ລາຊ-ລາວມຸ່ງໝັ້ນດໍາເນີນທຸລະກິດທີ່ມີຄຸນນະພາບຍືນຍົງໃນລາວ

ບໍລິສັດຣາຊ-ລາວບໍລິການຈຳກັດ, ເປັນບໍລິສັດໃນເຄືອຂອງບໍລິສັດຜະລິດໄຟຟ້າຣາຊບູລີໂຮນດິ້ງຈຳກັດ (ມະຫາຊົນ), ເຊິ່ງຖືຮຸ້ນໃຫຍ່ໂດຍການໄຟຟ້າຝ່າຍຜະລິດແຫ່ງປະເທດໄ(EGAT), ປັດ ຈຸບັນບໍລິສັດໄດ້ດໍາເນີນການພັດທະນາພະລັງງານໄຟຟ້າໃນຮູບແບບຕ່າງໆໃນ ສປປ ລາວ ຢ່າງຕໍ່ເນື່ອງຄື: ໂຄງການໂຮງໄຟຟ້າຫົງສາລິກໄນ, ແຂວງໄຊຍະບູລີ, ໂຄງການເຂື່ອນໄຟຟ້າເຊປ່ຽນເຊນ້ຳນ້ອຍ ແລະ ເຂື່ອນເຊກອງ 4 ແຂວງເຊກອງ, ເຂື່ອນໄຟຟ້ານໍ້າງື່ມ 2 ແຂວງຫລວງພະບາງ ແລະ ທຸລະກິດກ່ຽວຂ້ອງດ້ານພະລັງງານອື່ນໆ, ໂດຍສະເພາະແມ່ນການລົງທຶນໃນຕະຫຼາດຫຼັກຊັບ ແລະ ການສັນຫາບຸກຄະລາກອນເພື່ອການພັດທະນາໂຄງການຫົງສາແລະໂຄງການອື່ນໆທີ່ຈະເກີດຂຶ້ນໃນອະ ນາຄົດ.

ບໍລິສັດຣາຊ-ລາວບໍລິການຈຳກັດ, ສ້າງຕັ້ງ​ຂຶ້ນ​ເມື່ອຕົ້ນເດືອນພຶດສະພາ 2009 ​​ເພື່ອ​ດຳ​ເນີນ​ງານ​ຫຼັກ​ໃນ​ການ​ເດີນ​ເຄື່ອງ​ ແລະ ​ບຳລຸງ​ຮັກສາ​ເຂື່ອ​ນ​ໄຟຟ້າ​ນ້ຳ​ງື່ມ 2, ​ເຊິ່ງສາມາດ​ຜະລິດ​ກະ​ແສ​ໄຟ ຟ້າ​ຕັ້ງແຕ່ປີ 2011 ແລະ ການຈັດຫາບຸຄະລາກອນໃຫ້ໂຮງໄຟຟ້າພະລັງຄວາມຮ້ອນຫົງສາ, ມີທຶນ​ຈົດ​ທະບຽນ​ຢູ່ ສປປ ລາວ ໃນມູນ​ຄ່າ 2,5 ລ້ານ​ໂດ​ລາສະຫະລັດ, ​ເພື່ອ​ດຳ​ເນີນ​ທຸລະ​ກິດ​ພັດທະນາ​ພະລັງ ງານ​ໄຟຟ້າ​ ແລະ ກຸ່ມ​ບໍລິສັດ​ຖື​ຮຸ້ນ EDL-GEN ຫລາຍກວ່າ 