ໃນວັນທີ 22 ທັນວານີ້, ບໍລິສັດ ທິບພະຍະປະກັນໄພ ປະຈຳລາວ ໄດ້ນຳສະເໜີຜະລິດຕະພັນໃໝ່ຂອງຕົນຂຶ້ນ, ມີຊື່ວ່າ: ທິບເອອີຊີ (Tip AEC)
ເພື່ອຕ້ອນຮັບການເຂົ້າເປັນປະຊາຄົມເສດຖະກິດອາຊຽນຂອງລາວ ໃນມໍ່ໆນີ້, ເຊິ່ງຜະລິດຕະພັນໃໝ່ນີ້ ເປັນການເພີ່ມການຄຸ້ມຄອງພະຫະນະ, ຊີວິດ ແລະ ອື່ນໆຈາກອຸປະຕິເຫດທີ່ອາດຈະເກີດໃນເວລາທີ່ລູກຄ້າເດີນທາງໄປປະເທດໄທ.
ທ່ານ ບຸນໄຊ ບຸນຍານຸຣັກ ກຳມະການຜູ້ຈັດການໃຫຍ່ ທິບພະຍະປະກັນໄພ ກ່າວວ່າ: ຜະລິດຕະພັນໃໝ່ນີ້ ແມ່ນການຄຸ້ມຄອງພະຫະນະ, ຊີວິດຂອງລູກຄ້າຂ້າມປະເທດ. ໂດຍສະເພາະໃນກໍລະນີ ລູກຄ້າເດີນທາງ
ໄປຕິດຕໍ່ທຸລະກິດ, ຈັບຈ່າຍໃຊ້ສອຍ ຫລື ທ່ອງທ່ຽວຕາມແຂວງຕ່າງໆໃນປະເທດໄທ ແມ່ນບໍ່ຕ້ອງກັງວົນອີກຕໍ່ໄປ
ເພາະຫາກເກີດອຸປະຕິເຫດ ຫລື ອື່ນໆ
ທາງບໍລິສັດທິບພະຍະ ຈະຊົດເຊີຍ ແລະ ຄຸ້ມຄອງທ່ານ ເຖິງວ່າໃນເວລາທີ່ເກີດອຸປະຕິເຫດ ທ່ານຈະຢູ່ໄທ ຫລື ລາວກໍຕາມ. ນອກຈາກຜະລິດຕະພັນທີ່ກ່າວມານີ້ແລ້ວ ຍັງມີຫລາຍຜະລິດຕະພັນທີ່ທາງບໍລິສັດໄດ້ເຮັດຂຶ້ນມາເພື່ອລູກຄ້າໂດຍສະເພາະ ແລະ ຫວັງວ່າໃນຕໍ່ໜ້າທິບພະຍະ ຈະມີຜະລິດຕະພັນໃໝ່ເພີ່ມຂຶ້ນເພື່ອຄວາມຕ້ອງການຂອງສັງຄົມລາວ.
No comments:
Post a Comment