ທ່ານລັດຖະມົນຕີວ່າການກະຊວງແຮງງານ ແລະ ສະຫວັດດີການສັງຄົມ ໄດ້ກ່າວໃນພິທີອັນມີຄວາມໝາຍສຳຄັນນີ້ວ່າ: ໂຄງການກໍ່ສ້າງສູນອົງຄະທຽມ ແລະ ຟື້ນຟູສະມັດຕະພາບ, ເປັນໂຄງການຊ່ວຍເຫລືອ
ລ້າຈາກລັດຖະບານແຫ່ງ ສສ ຫວຽດນາມ
ໃຫ້ແກ່ລັດຖະບານລາວ, ໃນມູນຄ່າທັງໝົດ 46,8 ຕື້ດົງ (ຫວຽດ ນາມ) ຫລື ປະມານ 20 ກວ່າຕື້ກີບ, ສູນດັ່ງກ່າວເປັນບ່ອນຜະລິດຂາທຽມ, ການຟື້ນຟູສຸຂະພາບ ໃຫ້ແກ່ພະນັກງານອາວຸໂສປະຕິວັດທີ່ເສຍອົງຄະ ໃນສະໄໝຕໍ່ສູ້ກູ້ຊາດເຮັດການປະຕິວັດ ແລະ
ສ້າງສາພັດທະນາປະເທດຊາດ ໃນປັດຈຸບັນ, ໂຄງການດັ່ງກ່າວໄດ້ດຳເນີນການກໍ່ສ້າງ ມາເປັນເວລາ
18 ເດືອນ ດ້ວຍຄວາມເອົາໃຈໃສ່ຊີ້ນຳໆພາຂອງຂະແໜງການກ່ຽວຂ້ອງ, ການຕິດຕາມກວດກາ, ຊຸກຍູ້ ແລະ ຄຸ້ມຄອງຂອງຄະນະຮັບຜິດຊອບຂອງຜູ້ຈັດຕັ້ງປະຕິບັດ, ຈຶ່ງເຮັດໃຫ້ໂຄງການດັ່ງກ່າວສໍາເລັດຕາມແຜນທີ່ກຳນົດໄວ້ ແລະ
ອີກເທື່ອໜຶ່ງ ຕາງໜ້າໃຫ້ລັດຖະບານລາວ ສະແດງຄວາມຂອບໃຈມາຍັງລັດຖະບານຫວຽດນາມ ກໍຄືກະຊວງແຮງງານ-ເສຍອົງຄະ ແລະ ສັງຄົມ ສສ ຫວຽດນາມ ທີ່ໃຫ້ການຊ່ວຍເຫລືອຢ່າງມີປະສິດທິຜົນດັ່ງກ່າວ, ເຊິ່ງຈະກາຍເປັນສັນຍາລັກແຫ່ງມິດຕະພາບ ແລະ ຄວາມສາມັກຄີແບບພິເສດ ລະຫວ່າງສອງກະຊວງ ກໍຄືສອງປະເທດລາວ-ຫວຽດນາມ ພວກເຮົາ.
ທ່ານລັດຖະມົນຕີຊ່ວຍວ່າການກະຊວງແຮງງານ-ເສຍອົງຄະ ແລະ ສັງຄົມ ສສ
ຫວຽດນາມ ໄດ້ກ່າວວ່າ: ຂ້າພະເຈົ້າ ເຊື່ອໝັ້ນວ່າ ລັດຖະບານລາວ ກໍຄືກະຊວງແຮງງານ ແລະ ສະຫວັດດີການສັງ ຄົມ ຈະຮັກສາ, ຄຸ້ມຄອງ ແລະ ເສີມຂະຫຍາຍຜົນສຳເລັດຂອງໂຄງການດັ່ງກ່າວ ເພື່ອສາມາດຍົກສູງຄຸນນະພາບວຽກງານການດູແລສຸຂະພາບຂອງຜູ້ເສຍອົງຄະ ແລະ ພິການຂອງລາວ ດ້ວຍຄວາມຮັບຜິດຊອບສູງ.
ສູນອົງຄະທຽມ ແລະ ຟື້ນຟູສະມັດຕະພາບ ຫລື ໂຮງງານຜະລິດແຂນ-ຂາທຽມ 686 ຫລັງໃໝ່ນີ້, ຕັ້ງຢູ່ບ້ານເກີນ, ເມືອງທຸລະຄົມ ແຂວງວຽງຈັນ ປະກອບມີ:
ອາຄານໃຫຍ່ 1 ຊັ້ນ, ມີຮ້ານອາຫານ, ມີບ່ອນຈອດລົດກວ້າງຂວາງ, ຫ້ອງນ້ຳສະອາດ, ອ່າງເກັບນ້ຳທີ່ໃຫຍ່, ມີສວນໄວ້ນັ່ງພັກຜ່ອນ, ມີລະບົບສະໜອງນ້ຳ ແລະ ອຸປະກອນໂຮງງານສັນຍະກຳຄົບຊຸດ, ພ້ອມໃຊ້ງານໄດ້ຢ່າງສະດວກສະບາຍ.
No comments:
Post a Comment