຖຸນາ,
ມີອຸປະຕິເຫດເກີດຂຶ້ນ 33 ກໍລະນີ,
ເສຍຊີວິດ 3 ຄົນ, ຈາກນັ້ນ ລະຫວ່າງວັນທີ 8-14 ມິຖຸນາ,
ເກີດຂຶ້ນ 37 ກໍລະນີ, ເສຍຊີວິດ 4 ຄົນ. ຕໍ່ມາວັນທີ 15-21 ມິຖຸນາ,
ເກີດຂຶ້ນ 33 ກໍລະນີ,
ເສຍຊີວິດ 3 ຄົນ ແລະ ນັບແຕ່ວັນທີ 22-28
ມິຖຸນາ, ມີອຸປະຕິເຫດເກີດຂຶ້ນ 26 ກໍລະນີ, ມີຜູ້ເສຍຊີວິດ 1 ຄົນ ແລະ ກໍລະນີຮ້າຍແຮງທີ່ສຸດແມ່ນເກີດໃນວັນທີ 15 ມິຖຸນາ, ຢູ່ເຂດບ້ານສົມສະຫວັນ ເມືອງໄຊທານີ ນະຄອນຫລວງວຽງຈັນ, ລົດໃຫຍ່ຕຳລົດຈັກ
ຢ່າງຮຸນແຮງ ສົ່ງຜົນໃຫ້ມີຜູ້ເສຍຊີວິດຄາທີ່ 2 ຄົນ.
ເຈົ້າໜ້າທີ່ ໃຫ້ຮູ້ຕຶ່ມອີກວ່າ: ອຸປະຕິເຫດສ່ວນໃຫຍ່ແມ່ນເກີດຈາກການຂັບຂີ່ແບບປະໝາດ, ບໍ່ເຄົາລົບກົດລະບຽບຈະລາຈອນ, ດື່ມສິ່ງມືນເມົາແລ້ວຂັບຂີ່. ແຕ່ທຽບກັບເດືອນພຶດສະພາຜ່ານມາ ເຫັນວ່າຫລຸດລົງ.
No comments:
Post a Comment