ກອງປະຊຸມສະຫລຸບຖອດຖອນບົດຮຽນກ່ຽວກັບການຕ້ານ ແລະ ຄວບຄຸມພະຍາດໄຂ້ຍຸງລາຍປະຈຳປີ
2015 ໃນຂອບເຂດທົ່ວປະເທດ, ໄດ້ຈັດຂຶ້ນໃນວັນທີ 24 ທັນວານີ້, ຢູ່ນະຄອນຫລວງວຽງຈັນ,
ໂດຍການເປັນປະທານຂອງທ່ານລັດຖະມົນຕີວ່າການກະຊວງສາ ທາລະນະສຸກ ສຈ.ດຣ.
ເອກສະຫວ່າງ ວົງວິຈິດ ເພື່ອລາຍງານສະພາບ ການລະບາດຂອງໄຂ້ຍຸງລາຍ ແລະ ວາງມາດຕະການເພື່ອປ້ອງກັນ
ແລະ ຄວບຄຸມພະຍາດດັ່ງກ່າວໃນຕໍ່ໜ້າ.
ທ່ານລັດຖະມົນຕີວ່າການກະຊວງສາທາລະນະສຸກກ່າວວ່າ: ການຕ້ານ ແລະ ຄວບຄຸມພະຍາດໄຂ້ຍຸງລາຍຢູ່ທົ່ວປະເທດໃນໄລຍະຜ່ານມາແມ່ນປະຕິບັດໄດ້ດີສົມຄວນ ເຊິ່ງໃນທົ່ວປະເທດມີຄົນເຈັບທີ່ຕິດເຊື້ອ
ໄຂ້ຍຸງລາຍ1.775 ກໍລະນີ, ບໍ່ມີຜູ້ເສຍຊີວິດ, ຖ້າທຽບໃສ່ບັນດາປະເທດໃກ້ຄຽງເຊັ່ນ: ໄຂ້ຍຸງລາຍຍັງສືບຕໍ່ລະບາດຢູ່ປະເທດມາເລເຊຍ
ມີຈຳນວນຄົນເຈັບຫລາຍເຖິງ 102.801 ກໍລະນີ, ເສຍຊີ ວິດ 283 ກໍລະນີ, ຟິລິບປິນມີ 124.728 ກໍລະນີ, ເສຍຊີວິດ 374 ກໍລະນີ, ສສ ຫວຽດນາມ ມີ 39.410
ກໍລະນີ,
ເສຍຊີວິດ 31 ກໍລະນີ, ສິງກະໂປມີ 8.786 ກໍລະນີ, ບໍ່ມີຜູ້ເສຍຊີວິດ, ໄທມີ
117.012 ກໍລະນີ, ເສຍຊີວິດ 113 ກໍລະນີ ແລະ ກຳປູເຈຍ 12.218 ກໍລະນີ, ເສຍຊີວິດ 34 ກໍລະນີ.
ໃນໂອກາດນີ້, ທ່ານລັດຖະມົນຕີວ່າການກະຊວງສາທາລະນະສຸກ, ໄດ້ຮຽກຮ້ອງໃຫ້ພາກສ່ວນກ່ຽວ ຂ້ອງເອົາໃຈໃສ່ໂຄສະນາໃຫ້ປະຊາຊົນມີຄວາມເຂົ້າໃຈກ່ຽວກັບຜົນຮ້າຍຂອງການເປັນໄຂ້ຍຸງລາຍ, ພ້ອມດຽວກັນນັ້ນ, ອຳນາດການປົກຄອງແຕ່ລະຂັ້ນ ຕ້ອງມີຄວາມຮັບຜິດຊອບ, ເອົາໃຈໃສ່ຊີ້ນຳ-ນໍາພາປະຊາຊົນຈັດຕັ້ງປະຕິບັດວຽກງານປ້ອງກັນ ແລະ ຄວບຄຸມພະຍາດດັ່ງກ່າວຢ່າງໃກ້ຊິດ,ແຕ່ລະຄອບຄົວຕ້ອງມີສ່ວນຮ່ວມໃນການກຳຈັດແຫລ່ງເພາະພັນຍຸງລາຍຕາມບໍລິເວນເຮືອນຊານຢ່າງສະໝ່ຳສະເໝີ, ຄູອາຈານຕ້ອງໄດ້ເອົາໃຈໃສ່ສຶກສາອົບຮົມນັກຮຽນໃຫ້ມີຄວາມເຂົ້າໃຈກ່ຽວກັບການກຳຈັດຍຸງລາຍຕາມສະຖານທີ່ເພາະພັນຂອງຍຸງລາຍຢູ່ໂຮງຮຽນ
ແລະ ເຮືອນຂອງຕົນ,
ໃຫ້ທຸກຂະແໜງການມີສ່ວນຮ່ວມໃນການປະຕິບັດກິດຈະກຳຕ່າງໆ
ໃນການກຳຈັດແຫລ່ງເພາະພັນຍຸງລາຍ ແລະອື່ນໆ.
No comments:
Post a Comment