10% ຂອງ​ຮຸ້ນ​ທີ່​ອອກ​ຈຳ​ໜ່າຍ​ໃນ​ຕະຫຼາດ​ຫຼັກ​ຊັບ​ລາວເພື່ອສະໜັບສະໜູນການຂະຫຍ້າຍທຸລະກິດຂອງEDL-GEN ຄິດ​ເປັນ​ມູນ​ຄ່າປະມານ​  55 ລ້ານ​ໂດ​ລາສະຫະລັດ ແລະ ເພື່ອໃຫ້ບັນລຸວິໄສທັດທີ່ວ່າ:“​ຈະ​ເປັນ​ຜູ້​ດຳ​ເນີ​ນການ​ບໍລິ ຫານ​ຈັດການ​ທຸລະ​ກິດ​ພະລັງງານ​ທີ່​ມີ​ຄຸນ​ນະ​ພາບ​ຢ່າງ​ໜັ້ນຍືນ​ໃນລາວ”.​ ໂດຍ​ພາລະ​ກິດຕົ້ນຕໍ​ຂອງ​ບໍລິສັດ​ແມ່ນການກຳນົດ​ແນວທາງ​ການ​ດຳ​ເນີນ​ງານ​ຮ່ວມ​ກັນ​ລະຫວ່າງພາກ​ລັດ​ແລະ​ເອກະ​ຊົນ, ກໍຄືຜູ້​ຮ່ວມ​ລົງທຶນ​ ແລະ​ ພະນັກງານທີ່​ສຳຄັນ​ເປັນຕົ້ນ: ການ​ສະໜັບສະໜູນ​ໜ່ວຍ​ງານ​ພາກ​ລັດ, ເອກະ​ຊົນ​ແລະ ​ອົງ​ກອນ​ສາທາລະນະ​ປະ​ໂຫຍ​ດຕ່າງໆ,​ ໃຫ້ການ​ສະໜັບສະໜູນ​ເງິນ​ທຶນ​ແກ່​ອົງ​ກອນ​ຕ່າງໆເຊັ່ນ: ສູນຄົນພິການທາງສາຍຕາໃນການໄປແຂ່ງຂັນກິລາທີ່ປະເທດສິງກະໂປ, ຊ່ວຍເຫຼືອອຸປະກອນເຄື່ອງ ໃຊ້ຫ້ອງການໃຫ້ແກ່ແຂວງບໍແກ້ວ ແລະ ບໍລິຈາກທຶນຮ່ວມກິດຈະກໍາທາງສັງຄົມເປັນຈໍານວນຫລວງ ຫລາຍ. ນອກຈາກນີ້, ບໍລິສັດ​ໄດ້ຮ່ວມ​ກັບ​ບໍລິສັດ​ຜະລິດ​ໄຟຟ້າ​ຣາຊບຸລີ​ໂຮ​ນດິ້ງຈຳກັດ(ມະຫາຊົນ) ​ແລະ​ ກະຊວງ​ສຶກສາ​ທິການ​ ແລະ​ ກິລາຮ່ວມ​ດຳ​ເນີນ​ໂຄງການ “ການ​ສຶກສາ​ສຳ​ຫຼັບ​ການ​ເສີມ​ສ້າງ​ຄວາມ​ຊຳນານ​ເພື່ອ​ດຳ​ເນີນ​ອາຊີບ” ເຊິ່ງ​ໂຄງການ​ດັງ​ກ່າວເນັ້ນໃສ່ການ​ພັດທະນາ​ບຸກຄະລາ​ກອນ​ຄູ​ໃນ​ມະຫາວິທະຍາ​ໄລ​ ​ເພື່ອ​ໃຫ້​ບຸກຄະລາ​ກອນ​ຄູ​​ເລົ່າ​ນັ້ນສາມາດນຳ​ເອົາຄວາມ​ຮູ້​ໄປ​ຜັນຂະຫຍາຍໃຫ້ບັນດາຄູ​ ແລະ​ ນັກ​ຮຽນ​ໃນ​ໂຮງຮຽນຕ່າງໆ, ທັງ​ສະໜັບ​ສະ​ໜູນ​ທຶນ​ພັດທະນາ​ຫ້ອງ​ຮຽນ​ດ້ານ​ຊ່າງ​ເທັກ​ນິກເປັນຕົ້ນ:​ ຂະແໜງກົນຈັກ​​ໂຮງງານ, ໄຟຟ້າ, ຈອດ-ເຊື່ອມ​ຢູ່​ວິທະຍາ​ໄລ​ປາກ​ປ່າ​ສັກ, ວິທະຍາ​ໄລ​ຊັບ​ພະ​ວິ​ຊາ​ ແລະ​ ວິທະຍາ​ໄລ​ເຕັກນິກ​ລາວ-​ເຢຍລະ​ມັນ, ພ້ອມ​ທັງ​ມອບ​ທຶນ​ການ​ສຶກສາ​ໃຫ້​ນັກ ຮຽນຈໍານວນ 120 ທຶນ​ຕະຫຼອດ​ໄລຍະ​​ເວລາ 5 ປີລວມການ​ສະໜັບສະໜູນ​ໃຫ້​ແກ່​ກະຊວງ​ສຶກສາ​ທັງ​ໝົດ 20 ລ້ານ​ບາດ(ສະກຸນເງິນໄທ). ນອກຈາກນີ້, ບໍລິສັດຍັງ​ສະໜອງເງິນ​ປະກອບ​ອາຊີບແບບບໍ່ມີ​ດອກ​ເບ້ຍ, ພາຍໃຕ້ໂຄງການ “ກ້າ​ໄມ້,​ ແຕກ​​ໃບ, ສົດ​ໃສ, ຍືນ​ຕົ້ນ,​​ ໃຫຍ່​ງາມ”  ຊຶ່ງ​ໂຄງການ​ດັ່ງ​ກ່າວ​​ເປັນການຮ່ວມ​ມື​ລະຫວ່າງ​ບໍລິສັດ​ແລະ​ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ ​ເພື່ອສະໜອງ​ທຶນ​ປະກອບ​ອາຊີບແບບບໍ່ມີດອກເບ້ຍ​ໃຫ້​ແກ່​ນັກ​ຮຽນ​ທີ່​ຈົບ​​ຈາກ​ສູນ​ຝຶກ​ວິຊາ​ຊີບ​ຊາວ​ໜຸ່ມ​ດອນບອດ​ສະ​ໂກເພື່ອກູ້​ຢືມ​​ໄປ​ລົງທຶນ​ປະກອບ​ອາຊີບ​ໃນ​ຮູບແບບ​ເງິນ​ທຶນ​ໜູນ​ວຽນ​ເພື່ອ​ກະຈາຍ​ທຶນ​ໃຫ້​ແກ່​ນັກ​ຮຽນ​ທີ່​ຈົບ​ການ​ສຶກສາ​ໃນ​ລຸ່ນຕໍ່ໆ​ໄປ, ເຊິ່ງ​ເປັນ​ໂຄງການ​ທຳ​ອິດ​ທີ່​ບໍລິສັດ​ສະໜັບສະໜູນ​ໃນໄລຍະ​ເວລາ 3 ປີລວມມູນ​ຄ່າ​ 6 ແສນບາ​ດ.

