ໃນວັນທີ
25 ທັນວານີ້, ຢູ່ສະຖາບັນສື່ມວນຊົນ, ວັດທະນະທໍາ ແລະ
ທ່ອງທ່ຽວ, ໄດ້ຈັດພິທີປິດຊຸດຝຶກອົບຮົມທັກສະການຂຽນຂ່າວໃຫ້ສື່ມວນຊົນລາວ, ພາຍຫລັງດໍາເນີນມາເປັນເວລາ 5 ວັນຢູ່ສະຖາບັນດັ່ງກ່າວ, ຊຶ່ງແມ່ນຊ່ຽວຊານດ້ານການຂ່າວຈາກ ສສຫວຽດນາມ ໄດ້ມາໃຫ້ຄວາມຮູ້ໃນຊຸດອົບຮົມຄັ້ງນີ້, ໂດຍສະເພາະແມ່ນບົດຮຽນໃນການເກັບກຳຂໍ້ມູນ, ການເຈາະເລິກບັນຫາ, ການວິເຄາະ-ວິໄຈຂໍ້ມູນ ແລະ ອົງປະກອບປັດໄຈສໍາຄັນອື່ນໆເພື່ອປະກອບໃສ່ການຂຽນບົດ, ຂຽນຂ່າວບັນ ດາເຫດການສໍາຄັນຕ່າງໆທີ່ເກີດຂຶ້ນໃນສັງຄົມ, ທັງນີ້ກໍເພື່ອແນໃສ່ຍົກລະດັບຄວາມຮູ້, ຄວາມສາມາດຂອງສື່ມວນຊົນລາວ ເພື່ອກຽມ
ຄວາມພ້ອມຮັບໃຊ້ກອງປະຊຸມໃຫຍ່ຄັ້ງທີ
X ຂອງພັກ, ກຽມເຂົ້າປະ ຊາຄົມເສດຖະກິດອາຊຽນ (AEC) ແລະ ກຽມຄວາມພ້ອມໃຫ້ແກ່ກອງປະຊຸມອາຊຽນທີ່ຈະຈັດຂຶ້ນໃນມໍ່ໆນີ້ໃຫ້ສໍາເລັດຜົນຕາມລະດັບຄາດໝາຍ.
ຊູດອົບຮົມດັ່ງກ່າວມີສື່ມວນຊົນເຂົ້າຮ່ວມຫລາຍກວ່າ 40 ຄົນທີ່ມາຈາກໜັງສືພິມ,
ວິທະຍຸ ແລະ
ໂທລະພາບ, ໂດຍການຮ່ວມມືລະຫວ່າງສະຖາບັນສື່ມວນຊົນ, ວັດທະນະທໍາ ແລະ
ທ່ອງທ່ຽວກະຊວງຖະແຫລງຂ່າວ, ວັດທະນະທໍາ
ແລະ ທ່ອງທ່ຽວລາວ
ແລະ ກົມສື່ມວນຊົນກະຊວງຖະແຫລງຂ່າວ ແລະ
ການສື່ສານ ສສ
ຫວຽດນາມ.
No comments:
Post a Comment