ນັບແຕ່ວັນທີ 1-25 ກໍລະກົດນີ້, ຢູ່ໃນນະຄອນຫລວງວຽງຈັນ ມີອຸປະຕິເຫດ ເກີດຂຶ້ນ
82 ກໍລະນີ, ສົ່ງຜົນໃຫ້ມີຄົນເສຍຊີວິດ
12 ຄົນ ຄື ໃນວັນທີ 1-5 ກໍລະກົດ ມີອຸປະຕິເຫດເກີດຂຶ້ນ
16 ກໍລະນີ, ເສຍຊີວິດ 4 ຄົນ, ວັນທີ 6-12 ເກີດຂຶ້ນ
25 ກໍລະນີ ເສຍຊີວິດ 2 ຄົນ, ວັນທີ 13-19 ເກີດຂຶ້ນ
29 ກໍລະນີ, ມີຜູ້ເສຍຊີວິດ 3 ຄົນ,
ວັນທີ 20-25 ເກີດຂຶ້ນ 25 ກໍລະນີ, ມີຜູ້ເສຍຊີວິດ
3 ຄົນ, ທຽບໃສ່ໃນໄລຍະດຽວກັນຂອງເດືອນຜ່ານມາເຫັນວ່າເພີ່ມຂຶ້ນ, ເຊິ່ງໄດ້ສ້າງຄວາມເສຍຫາຍເປັນຈຳນວນບໍ່ໜ້ອຍໃຫ້ແກ່ຊີວິດ
ແລະ ຊັບສິນ ແລະ ອື່ນໆ. ໃນນີ້ ຕອນຄ່ຳຂອງວັນທີ
20 ກໍລະກົດ, ຢູ່ເຂດບ້ານໂພນປາເປົ້າ, ເມືອງສີສັດຕະນາກ
ນະຄອນຫລວງວຽງຈັນ, ໄດ້ເກີດອຸປະຕິເຫດລົດໃຫຍ່ຕຳກັບລົດຈັກ ສົ່ງຜົນໃຫ້ຄົນຂັບລົດຈັກຄື ທ້າວ ເມກ ຈະເລີນໄຊ ອາຍຸ 30 ປີ ຢູ່ບ້ານໜອງໄຮ ເມືອງຫາດຊາຍຟອງ ເສຍຊີວິດຄາທີ່
ແລະ ໃນຕອນເຊົ້າຂອງວັນທີ 25 ກໍລະກົດ, ຢູ່ເຂດບ້ານສົມສະຫວາດ ເມືອງປາກງື່ມ
ນະຄອນຫລວງວຽງຈັນ ໄດ້ມີລົດໃຫຍ່ຕຳກັບລົດຈັກ
ເຮັດໃຫ້ທ້າວ
ຍີຢົ່ງລ່ຽງ (ສັນຊາດຈີນ) ຂັບຂີ່ລົດຈັກ ອາຍຸ 55 ປີ
ກຳມະກອນ ພັກເຊົາຢູ່ບ້ານນາໄຊ ເມືອງທ່າພະບາດ ແຂວງບໍລິຄຳໄຊ ເສຍຊີວິດຄາທີ່
ແລະ ໃນຕອນຄ່ຳຂອງວັນດຽວກັນ ຢູ່ເຂດບ້ານສາຍລົມ
ເມືອງຈັນທະບູລີ
ນະຄອນຫລວງວຽງຈັນ ໄດ້ເກີດອຸປະຕິເຫດລົດຈັກຕຳກັນຢ່າງຮຸນແຮງ ເຮັດໃຫ້ທ້າວ ກິນດາວົງ ອາຍຸ
28 ປີ ກຳມະ ກອນ ພັກເຊົາຢູ່ບ້ານໂພນສີນວນ ເມືອງສີສັດຕະນາກ
ເສຍຊີວິດຄາທີ່.
ເຈົ້າໜ້າທີ່ ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ໃນໄລຍະເດືອນກໍລະກົດນີ້,
ເຈົ້າໜ້າທີ່ໄດ້ສຸມໃສ່ຕັ້ງຈຸດກວດກາການຂັບຂີ່ເພື່ອຄວາມເປັນລະບຽບຮຽບຮ້ອຍຂອງຜູ້ໃຊ້ລົດໃຊ້ຖະໜົນ ທັງ 4 ເມືອງໃນ
ແລະ 5 ເມືອງນອກ
ເພື່ອປ້ອງກັນປາກົດການຫຍໍ້ທໍ້
ແລະ ອຸປະຕິເຫດທີ່ຈະຕາມມາ,
ໃນນັ້ນ ໄດ້ກວດພົບເຫັນນັກຂັບຂີ່ດື່ມສິ່ງມຶນເມົາແລ້ວຂັບລົດ,
ຂັບຂີ່ດ້ວຍຄວາມໄວ, ບໍ່ໃສ່ໝວກກັນກະທົບ ຊຶ່ງເຈົ້າໜ້າທີ່ໄດ້ມີການຕັກເຕືອນພ້ອມທັງປັບໃໝຕາມລະບຽບການ. ດັ່ງນັ້ນ ຖ້າພວກເຮົາທຸກຄົນເອົາໃຈໃສ່ໃນການປະຕິບັດລະບຽບຈະລາຈອນໃຫ້ເຂັ້ມງວດ
ແລະ ສະພາບອຸປະຕິ ເຫດກໍຈະຫລຸດລົງຕາມລຳດັບ
ແລະ ເຫັນວ່າທຸກເຫດການທີ່ຜ່ານມາ. ສ່ວນໃຫຍ່ແມ່ນເກີດຈາກການຂັບຂີ່ໂດຍປະໝາດ, ຂັບຂີ່ດ້ວຍຄວາມໄວສູງ, ເມົາແລ້ວຂັບຂີ່
ແລະ ອື່ນໆ. ພ້ອມກັນນີ້ ເຈົ້າໜ້າທີ່ຍັງໄດ້ຮຽກຮ້ອງເຖິງນັກຂັບຂີ່ທຸກຄົນຄວນມີສະຕິໃນການຂັບຂີ່ລົດຍານພາຫະນະຂອງຕົນ,
ບໍ່ປະໝາດ, ພ້ອມທັງເຄົາລົບຕໍ່ກົດລະບຽບຈະລາຈອນຢ່າງເຂັ້ມງວດເພື່ອຫລຸດຜ່ອນອຸປະຕິເຫດທີ່ຈະຕາມມາ.
No comments:
Post a Comment