ການແຂ່ງຂັນການເຕັ້ນເຊຍ ຊີງຂັນປະທານຄະນະກຳມະການໂອລິມປິກແຫ່ງຊາດລາວ ຄັ້ງທີ
4 ປະຈຳປີ 2015, ການແຂ່ງຂັນແປບຊີເຊຍລີດດິງຄອນເທັດເປັນກິດຈະກຳໜຶ່ງທີ່ຂອງກິລາມ່ວນຊົນ, ຊຶ່ງການແຂ່ງຂັນໃນຄັ້ງນີ້ປະກອບມີ 2 ຮຸ້ນຄື: ຮຸ້ນມັດທະຍົມ 10 ທີມ
ແລະ ຮຸ້ນທົ່ວໄປລະດັບມະຫາວິທະຍາໄລ-ວິທະຍາໄລ ມີຈຳນວນ 9 ທີມເຂົ້າຮ່ວມ, ຊຶ່ງຜ່ານການແຂ່ງຂັນໃນຮຸ້ນທົ່ວໄປລະດັບມະຫາວິທະຍາໄລ-ວິທະຍາໄລ, ລາງວັນທີ 1 ໄດ້ແກ່ທີມມະຫາວິທະຍາໄລແຫ່ງຊາດ,
ໄດ້ຮັບທຶນການສຶກສາ 25 ລ້ານກວ່າກີບ, ພ້ອມດ້ວຍຂັນໜຶ່ງໜ່ວຍ ແລະ ຮຸ້ນມັດທະຍົມ, ລາງວັນທີ່ 1 ໄດ້ແກ່ທີມມັດທະຍົມສົມບູນໂພນທັນ,ໄດ້ຮັບທຶນການສຶກສາ ຈຳນວນ
12 ລ້ານກີບ, ພ້ອມດ້ວຍຂັນໜຶ່ງໜ່ວຍ ແລະ ລາງວັນອື່ນໆອີກຫຼາຍລາງວັນ, ເຊິ່ງການແຂ່ງຂັນແມ່ນໄດ້ຈັດຂຶ້ນໃນວັນທີ 24 ທັນວາຜ່ານມານີ້, ທີ່ສະໜາມກິລາໃນຮົ່ມບຶງຂະຫຍອງ, ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ສົມພູ ພົງສາ, ຜູ້ຊ່ວຍລັດຖະມົນຕີວ່າການກະຊວງສຶກສາທິການ ແລະ ກິລາ, ມີບັນດາຫົວໜ້າກົມ, ຮອງກົມ ແລະ ກອງເຊຍເຂົ້າຮ່ວມເປັນຈຳນວນຫຼາຍ.
ຜູ້ຕາງໜ້າຄະນະກຳມະການຈັດການແຂ່ງຂັນໃຫ້ຮູ້ວ່າ: ການແຂ່ງຂັນເຕັ້ນເຊຍໃນຄັ້ງນີ້, ກໍເພື່ອສະໜັບສະໜູນໃຫ້ໄວໜຸ່ມນັກຮຽນ, ນັກສຶກສາ ໄດ້ມີເວທີການສະແດງຄວາມສາມາດຂອງຕົນສູ່ສາຍຕາມະຫາຊົນໃນການເຕັ້ນທີ່ມີທ່ວງທ່າ, ລີລາແບບສິລະປະກິລາ ແລະ ສ່ອງແສງໃຫ້ເຫັນວ່າການເຕັ້ນດັ່ງກ່າວ, ກໍແມ່ນການອອກກຳລັງກາຍ ຫຼື ການຫຼິ້ນກິລາປະເພດໜຶ່ງເຊັນດຽວກັນ, ເພື່ອເຮັດໃຫ້ສຸຂະພາບແຂ່ງແຮງ, ສາມາດດຶງດູດເອົາໄວໜຸ່ມນັກຮຽນ, ນັກສຶກສາເຂົ້າສູ່ລະບຽບແບບແຜນ, ຫ່າງໄກຈາກສິ່ງເສບຕິດ ແລະ ປາກົດການຫຍໍ້ທໍ້ທີ່ບໍ່ດີໃນສັງຄົມ. ນອກຈາກນີ້, ກໍເປັນການເສີມສ້າງຄວາມສາມາດ, ຄວາມກ້າຫານ, ທັງເປັນການສ້າງຄວາມສາມັກຄີ, ຄວາມເຂົ້າໃຈເຊິ່ງກັນ ແລະ ກັນລະ ຫວ່າງໝູ່ໄວໜຸ່ມນັກຮຽນ, ນັກສຶກສາດ້ວຍກັນ, ເພື່ອສົ່ງເສີມການພັດທະນາກິລາ-ກາຍະກຳຂອງລາວ, ໃຫ້ສອດຄ່ອງຕາມ 3 ລັກສະນະ ແລະ 5 ຫຼັກມູນຂອງການສຶກສາອີກດ້ວຍ.
No comments:
Post a Comment