ກອງປະຊຸມສະຫລຸບວຽກງານປະຈໍາປີ 2015 ຂອງກະຊວງການຕ່າງປະເທດ, ໄດ້ຈັດຂຶ້ນໃນວັນ 25 ທັນວານີ້, ໂດຍການເປັນປະທານຂອງທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ທອງລຸນ ສີສຸລິດ.
ໃນໂອກາດນີ້,
ທ່ານຫົວໜ້າຫ້ອງການກະຊວງດັ່ງກ່າວໄດ້ຂຶ້ນລາຍງານບົດສະຫລຸບການເຄື່ອນ
ໄຫວປະຈໍາປີ
2015 ວ່າ: ສປປ ລາວ, ໄດ້ສ້າງສາຍພົວພັນການທູດກັບ 138 ປະເທດ, ມີສຳນັກງານຕາງໜ້າທູດທັງໝົດ 38 ແຫ່ງຢູ່ 27 ປະເທດ ໃນນັ້ນມີສະຖານທູດ 26 ແຫ່ງ, ສຳນັກງານຕາງໜ້າຖາວອນ 3 ແຫ່ງ ແລະສຳນັກງານສາກົນ
ກົງສຸນໃຫ່ຍ 9 ແຫ່ງ, ຂະນະດຽວກັນການເຄື່ອນໄຫວການຕ່າງປະເທດກໍແມ່ນຢູ່ໃນທ່າບຸກ, ໂດຍຍຶດໝັ້ນແນວທາງການຕ່າງປະເທດຂອງພັກສັນຕິ ພາບ, ເອກະລາດ ແລະ ການຮ່ວມມືຢ່າງສະເໝີຕົ້ນສະເໝີປາຍ. ນອກຈາກນີ້ການພົວພັນຮ່ວມມືໃນຂອບສອງຝ່າຍກໍໄດ້ສືບຕໍ່ເປີດກວ້າງ ແລະ ກ້າວເຂົ້າສູ່ລວງເລິກຫລາຍຂຶ້ນ, ຊຶ່ງສະແດງອອກເຖິງການຢ້ຽມຢາມລະຫວ່າງການນຳຂັ້ນສູງກັບປະເທດຕ່າງໆຢ່າງເປັນປົກກະຕິ. ສ່ວນໃນຂອບຫລາຍຝ່າຍກໍໄດ້ມີການເຄື່ອນໄຫວຢ່າງເປັນເຈົ້າການ ແລະ ສາມາດປົກປ້ອງສິດຜົນປະໂຫຍດອັນຊອບທຳຂອງສປປລາວຢູ່ໃນເວທີພາກພື້ນ ແລະສາກົນ ເຊັ່ນ: ເວທີອາຊຽນ, ອາເຊັມ, ອົງການການຄ້າໂລກ, ອົງການສະຫະປະຊາຊາດດັ່ງນີ້ເປັນຕົ້ນ, ພ້ອມກັນນີ້, ຍັງໄດ້ສຳເລັດການເປັນເຈົ້າພາບຈັດກອງປະຊຸມລະດັບພາກພື້ນ ແລະ ສາກົນທີ່ສຳຄັນຫລາຍຄັ້ງດ້ວຍຜົນສຳເລັດອັນຈົບງາມເປັນຕົ້ນ: ກອງປະຊຸມໂຕະມົນຄັ້ງທີ
12, ກອງປະຊຸມລະດັບລັດຖະມົນຕີເຂດສາມຫລ່ຽມພັດທະນາກຳປູເຈຍ-ລາວ-ຫວຽດ ນາມ(CLV)ຄັ້ງທີ
10, ກອງປະຊຸມໃຫຍ່ຄັ້ງທີ 3 ຂອງອົງຄະນະພັກກະຊວງການຕ່າງປະເທດ ແລະ ກອງປະຊຸມສໍາຄັນອື່ນໆ.
ສໍາລັບທິດທາງແຜນການໃນຊຸມປີຕໍ່ໜ້າ, ທ່ານຫົວໜ້າຫ້ອງການກະຊວງດັ່ງກ່າວໄດ້ສະເໜີ ວ່າ: ຕ້ອງສືບຕໍ່ຍົກສູງບົດບາດເປັນເສນາທິການໃຫ້ຂັ້ນເທິງດ້ານການຕ່າງປະເທດ, ຍຶດໝັ້ນໃນແນວ ທາງການຕ່າງປະເທດຂອງພັກ, ເປີດກວ້າງການພົວພັນສາກົນຢ່າງມີຈຸດສຸມ ແລະ ຍາດແຍ່ງຜົນປະໂຫຍດຕົວຈິງມາສູ່ປະເທດຊາດ, ປັບປຸງກົນໄກການປະສານງານ ແລະ ຄຸ້ມຄອງວຽກງານການຕ່າງປະເທດຜ່ານປະຕູດຽວ, ສູ້ຊົນແກ້ໄຂຈຸດຄົງຄ້າງເສັ້ນຊາຍແດນກັບປະເທດເພື່ອນບ້ານໃຫ້ສຳເລັດໂດຍພື້ນຖານ, ສ້າງຄວາມເຂັ້ມແຂງໃຫ້ແກ່ຂະແໜງການຕ່າງປະເທດຂັ້ນທ້ອງຖິ່ນ ເພື່ອຮັບປະກັນຄວາມພ້ອມສຳລັບການເຊື່ອມໂຍງ-ເຊື່ອມຈອດພາກພື້ນ ແລະ ສາກົນໃຫ້ຫລາຍຂຶ້ນ.
No comments:
Post a Comment