ບໍລິສັດດັ່ງກ່າວໃຫ້ຮູ້ວ່າ: ບໍລິສັດຣາຊ-ລາວ,ໄດ້ຮັບສະໜັກນັກສຶກສາທີຈົບໃຫມ່ດ້ານຊ່າງໄຟຟ້າ, ຈອດ-ເຊື່ອມ, ກົນຈັກ ແລະ ດ້ານບໍລິຫານເພື່ອຮັບເຂົ້າເປັນພະນັກງານເຮັດວຽກຢູ່ໂຮງໄຟຟ້າພະລັງຄວາມຮ້ອນຫົງສາໃນສົກປີ 2014-2015 ມີຈໍານວນ133 ຄົນ. ນອກຈາກນີ້, ບໍລິສັດຍັງມີແຜນດໍາເນີນໂຄງການໄບໂອແມສແພລນເທຊັນ(Biomass Plantation )ເພື່ອເປັນພະລັງງານທົດແທນການນຳໃຊ້ຖ່ານຫີນໃນອານາຄົດຂ້າງໜ້າ,ປັດຈຸບັນໂຄງການດັ່ງກ່າວຢູ່ລະຫວ່າງການທົດລອງປູກກ້າເບ້ຍໄມ້ທີ່ຈະເປັນວັດຖຸດິບໃນການນຳໃຊ້ເປັນພະລັງງານທົດແທນໃນອະນາຄົດ ແລະ ຊ່ວຍພັດທະນາລາຍໄດ້ເສດຖະກິດແກ່ປະຊາຊົນ ສປປ ລາວ ໄດ້ຢ່າງໝັ້ນຍືນ. ສ່ວນໂຄງການເຊປຽນເຊນ້ຳນ້ອຍ, ປັດຈຸບັນໄດ້ດຳເນີນການກໍ່ສ້າງງານຂຸດເຈາະອຸໂມງເພື່ອນຳໃຊ້ໃນເຄື່ອງຈັກປັ່ນໄຟຟ້າມີຄວາມຄືບໜ້າຫລາຍກວ່າ 25% ແລະ ຄາດວ່າຈະສາມາດເປີດເດີນເຄື່ອງປັ່ນໄຟຟ້າໄດ້ໃນປີ2019, ໂຄງ ການໂຮງໄຟຟ້າພລັງງານຄວາມຮ້ອນຫົງສາລິກໄນແມ່ນມີພິທີເປີດໃນວັນທີ 9 ທັນວາ 2015 ຜ່ານມາ, ໂດຍການໃຫ້ກຽດເຂົ້າຮ່ວມຂອງທ່ານຮອງປະທານປະເທດບຸນຍັງວໍລະຈິດ, ເຊິ່ງປັດຈຸບັນໄດ້ເດີນເຄື່ອງປັ່ນໄຟຟ້າແລ້ວ 2 ໜ່ວຍ ແລະ ຄາດວ່າຈັກໜ່ວຍທີ 3 ຈະເດີນເຄື່ອງໄດ້ໃນຕົ້ນປີ2016, ໂດຍມີກໍາລັງການຕິດຕັ້ງທັງໝົດ 1.845 ເມກາວັດ(MW).

ຜູ້ບໍລິຫານລະດັບສູງບໍລິສັດຣາຊ-ລາວໃຫ້ຮູ້ວ່າ: ຕະຫຼອດ​ໄລຍະ​​ເວລາ​ 6 ປີທີ່​ບໍລິສັດມີຄວາມມຸ່ງ​ໜັ້ນ​ທີ່​ຈະ​ສ້າງ​ຄວາມ​ເຕີບ​ໃຫຍ່ໄປຄວບ​ຄູ່​ກັບ​ການ​ພັດທະນາ​ຊີວິດການເປັນຢູ່ຂອງ​ປະຊາຊົນລາວໃຫ້ດີ​ຂື້ນເທື່ອລະກ້າວ, ບໍລິສັດຮັບຮູ້ດີ​ວ່າການ​ເຕີບໃຫຍ່​ທີ່ຍືນຍົງ​ຈະ​ປາກົດຜົນເປັນຈິງ​ໄດ້ກໍແມ່ນເລີ່ມຈາກການ​ສ້າງ​ຄວາມ​ເຂັ້ມ​ແຂງຂອງ​ການ​ປູກຈິດສໍານຶກຫລືການ​ສ້າງ​ຄ່າ​ນິຍົມ​ທີ່​ຖືກຕ້ອງ, ມີຄຸນ​ນະ​ທຳ, ຈາລິ​ຍະ​ທຳຄວາມ​ຊື່ສັດຄວາມ​ໂປ່​ງ​ໃສ່​ ແລະ ​ມີຄວາມ​ຮັບຜິດຊອບສູງຕໍ່ພັນທະຕໍ່ລັດຖະບານກໍຄືຄວາມຢູ່ດີກິນດີ ແລະ ມີຄຸນນະພາບຊີວິດຍືນຍົງຂອງປະຊາຊົນ.