ເຈົ້າໜ້າທີ່ມອດໄຟ ນະຄອນຫລວງວຽງຈັນ ໃຫ້ຮູ້ວ່າ: ເວລາປະມານ 19:45 ນາທີ ຂອງວັນທີ 18 ທັນວາຜ່ານມາ,
ໄດ້ເກີດເຫດໄຟໄໝ້ເຮືອນຈຳໜ່າຍແກັສ ແລະ ຂາຍເຄື່ອງບໍລິໂພກ
ແລະ ເຮືອນຫ້ອງແຖວ 7 ຫ້ອງ ແລະ ເຮືອນທຳມະດາ
3 ຫລັງ ຢູ່ບ້ານສີຫອມ ເມືອງຈັນທະບູລີ ນະຄອນຫລວງວຽງຈັນ ໄດ້ສ້າງຄວາມເສຍຫາຍມີລົດຈັກ 5 ຄັນ ເງິນສົດຫລາຍກວ່າ 197 ລ້ານກີບ, 10 ລ້ານບາດ (ສະກຸນເງິນໄທ) ແລະ 40 ພັນໂດລາສະຫະລັດ, ສ່ວນສາເຫດແມ່ນເກີດຈາກການໄຕ້ທູບທຽນບູຊາ
ເຈົ້າໜ້າທີ່ ໃຫ້ຮູ້ວ່າ: ພາຍຫລັງໄດ້ຮັບແຈ້ງ ກໍຮີບນຳລົດນ້ຳ ແລະ ເຈົ້າໜ້າທີ່ຈຳນວນໜຶ່ງ ລົງຊ່ວຍດັບມອດໄຟທີ່ກຳລັງລຸກໃໝ້, ຜ່ານໄປຫລາຍຊົ່ວໂມງ ຈຶ່ງສາມາດສະກັດກັ້ນ ແລະ ຄວບຄຸມໄຟໄວ້ໄດ້. ຈາກເຫດການທີ່ບໍ່ເພີ່ງປາຖະໜາດັ່ງກ່າວ ຈຶ່ງຂໍເຕືອນໃຫ້ປະຊາຊົນ ຈົ່ງມີສະຕິໃນການຊົມໃຊ້ຟືນໄຟ,
ໃຕ້ທູບທຽນບູຊາໃນວັນສິນວັນພະຕ່າງໆ ໃຫ້ລະມັດລະວັງ ເພື່ອປ້ອງກັນການເກີດອັກຄີໄພທີ່ສາມາດເກີດຂຶ້ນໄດ້ທຸກເວລາ.
No comments:
Post a Comment