ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ໃນໄລຍະນີ້, ບໍລິເວນຄວາມກົດດັນອາກາດຕ່ຳຂອງອາກາດຮ້ອນຍັງສືບຕໍ່ປົກຄຸມຢູ່ທົ່ວທຸກພາກຂອງລາວ, ສົມທົບກັບກະແສລົມຕາເວັນຕົກພັດປົກຄຸມ, ເຮັດໃຫ້ອຸນຫະພູມອາກາດຮ້ອນ
ແລະ ມີລົມພັດແຮງ ພ້ອມທັງມີຝົນຕົກຟ້າຄະນອງໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກ. ຈາກນັ້ນ
ວັນທີ 4-7 ກໍລະກົດນີ້, ຮ່ອງຄວາມກົດດັນຕ່ຳຂອງອາກາດຮ້ອນຈະພັດຜ່ານແຂວງພາກເໜືອ
ຫາພາກກາງຂອງລາວ, ສົມທົບກັບລົມມໍລະສຸມຕາເວັນຕົກສ່ຽງໃຕ້ມີທ່າອ່ຽງເພີ່ມກຳລັງແຮງຂຶ້ນພັດປົກຄຸມ, ຈະເຮັດໃຫ້ມີຝົນຕົກຟ້າຄະນອງຫລາຍຂຶ້ນຢູ່ແຕ່ລະພາກໃນລະດັບຄ່ອຍຫາປານກາງ, ພ້ອມມີລົມພັດແຮງເປັນບາງໂອກາດ
ລວມທັງນະຄອນຫລວງວຽງຈັນ.
ໃນໄລຍະນີ້ ສະພາບອາກາດຍັງຈະຮ້ອນຫາຮ້ອນເອົ້າຢູ່ແຂວງພາກເໜືອດ້ານຕາເວັນຕົກຫາພາກກາງ
ແລະ ພາກໃຕ້. ຈາກນັ້ນ
ສະພາບອາກາດໂດຍທົ່ວໄປຈະເຢັນລົງເລັກນ້ອຍຢູ່ແຕ່ລະພາກໂດຍສະເພາະແຂວງພາກເໜືອດ້ານຕາເວັນອອກ, ແຂວງໄຊສົມບູນ
ແລະ ພູພຽງບໍລະເວນ ປາກຊ່ອງ.
ສະພາບຝົນ ໃນລະຫວ່າງວັນທີ 1-7 ກໍລະກົດນີ້,
ຈະມີຝົນຕົກຟ້າຄະນອງກະຈາຍໃນລະດັບຄ່ອຍ
ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ
ຍ້ອນມໍລົມລະສຸມຕາເວັນຕົກສ່ຽງໃຕ້ຈະມີກຳລັງແຮງເພີ່ມຂຶ້ນພັດປົກຄຸມ.
No comments:
Post a Comment